Mersi Ris shtroi iftar për myftiu mr. Naim Tërnava dhe bashkëpunëtorët

Shefja e Zyrës Amerikane në Prishtinë

Mersi Ris shtroi iftar për myftiu mr. Naim Tërnava dhe bashkëpunëtorët



Në vazhdim të fjalës së saj zonja Mersi Ris ndër të tjerat tha: “Sonte përreth kësaj tovoline janë ulur besimtarët e tri besimeve të mëdha të Ibrahimit-mysliman, të krishterë dhe çifutë, të cilët bashkë janë ulur në tryezën e bollshëme sot, ne poashtui kemi të përbashkëta vlerat të cilat Zoti i Ibrahimit ia ka dhuruar gjithë fëmijëve të tij nëpër mote”.

Ndërkaq myftiu Naim Tërnava ndër të tjerat tha: “Më lejoni të shpreh kënaqësinë dhe konsideratën time të lartë për Ju dhe shtetin që përfaqësoni, për kujdesin e treguar, duke na tubuar në sofrën e ngrohtë të iftarit të këtij muaji të bekuar të Ramazanit në këtë përbërje.

Kanë mbetur edhe pak ditë për ta kremtuar festën e Fitër-Bajramit. Gjatë këtij muaji, besimtarët muslimanë anekënd botës me dashuri dhe devocion kryejnë adhurimin e tyre ndaj Allahut, duke iu lutur Atij për mëshirë, paqe dhe falje mëkatesh. Prandaj, ata festën e bajramit e presin të forcuar dhe të përkushtuar për ta luftuar edhe më shumë djallin e mallkuar - sinonimin e së keqes”.

Fjalën e myftiut Naim Tërnava po e japim të plotë në shqip dhe anglisht.


Fjala e Myftiut Naim Tërnava - Kryetar i Kryesisë së BI-së të Kosovës me rastin e iftarit të shtruar nga Zyra e SHBA-ve në Prishtinë

E nderuara zonja Mersi Ris - shefe e zyrës së SHBA-ve në Kosovë!

Të nderuar të pranishëm!

Më lejoni të shpreh kënaqësinë dhe konsideratën time të lartë për Ju dhe shtetin që përfaqësoni, për kujdesin e treguar, duke na tubuar në sofrën e ngrohtë të iftarit të këtij muaji të bekuar të Ramazanit në këtë përbërje.

Kanë mbetur edhe pak ditë për ta kremtuar festën e Fitër-Bajramit. Gjatë këtij muaji, besimtarët muslimanë anekënd botës me dashuri dhe devocion kryejnë adhurimin e tyre ndaj Allahut, duke iu lutur Atij për mëshirë, paqe dhe falje mëkatesh. Prandaj, ata festën e bajramit e presin të forcuar dhe të përkushtuar për ta luftuar edhe më shumë djallin e mallkuar - sinonimin e së keqes.

E nderuara zonja Ambasadore,
Të nderuar të pranishëm,

Islami është fe e paqes, tolerancës dhe bashkëjetesës. Ai i fton njerëzit që të jetojnë në paqe që të gjithë - pavarësisht nga dallimet e tyre fetare, politike, gjinore, kombëtare e të tjera. Në fakt, të gjitha fetë që konsiderohen qiellore, e kanë këtë platformë dhe këtë parim, mirëpo, janë njerëzit ata që, me vetëdije apo pa të, duke vepruar në kundërshtim me vullnetin e Zotit, në kundërshtim me parimet e fesë së tyre, i luftojnë të tjerët duke iu shkaktuar dhëmbje të tmerrshme dhe peripeci të shumta.

Ne në Kosovë, duke agjëruar këtë Ramazan, të katërtin pas luftës, nuk mundemi të mos kujtojmë dhembjet, vuajtjet dhe peripecitë që na u shkaktuan pikërisht në ditën e parë të Kurban-Bajramit të vitit 1999. Mirëpo, deshi Allahu i Gjithmëshirshëm që të gjithë njerëzit e vullnetit të mirë, të merrnin një qëndrim të guximshëm dhe të ndershëm, për ta marrë nën mbrojtje këtë popull të pambrojtur, që ishte viktimë e një regjimi kriminel e të papërgjegjshëm. Ishte vendi juaj në krye të këtyre popujve paqedashës, kontributin e të cilëve nuk do ta harrojmë kurrë. Në Kur’an thuhet: “(U lejuan të luftojnë) Ata, të cilët vetëm pse thanë: ‘All-llahu është Zoti ynë!’ u dëbuan prej shtëpive të tyre pa kurrfarë të drejte. Sikur Allahu të mos i zbrapste disa njerëz me disa të tjerë, do të rrënoheshin manastiret, kishat, sinagogat dhe xhamitë, në të cilat vazhdimisht përmendet emri i Allahut” (El-Haxh, 40)

Për fat të keq, mu gjatë këtyre ditëve të këtij muaji të shenjtë, kur myslimanët i përkushtohen me tërë qenien e tyre adhurimit të Krijuesit të Vetëm, jemi dëshmitarë për krimet që bëhen në emër të Islamit nga ata që më së paku janë muslimanë, ngase Islami, mbi të gjitha, çmon jetën e njeriut si dhuratën më të shtrenjtë të Allahut. Viktimat e akteve të këtilla kriminale janë njerëz të pafajshëm, prandaj, si të tilla, ato akte për ne sa janë të neveritshme janë edhe jonjerëzore, ato duhen dënuar, kurse autorët e tyre duhet ta marrin ndëshkimin e merituar.

Ne na mban shpresa se në botën që po jetojmë, me angazhimin e të gjithëve do të mbretërojë paqja, harmonia dhe stabiliteti për një të ardhme më të mirë për mbarë njerëzimin. Duke Ju falënderuar edhe një herë, Zonja Ris, për takimin në këtë iftar, unë lus Allahun që gjithkund në botë të zotërojë paqa dhe dashuria.

Ju falemnderit!
Myftiu Naim Tërnava
23 Ramazan 1424
18.11.2003



The speech of Mr. Naim Trnava Mufti of Kosova for the occasion of the Iftar organized by US Office in Prishtina

Mrs Marcie B . Ries Chief of Mission US office in Prishtina
Distinguished guests,

Allow me to express my high sympathy and appreciation for You and the country that you represent.
United States of America is permanently being supportive to our small but very friendly nation. This invitation extended to us, which is apparently brining us round the “Iftar table”, spreads worm and nice feelings among all, in this holy month of Ramadan.

During this holy month Muslims all over the world with love passion and devotion worship God all mighty, by praying for His mercy, peace and forgiveness.

For the same reason, Muslims become stronger and braver looking forward for the celebration of Al Aid al Fiter to be even more determined in the path of God all mighty They will be more determined to challenge all what is bad and evil in our road to peace and prosperity for all mankind.

Dear Mrs. Ambasadore,
Dear guests,

Islam is a religion of pace tolerance and coexistence. It invites people to live together in peace, regardless to their beliefs, political opinions, gender or nationality.

As a matter of fact all religions, which are based on Devin doctrine, teach these principals. But humans are the ones who work against the will of God, be it consciously or subconsciously.

It is against the will of God when they fight each other and bring harm and destruction to others.

This is our forth Ramadan in peace. It is very hard not to mention that Aid al Adha four years ago when we went through so much pain and sufferings It was the first day of Aid al Adha in 1999.

And again, it was God’s will who inspired all peace loving nations to stand firm on our side and say stop to the terror and destruction which was devastating this part of the world

It was your country on the lead of these peace loving nations. We will never forget that.

Allah in the Holy Quran says: “Those who have been expelled from their homes unjustly only because they said: Our Lord is
Allah. For had it not been that Allah checks one set of people by means of another, monasteries, churches, synagogues and mosques, wherein the name of Allah is mentioned much would surely have been pulled down Verily, Allah will help those who help His (cause). Truly Allah is All Strong All Mighty.” (Al-Haj: 40)

Unfortunately, during these days of this particular month when Muslims are so devoted to worship God the sole creator of the Universe, we are witnessing crime and killings allegedly in the name of Islam.

Dear guests Islam values life and living above all - as the most precious gift from God all mighty. Victims of these acts of violence and terror are innocent people. These acts are cruel and inhuman and as such it must be condemned and the authors must be brought to the justice.

We hope that with the unified efforts and with a strong will and determination to win, peace and harmony will prevail.
We hope for a better future for all mankind.

Taking this opportunity, I thank you very much for organizing this wonderful Iftar which brings us together and I pray to God all mighty that peace and love prevail all over the world.

Thank you!

Mr. Naim Tërnava
Mufti of Kosova

Prishtinë, 18.11.03