Reagim i DMPD-së lidhur me keqpërdorimin e lajmeve dhe fotografive të komunës së Podujevës nga "hakeri" Shefqet Cakiqi

Reagim i DMPD-së lidhur me keqpërdorimin e lajmeve dhe fotografive të komunës së Podujevës nga "hakeri" Shefqet Cakiqi

Podujevë, 12 nëntor 2003 / B. Toçani

R E A G I M

Kundër plagjiaturës (vjedhjes) së lajmeve dhe fotografive nga Komuna e Podujevës nga ana e njëfarë “hakeri” në web site-in www.beepworld.de/members48/shllapashtica që e mbanë Shefqet Cakiqi.

z. Cakiqi duke përdorur lajme dhe fotografi të cilat u shpërndahen vetëm agjensioneve të autorizuara: www.kosova.com (QIK) dhe www.trepca.net dhe “Radio Vizionit” nga Podujeva, me ose pa vetëdije shkelë të drejtat e rezervuara të këtyre bashkëpunëtorëve të Drejtorisë për marrëdhënie me Publikun dhe Demokratizim. Z. Llapashtica- alias Cakiqi pa kurrfarë hezitimi kopjon lajme e fotografi (duke ua hequr autorësinë) e këtë mbase e bën edhe nga gazetat dhe reporterët lokalë të Podujevës për ta mbajtur web faqen e vet të ashtuquajtur “Info-Besiana”.

DMPD njofton opinionin publik, por edhe agjensionet QIK – www.kosova.com dhe www.trepca.net , por edhe Radio Vizionin dhe gazetarët që shërbehen përditë me lajmet që kjo drejtori distribuon se veprimtaria e z. Sh.llapashtica është shkelje e të drejtës autoriale, plagjiaturë pirateske e cila nuk i shërben as atij dhe as asaj faqes që ai përpiqet ta mbajë në internet.

z. Llapashtica në rubrikën “lajme nga Llapi” vërtetë plason informacione të cilat në shumë raste i atribuohen “Radio Vizioni”-t, mirëpo ka edhe lajme pa autorësi e që në të vërtetë janë lajme të DMPD-së. Ndërkaq fotot ose i vjedh nga www.trepca.net ose www.radio-vizioni.com e të cilat këto dy institucione i përdorin me autorizim. Prandaj kërkojmë nga këta dy bashkëpunëtorë shumë korrektë që të reagojnë me kohë tek autori i faqes si dhe ta njoftojnë provajderin me këtë plagjiaturë.

Po theksojmë se përdorimi i emblemës së komunës së Podujevës me emrin Besiana është një nga shkeljet më të rënda sepse emblema në faqen e sh.llapashticës është e komunës së Podujevës dhe jo e një komune të paqenë.

Këtij reagimi i bashkohet edhe Drejtori i Radio “Vizioni” z. Fazli Veliu i cili me plot përgjegjësi thekson se nuk ka kurrfarë bashkëpunimi me z. Llapashtica dhe as që ka autorizuar ate t’i përdorë pa kurrfarë autorizimi lajmet nga radioja e tij.

Mirëpo kërkojmë edhe nga pronari i www.trepca.net , www.kosova.com dhe gazetarët lokalë që ta denoncojnë një veprimtari të tillë pranë organeve gjyqësore në Kosovë, Zvicër dhe Gjermani.

z. Cakiqi,

Ne ju njoftojmë, me keqardhje se për këtë lloj “web gazetarie” do të njoftohen edhe OSBE-ja dhe Komisioneri për media si dhe mediat publike të Kosovës, përfshirë edhe ato që botohen në Kosovë dhe diasporë. Mirëpo edhe autoritetet e Zvicrës dhe asociacionet për mbrojtjen e të drejtave autoriale.

Podujevë Kordinatori për Marrëdhënie me Publikun
12.11.2003 B. Toçani