|  KOMENTE  |  HISTORI  |   POLITIKË  |  OPINIONE  |  ADRESARI  |  ARKIVI  | 

Drejtoria për Administratë të Përgjithshme në 10 mujorin e parë të këtij viti ka realizuar  qindpërqind të hyra nga shërbimet për qytetarët

Podujevë, 10 nëntor 2003 - (TN) - “Gjatë kesaj periudhe për punët e kryera janë realizuar 41.959 € që do të thotë se është realizuar plani 100% për mbledhjen e të hyrave të parapara për këtë organ”, pohoi drejtori i Drejtorisë për Adminisratë të Përgjithshme Hamit Shala.   Në Shërbimin e Arhivës Komunale gjithësejtë janë pranuar 2283 lëndë të ndryshme për udhëheqjen komunale dhe 12 drejtoritë e KK të Podujevës, njoftoi sot Drejtori Shala në një raport të publikuar në dhjetëmujroin e punës së shërbimit civil.   “Në Shërbimin e regjistrimit civil brenda këtij dhjetëmujori numri i personave të regjistruar është 2854, numri i kerkesave per dokumente të udhëtimit është  4335, numri i dokumenteve të udhëtimit të marrura 4616, numri i dokumenteve të shpërndara 5454, numri i dokumenteve të udhëtimit të korrektuara 546, numri i letërnjoftimeve të marura 3169, numri i letërnjoftimeve të  shpërndara 3776, letërnjoftime të humbura 540, dokumente  të vazhduara 1519, çertifikata vendbanimi 452 “, tha drejtori Shala duke shtuar: Krahasur punën e këtij shërbimi me vitin e kaluar këtu kemi një zvogëlim të punëve të kryera për 40% sepse po bie numri i personave të regjistruar.

 

Në shërbimin e ofiqarisë gjatë periudhës raportuese janë kryer këto punë: janë pranuar gjithësejt 30.457 kërkesa, nga këto: ekstrakte të lindjes 16.239, ektrakte të martesës 3.499, ekstrakte të vdekjes 743, Çertifikata të bashkësisë familjare 1713, vërtetime se personat janë të lirë për martesë 2231.

 

Në shërbimin e ofiqarisë nëse bëjme një krahasim me vitin e kaluar kemi një rritje prej 10% të kryerjes dhe rritjes së kërkesave të ndryshme, ka pohuar z. Shala. Vlen të theksohet se lëndët e arritura në këtë shërbimin gjatë periudhës së këtij viti të gjitha janë zgjidhur brenda afatit të paraparë dhe gati në të gjitha rastet palët janë të kënaqura me punët qe u janë kryer.

 

Në kuadër të DAP tashmë funksionojnë edhe Zyra e Prokurimit dhe Zyra e Habitatit të cilat do të japin raporte shtesë, gjegjsisht kjo e dyta është në fazën përgatitore dhe trajnuese të stafit, njoftoi Hamit Shala.