Përmbajtja:

• Solana tha se "nëse dialogu nuk funksionon, konsekuencat nuk do të jenë të mira për askënd"

• Sot në Prishtinë vdiq gazetari i njohur Ali Olloni

• M.Ris: "Porosia e Ramazanit është që çdo qenie njerëzore, e cilitdo besim, të pranohet me zemër"

• Të hënën në Kosovë fillon "Java kosovare e biznesit"

• Nesër akrepat e orës kthehen prapa për një orë

• Bedri Ramaj nga Istogu u dënua me 10 vjet burgim në Tetovë

• Policia serbe në përkrahje të komandantit që kreu krime lufte në Kosovë

• Irakut i premtohet së paku 13 miliardë dollarë

• Akt terrorist saudit në "hapat e fundit

• Në qytetin Amari në Irak vritet komandanti i policisë

• OKB pezullon aksionet humanitare në Afganistan

• Arrestohet miliarderi rus i naftës

• Nga 46 minatorët të ngujuar në një minierë thëngjillit në Rusi, janë shpëtuar vetëm 6 prej tyre

• Një burrë 51 vjeçar ka vrarë ish të dashurën e tij dhe 3 persona të tjerë në një kafene në Oldtaun

 

Solana tha se "nëse dialogu nuk funksionon, konsekuencat nuk do të jenë të mira për askënd"

 

Londër, 25 tetor 2003 - Përfaqësuesi i lartë i Bashkimit Evropian për Politikë të Jashtme, Havier Solana, në përfundim të vizitës në Prishtinë, deklaori se është i kënaqur me takimet që pati. "Mendoj se ishte vizitë e mirë, konstruktive.

 

Pata rastin të takohem me zotin Holkeri, me të gjithë liderët e Kosovës dhe mendoj se dialogu mes nesh ka qenë shumë konstruktiv, pozitiv dhe shpresoj shumë se ata do ta shqyrtojnë me shumë seriozitet ofertën që do tua bëjë atyre zoti Holkeri", tha Solana për BBC-në.

Solana tha se suksesi i dialogut do të jetë shumë më relevant nëse përfshihen institucionet e Kosovës. "Ai nuk është debat midis shoqërive civile, por debat midis një qeverie me një qeveri tjetër për çështje që u përkasin dy qeverive me bashkëpunimin e bashkësisë ndërkombëtare përmes zotit Holkeri dhe ekipit të tij", u shpreh Solana.

 

Por, sipas Solanës, "nëse dialogu nuk funksionon, konsekuencat nuk do të jenë të mira për askënd, por në veçanti për qytetarët e Kosovës".

 

 

Sot në Prishtinë vdiq gazetari i njohur Ali Olloni

 

Prishtinë, 25 tetor 2003 - Sot në Prishtinë, pas një sëmundje të shkurtër, në moshën 56-vjeçare, vdiq gazetari i njohur Ali Olloni. Vdekja e hershme, Ali Ollonin e gjeti në postin e redaktorit në agjencinë e lajmeve “Kosovalive”.

Ali Olloni, gazetar shumëvjeçar, ka punuar edhe në redaksinë e gazetës”Zëri i Rinisë”, në Televizionin e Prishtinës, në gazetën e përditshme “Rilindja” si dhe në “Koha ditore”.

I ndjeri Ali Olloni është marrë edhe me shkrime letrare dhe ka qenë anëtar i Lidhjes së Shkrimtarëve të Kosovës.
Varrimi i të ndjerit do të bëhet sot në orën 14 në Gjakovë.

 

 

M.Ris: "Porosia e Ramazanit është që çdo qenie njerëzore, e cilitdo besim, të pranohet me zemër"

 

Prishtinë, 25 tetor 2003 - Zonja Marsi Ris, shefe e misionit të Zyrës së SHBA-ve në Prishtinë, lëshoi një deklaratë me rastin e fillimit të muajit të Ramazanit.

“Në emër të popullit amerikan, të të gjitha besimeve, ju uroj fillimin e Muajit të Shenjtë të Ramazanit. Bashkësia e myslimanëve në Kosovë përbëhet nga shumë grupe etnike, si brenda Kosovës ashtu edhe nga mbarë bota, por në këtë kohë të vitit ju bashkoheni si një komunitet i vetëm – Komunitet Islam - për të agjëruar, për të bërë vepra bamirëse dhe për t'u lutur në përputhje me Besimin tuaj dhe traditat e tij, ashtu siç janë të theksuara në librin e Shenjtë të Kuranit", thuhet në këtë deklaratë të zonjës Ris.

"Porosia e Ramazanit është ajo që çdo qenie njerëzore, e cilitdo besim, apo edhe atyre pa ndonjë besim, të pranohet me zemër. Për arsye se Ramazani na mëson që të ballafaqohemi me dhimbjen e urisë vullnetare, që të vuajmë vullnetarisht privimin, ashtu që ne të mund të dijmë se si vuajnë të varfërit e botës sonë çdo ditë.

 

Përmes shembullit të Iftarit, Ramazani na mëson se tryeza jonë duhet të jetë e hapur për të tjerët, se ne duhet të ndajmë bollëkun tonë dhe të ftojmë të varfërit të hajnë së bashku me ne. Këto janë mësimet të cilat ne mund t’i pranojmë me zemër, jo vetëm gjatë Ramazanit, por gjatë tërë vitit".

" Në emër të Zyrës së SHBA-ve në Prishtinë dhe popullit amerikan, i dëshiroj çdo myslimani në Kosovë një Ramazan paqësor dhe të gëzueshëm. Ramadan Kareem, me fat Ramazani", thuhet në këtë deklaratë të shefes së Zyrës amerikane në Prishtinë.

 

 

Të hënën në Kosovë fillon "Java kosovare e biznesit"

 

Prishtinë, 24 tetor - Me një sërë aktivitetesh, të hënën në Kosovë do të fillojë "Java kosovare e biznesit", e cila organizohet nga Alenaca Kosovare e Biznesit. Gjatë një jave me aktivitete të ndryshme do të informohen qytetarët e Kosovës për produktet vendore, në mënyrë që të shtohet konsumi i tyre.

 

Përfaqësuesit e Aleancës Kosovare të Biznesit mendojnë se një përqindje e madhe e qytetarëve të Kosovës janë më shumë të interesuar për produktet e huaja se sa për prodhimet e vendit.

 

Ata theksojnë se rritja e konsumit të prodhimeve vendore do të ndihmojë zhvillimim ekonomik të Kosovës, hapjen të vendeve të reja të punës, dhe një buxhet më të qëndrueshëm. Gjithashtu ata janë të bindur se shumë produkte të Kosovës janë më ekologjike sesa ato që importohen nga jashtë.

"Java kosovare e Biznesit" organizohet për herë të parë herë. Aleanca Kosovare e Biznesit synon që ky manifestim të jetë tradicional.

 

 

Nesër akrepat e orës kthehen prapa për një orë

 

Prishtinë, 24 tetor - Që nga dita e nesërme, më 26 tetor, fillon llogaritja dimërore e kohës. Në orën 3.00 akrepat e orës kthehen prapa për një orë.

 

 

Bedri Ramaj nga Istogu u dënua me 10 vjet burgim në Tetovë

 

Tetovë, 25 tetor 2003 - Një gjykatë e Tetovës ka dënuar me 10 vjet burgim Bedri Ramajan nga Istogu. Ramaj është dënuar me këtë masë për shkak të një vrasjeje që ka ndodhur më 9 gusht të vitit 2002 në fshatin Bogovinë të Tetovës dhe me atë rast humbi jetën Samet Aliti nga po ky fshat.

Ndërkohë Bedri Ramaj nga një gjyjkatë e Shkupit akuzohet edhe për vepra të tjera penale.

 

 

Policia serbe në përkrahje të komandantit që kreu krime lufte në Kosovë

 

Beograd, 25 tetor 2003 - Mijëra policë serbë kanë marrë pjesë mbrëmë në një protestë në qendër të Beogradit për të protestuar kundër akuzave ndaj komandantit të tyre nga Gjykata e Hagës.

Gjykata kërkon nga Serbia të dorëzojë gjeneralin, Sreten Lukiq në Hagë së bashku me tre gjeneralë të tjerë të dalë në pension për t'u përballur me akuzat për krime kundër njerëzimit gjatë konfliktit në Kosovë midis viteve 1998 dhe 1999.

Disa njoftime thonë se rreth 5000 oficerë në uniformë, por pa armë morën pjesë në protestë.
Lukiq ka komanduar forcat serbe të policisë në Kosovë ku afro 10 mijë shqiptarë u vranë apo nuk dihet se ku janë para fillimit të sulmeve të NATO-s.

 

 

Irakut i premtohet së paku 13 miliardë dollarë

 

Madrid, 25 tetor 2003 - Një samit ndërkombëtar në Madrid ka arritur të marrë së paku 13 miliardë dollarë premtime kryesisht në formën e subvencioneve dhe huave për të ndihmuar rindërtimin e Irakut.

 

Ndërkohë që SHBA ka premtuar 20 miliardë dollarë, 33 miliardë janë më pak nga 56 miliarëd të nevojshme për rindërtimni e vendit të shkatërruar nga lufta.

Por, organizuesit janë të kënaqur me rezultatin e konferencës së Madridit.

Zëvendëskryeministri spnajoll, Rodrigo Rato tha se 33 miliardë dollarë nuk përfshinin ndihmën tekkine apo ndihmë tjetër të ofruar në mënyra të tjera.

Zyrtarët irakinë falenderuan 77 vendet që morën pjesë. Kreu i Këshillit drejtues irakian, Ajad Allaui tha se balanca midis subvencioneve, huave dhe të ardhurave nga nafta ishte pothuajse e drejtë.

 

 

Akt terrorist saudit në "hapat e fundit

 

Londër, 25 tetor 2003 - Terroristët në Arabinë Saudite "mund të jenë në fazat e fundit të planifikimit të sulmeve", ka paralajmëruar Ministria e Jashtme britanike.

Frika e një sulmi të mundshëm ka bërë që ministria të këshillojë të gjithë britanikët që planifikojnë të udhëtojnë në këtë vend të Lindjes së Mesme.

Në një deklaratë të nxjerrë të premten thuhet: "Ne këshillojmë shtetasit britanikë kundër udhëtimeve në Arabinë saudite, përveç rasteve të domosdoshme".

Të enjten Australia nxori të njëjtin paralajmërim dhe këshilloi shtetasit të mos shkojnë në Arabinë Saudite.

 

 

Në qytetin Amari në Irak vritet komandanti i policisë

 

Amari/Irak, 25 tetor 2003 - Komandanti i policisë në qytetin jugor të Irakut Amari është vrarë para një xhamie, ka thënë zëdhënësi i forcave britanike togeri Riçard Uolters.

Hamid Haadi ai-Ay'bi është vrarë rreth mesditës sipas kohës lokale, ka shtuar Uolters.

"Edhe ne edhe policia irakaine po kryejmë hetimet. Nuk duam të spekulojmë se kush ka mundur të jetë përgjegjës", ka thënë ai.

 

 

OKB pezullon aksionet humanitare në Afganistan

 

Nju Jork, 25 tetor 2003 - Kombet e Bashkuara kanë ndaluar aksionet e tyre humanitare në jug të Afganistanit. Një gjë e tillë është justifikuar me rritjen e numrit të sulmeve nga milicët talibanë.

 

Sipas zëvendëssekretarit të përgjithshëm të Kombeve të Bashkuara Zhan-Mari Gueno në shumë krahina në kufi me Pakistanin, pjesëtarë të rregjimit taliban të rrëzuar para dy vjetësh kanë marrë përsëri kontrollin.

 

Për këtë arsye aksionet humanitare në provincat e Nimros, Helmandit, Urusganit dhe Sabulit janë pezulluar për një kohë të pacaktuar.

 

 

Arrestohet miliarderi rus i naftës

 

Moskë, 25 tetor 2003 - Kreu i gjigandit rus të naftës, Yukos, Mikhail Khodorkovski është arrestuar në një zhvillim dramatik. Khodorkovski që besohet se është personi më i pasur në Rusi u ndalua nga agjentë të shërbimit sekret FSB në qytetin siberian të Novosibirskut.

Autoritetet thanë se ai kishte injoruar një thirrje për t'u marrë në pyetje të premten. Prokurorët janë duke hetuar shmangiet e taksave dhe vjedhje të pasurisë shtetërore nga punonjës ekzekutivë të Yukos.

Kritikët thonë se fushata është një përpjekje nga ana e Kremlinit për të ushtruar pushtet mbi pasanikët e biznesit dhe për të mo i lejuar ata të përfshihen në politikën ruse.

Kryeshefi i biznesit të naftës më pas u dërgua në Moskë për t'u marrë në pyetje.

 

 

Nga 46 minatorët të ngujuar në një minierë thëngjillit në Rusi, janë shpëtuar vetëm 6 prej tyre

 

Moskë, 25 tetor 2003 – Ekipet e shpëtimit në Rusinë jugore kanë nxjerrë në sipërfaqe 6 nga 46 minatorët e minierës së thëngjillit, të ngujuar në zgafellë nga vershimet e ujërave, njofton Rojter.

 

Një zyratar rajonal u ka thënë gazetarëve jashtë minierës se në zgafellë kanë mbetur edhe 40 minatorë, me të cilët s’ka asnjë kontakt. Përpjekjet për shpëtimin e tyre vazhdojnë.

 

 

Një burrë 51 vjeçar ka vrarë ish të dashurën e tij dhe 3 persona të tjerë në një kafene në Oldtaun

 

Oldtaun, Ajdaho, 25 tetor 2003 – Një burrë 51 vjeçar ka vrarë ish të dashurën e tij dhe tre persona të tjerë në një kafene të qytetit Oldtaun, që gjendet në kufi me Uashingtonin dhe pastaj, pas disa orësh, ka vrarë edhe veten derisa po i afrohej ndihmëssherifi veturës së tij, kanë thënë autoritetet vendore, njofton AP.

 

Vrasja , thuhet në njoftim, me siguri ka qenë rrjedhojë e grindjes së tyre paraprake. Nga klientët e tjerë në kafene s’kanë pësuar askush.

 

  |  KOMENTE  |  HISTORI  |   POLITIKË  |  OPINIONE  |  ADRESARI  |  ARKIVI  |