Për dijeni /Fatos Nano

OPINIONE

Për dijeni / Fatos Nano

24 tetor 2003 / Gary Q. KOKALARI


Ambasador Tarifa,

Më poshtë keni një kopje të letrës sime të 14 Tetorit drejtuar shefit të General Electric (GE) John Immelt në lidhje me kontratën e fundit të GE Transportation në Shqipëri dhe Fatos Nanon. Do ta vlerësoja nëse do t'ua bëje të ditur këtë letër kryeministrit Nano dhe presidentit Moisiu. Meqë ra fjala ende nuk kam marrë përgjigje nga Nano ndaj kërkesës sime për të më autorizuar mua të verifikoj mbi gjendjen e ndonjë aseti që ai mund të ketë tek "Credit Suisse".

Nga ana tjetër ti mund të konsiderosh atë çka është e mirë për vendin tënd apo ta këshillosh atë të bashkëpunojë me mua, kështu që t'i japim fund njëherë e mirë kësaj çështjeje. Mbi të gjitha nëse e kam gabim, Nano nuk ka asgjë për të humbur. Sepse deri tani shpresoj se e keni mjaft të qartë ju dhe shefat tuaj se unë nuk kam ndërmend të heq dorë, deri sa të më plotësohet kjo dëshirë.

Sa për Moisiun ai akoma i ka borxh komunitetit shqiptaro amerikan përgjigjen e letrës së 12 prillit. Mungesa e kësaj përgjigjeje është jo vetëm një sjellje e ashpër dhe e parespektueshme ndaj diasporës shqiptare, por ai po i jep vlera pikëpamjes së gjerë të shqiptaro amerikanëve se ai nuk është gjë tjetër veçse një zyrtar i pazgjedhur, që i është rritur mendja për pozicionin e tij dhe që e mban për dy arsye 1) që fut kokën në rërë ndërsa korrupsioni i zyrtarëve shqiptarë po robëron vendin dhe 2) humbjet e shkaktuara nga ndërtimi prej Moisiut i dhjetëra bunkerëve për shokun e përbashkët Enver Hoxha.

Gary Kokalari

14 tetor 2003

Mr. Jeffrey R. Immelt

Kryetar dhe Shef Ekzekutiv i Zyrës
General Electric Company

3135 Easton Turnpike
Fairfield, CT 06828


Për dijeni / Fatos Nano

Më ka tërhequr vëmendjen se GE Transportation Systems S.P.A. kohët e fundit ka firmosur një marrëveshje për modernizimin e hekurudhës Durrës-Tiranë në Shqipëri. Si shqiptaro amerikan unë kurajohem kur mësoj se një prej korporatave më prestigjioze në botë, i ka hyrë biznesit në Shqipëri sa kohë që kjo marrëdhënie mund të shërbejë si katalizator për motivimin e kompanive të tjera në gjetjen e mundësive në këtë treg.

Marrëdhëniet e mia me GE kanë filluar që në kohën kur isha student në Wharton School dhe pata mundësinë të kaloja një darkë me Reginald Jones, që atëherë ishte shef ekzekutiv dhe kryetar, gjatë një prej vizitave të tij në fjetinat tona. Me kalimin e viteve unë kam përdorur Kapitalin e GE si burim financimi për projekte të ndryshme komerciale në pasuri të paluajtshme dhe se fundmi unë gjeta financim për një prej klientëve të mi për blerjen e aseteve nga GE Capital. Dhe për t'ju kujtuar, unë jam aksioner i GE.

Shqipëria ka patur vështirësi mjaft të mëdha për investime të huaja direkte dhe kjo falë reputacionit të fituar nga niveli i lartë i korrupsionit të qeveritarëve. Fatkeqësisht krijimi i kapitalit në Shqipëri vazhdon të pengohet pavarësisht përpjekjeve serioze për të çrrënjosur korrupsionin, duke shkuar në një situatë absurde ku atyre që janë në pozitat që duhet ta bëjnë një gjë të tillë, janë vetë shkaktarët e korrupsionit Komuniteti shqiptaro amerikan i ka bërë thirrje presidentit shqiptar, Alfred Moisiu, të institucionalizojë një "komision korrupsioni", por ai e ka injoruar kërkesën.

Unë kam nisur një hetim mbi mundësinë e ndonjë llogarie bankare në emër të Fatos Nanos, kryeministër i Shqipërisë tek "Credit Suisse", që ishte palë në marrëveshjen midis GE dhe Shqipërisë. Materialin për këtë çështje e keni bashkangjitur. Nëse llogaria ekziston (apo ekzistonte) kjo do të mund të shërbejë si provë pozitive e përfshirjes së Nanos në praktika korruptive prej faktit se Nano nuk i ka patur mjetet e dukshme ligjore për të akumuluar një pasuri të tillë. Ambasadori amerikan James Jeffrey, të cilin drejtuesit e GE e takuan në Tiranë, është i informuar mjaft mirë për këtë si dhe për akuzat për korrupsion të Nanos, ndërsa mua ma merr mendja se ai ju ka njoftuar juve këto, kur përfaqësuesit tuaj takuan atë.

Përveç akuzave që kanë të bëjnë me Nanon ju duhet të jeni i qartë gjithashtu se zyrtarë qeveritarë shqiptarë që kanë qenë palë në negociatat me GE kanë qenë në qendër të akuzave për praktika korruptive. Si Shef Ekzekekutiv i një prej korporatave shumëkombëshe më të mëdha, e kam të qartë se ju i dini pasojat për një kompani që dhunon aktin e huaj ndaj praktikave korruptive. Ju lutem kini parasysh që unë nuk kam arsye të besoj se çdo pjesëtar i GE e ka dhunuar këtë statut për hatër të biznesit të tyre në Shqipëri. Megjithatë jam i shqetësuar për përpjekjet e bëra nga disa qeveritarë shqiptarë për të marrë njëfarë përfitimi nga kompanitë që bëjnë biznes në Shqipëri. Megjithatë është pa kuptim "t'i tregosh babait arat".

Nga kjo pikëpamje, nëse ndonjë punonjësi të GE, i është ofruar nga zyrtarët shqiptarë ndonjë praktikë korruptive, po ju kërkoj që menjëherë GE-ja të bëjë me dije zyrtarët e duhur amerikanë dhe evropianë, me qëllim që kjo shkelje e ligjit të trajtohet sipas mënyrës së duhur.

Unë po ju kërkoj gjithashtu që ju të nxitni kontaktet tuaja politike në Uashington për të kërkuar një hetim të plotë për akuzat e përzierjes së Fatos Nanos në praktika korruptive dhe për kërkesën që presidenti Moisiu të ngrejë një komision tejet të pavarur dhe të fortë për korrupsionin, me qëllimin që të hetojë mbi korrupsionin në Shqipëri. Duke patur parasysh ndihmën financiare dhe ushtarake që SHBA i ka dhënë Shqipërisë si amerikanë kemi çdo të drejtë të kërkojmë bashkëpunim të plotë të Shqipërisë mbi këto çështje.

Ju lutem mos druani të kontaktoni me mua nëse keni ndonjë pyetje mbi këtë çështje.

Gary Q. Kokalari


cc: Coalition of Albanian American Organizations

The Hon. Joseph Biden
The Hon. Eliot Engel
The Hon. Joseph Crowley
The Hon. Henry Hyde
The Hon. Richard Lugar
The Hon. Charles Schumer
The Hon. Alfred Moisiu
Ambassador James Jeffrey
Ambassador Fatos Tarifa
Mr.Ferdinando Beccalli, President & C.E.O., GE Europe
Ms. Charlene T. Begley, President & C.E.O., GE Transportation Systems
GE Corporate Ombudsperson

Shkrimin për botim në Trepca.net e dërgoi më 24 tetor 2003 , z. Çerçiz Loloçi.