21 tetor 2003 / Rexhep ELEZAJ


Të nderuar vëllëzër shqiptarë,
Të nderuara motra shqiptare

Se krimi është akti më i shëmtuar, se krimi është vepra më e rëndë kundër njerëzimit, se krimi është dukuria më e zezë, se krimi është vepra më e ndaluar, se krimi është akti më e ndëshkuar, se krimi është akti më i lig dhe më i ulët njerëzor, se krimi është ploja që rrënon në themel vlerat më sublime të shoqërisë, në këtë nuk ka dyshim.

Prandaj, duke qenë se sot jemi dëshmitarë okularë se krimet e çdo lloji si dhe vëllavrasjet gjatë viteve të fundit e kanë kapluar përtej mase shoqërinë shqiptare në gjithë hapsirën tonë etnike, sidomos në Shqipëri dhe Kosovë, duke e parë se para syve tonë po rrënohet e tashmja dhe e ardhmja e fëmijve tanë, se po goditet rëndë e tashmja dhe ardhmja e kombit tonë, se po cenohet mizorisht e tashmja dhe e ardhmja e shoqërisë sonë, se kështu po vritet qenja jonë kombëtare dhe fizike, se me krime dhe vëllavrasje po denigrohen rëndë morali dhe vlerat më të mëdha të kulturës sonë kombëtare, si njëri ndër popujt me tradita më të lashta në Europë; po iu drejtohemi juve, o baballarë, juve, o nëna shqiptare, juve, o vëllëzër shqiptarë, juve, o motra shqiptare, juve, o hoxhallarë, juve, o priftërinjë, juve, o besimtarë dhe ateistë, juve, o mësues, o arsimtarë, o profesorë, juve, o studentë, o nxënës, juve, o intelektualë, juve, o politikanë, juve, o deputetë, juve, o qeveritarë, juve, o biznismenë dhe puntorë, juve, o zejtarë, juve, o qytetarë, juve, o fshatarë, juve, o njerëz të mirë, me kërkesën urgjente; se nësë e dëshironi shpëtimin e kombit nga kjo murtajë, nësë dëshironi për ta mbrojtur qenjën tonë njerëzore nga ky rrezik i madh, nësë e dëshironi ç’lirimin e shoqërisë shqiptare nga kjo mendësi e egër dhe primitive, nësë i dëshironi kombit një të ardhme më të lumtur për të arritur në cakun e përbashkët, ribashkimin tonë kombëtar, pra, nësë atdheut ia doni të mirën sot dhe nesër, aty në mjedisin ku jetoni dhe veproni pa humbur fare kohë ndërmerrni të gjitha masat e nevojshme kundër kësaj të keqeje, duke i thirrur mendjes, shpirtit dhe ndërgjegjës suaj të pastër kombëtare, njerëzore, intelektuale dhe humane, ngrituni që të gjithë në këmbë dhe me guximin tuaj qytetar thuani me një gojë: NDAL KRIMEVE, MJAFTË MË VËLLAVRASJEVE!

Sepse, të gjithë jemi ngopur me vaje, lotë dhe gjakun e derdhur shqiptar, sepse të gjithë jemi të trishtuar nga varrezat e vjetra dhe të reja masive të ngritura mbi tokat shqiptare, sepse kolektivisht jemi të tmerruar nga krimet dhe vrasjet e të gjitha llojeve, sepse të gjithë jemi të shokuar nga masakrat, krimet dhe tragjeditë familjare e kolektive që na goditën ndër kohëra dhe shekuj.

Është koha që ta izolojmë dhe ndëshkojmë dorën e krimit në mesin tonë, që t’iu themi mjaftë gjakmarrjeve dhe hakmarrjeve primitive. Pra, vazhdoni aksionin e nisur në Pejë nga studentet tanë në vitin 1990 për pajtimin e gjaqeve, vazhdoni punën e nisur para 13 viteve për pajtim vëllazëror në çdo mjedis, sepse e ardhmja jonë është (vetëm) në duart tona. Mos ngurroni, sepse përndryshe do të na gjykojnë rëndë gjeneratat e ardhshme për heshtjen tonë ndaj

Me respekt,
Rexhep Elezaj