Mirëseerdhët në Radiotelevizionin Destruktiv të Kosovës

OPINIONE

Mirëseerdhët në Radiotelevizionin Destruktiv të Kosovës


E gjithashtu, nga përvoja, për shkak se RTK-ja e tillë çfar ende vazhdon të jetë, Gazetari këtu në Kosovë asnjëher nuk do të ketë. Formulim ndoshta “i ashpër” për disa, por besoj se i shkurtë, i qartë dhe konkret!

Ja edhe pse...

Para se me hy në detaje për RTK-në – RadioTelevizion përmes të cilit do të ilustroj këtë letër dhe mungesën e Gazetarisë në Kosovë - këtu me automatizëm na del (vlen) një përkufizim në formë pyetje: Çka është Gazetaria? Si dhe Pse lindi Gazetaria? Kush e lindi ate? Si dhe Pse dallon Gazetaria nga “lëmët“ tjera shoqërore – edukative? Çka ka lidhje Gazetaria me Edukim? Si formësohet bartësi i Gazetarisë - Gazetari? E shumë e shumë të tjera...

Kjo është e para… Ndërsa çështjet tjera kishin me u shtru në këtë mënyrë, si psh: çka është Raporti? Si dhe ku dallon Raporti Gazetaresk nga një raport tjetër i mirëfillt? Si hartohet dhe si redaktohet teksti Gazetaresk? Pastaj, Si ndërtohet komunikimi me masën (popullin, popullatën ose nëse do edhe me xhematin)? Çka është komunikimi? Çka është marrëdhënia me Publikun? Si, Pse dhe A klasifikohet Publiku? Si Lind Informacioni? Kujt i shërbën? Për kë shërben? Si “merret” informata? Si transmetohet Informacioni (TV, Radio, Gazeta e Publikime me mjete të ndryshme etj.)? Si ndërtohet programi Televiziv- Informativ? E shumë e shumë të tjera... Edhepse, ndoshta me ironi, por këto janë vetëm disa çështje sipërfaqësore, sepse kalkulatori i Gazetarisë në “Botën e Civilizuar” qysh moti ka lëvizur drejt zhvillimit pozitiv! Sidoqoftë, unë nuk e kam ndërmend të përgjigjem në këto pyetje sepse kjo Letër nuk synon Edukimin e Gazetarëve!

Por, ndoshta kjo që po bëjë këtu është “shprazje” e mllefit por kur mëndoj se me çfar Gazetarë e Gazetarie në Kosovë jam ndeshur (personalisht) e vazhdon të ndeshet shoqëria Kosovare si tërësi, atëher Po, ky është jo më shumë se mllef!

RTK si Ilustrim

Paramendo, më shumë se 90 % e gazetarëve në RTK (fatëkeqësisht, kjo vlenë edhe për të gjithë gazetarët në Kosovë) nuk dinë komunikimin në gjuhën Angleze (Anglisht), nuk dinë të flasin e të shkruajnë Gjuhën Shqipe (edhepse kjo mund të jetë përjashtim- çfar ironie a), nuk dinë përdorimin e kompjutorit sepse nuk dinë Gjuhën Angleze (pra, nuk dinë përdorimin dhe shfrytëzimin e mundësive që u jep Interneti), nuk dinë përpilimin e një teksti gazetaresk, nuk dinë raportimin, e me këtë nuk dinë të “kapin” ngjarjet e si paaftësi e kësaj ata “kapen” për deklarata, deklarata të “politikanëve” shqiptar e të UNMIK-ut e të tjerëve... pra, deklarata(t) është krejt në çka bazohet sot Gazetaria në RTK por edhe në Kosovë (vetëm shiko, lexo e dëgjo Mediumet – fillojnë diçka si me përurime, reagime, vazhdojnë me deklarata, konferenca, ndonjë rast social dhe përfundojnë me Motin)!!!

Të gjitha Programet Dokumentare dhe të tjera të RTK-së janë të një bashkërendimi absurd: zëri, pamja dhe narracioni nuk përkojnë me njëra tjetrën, bile zëri është aq i egër e agresiv (jo edukativ, kequdhëzues) sa që në familje ku ka fëmij nën moshën 7 vjeq jam i bindur se do ta ndërrojnë programin menjehër, me vetëdije ose pa të, sepse fëmijët nuk do të mund të bëjnë gjumë të rehatshëm. Marrim shembull emisionin “Aveny” ose edhe emisionin “Diku në Kosovë”!

Programi Televiziv dhe ai Radiofonik në RTK shihet se ka “probleme”me kreativitet! Tash TVK-ja për kreativitet më shumë shërbehet me KTV-në sesa me “stafin profesional” të Agim Zatriqit, Drejtorit Gjeneral!

Rrogat e “larta” në këtë Radiotelevizion “si dëshmitar okular” e them se kanë ndikuar, me vetëdije ose pa vetëdije, në përtacinë e punonjësve në këtë Medium e në stafin “Profesional” të tij. Më se 80 % e punëtorëve të kësaj Shtëpie nuk ka ide se çka bën aty... e Adem Demaqi, kryetari i Bordit i RTK-së, i viziton kohë pas kohe, paramendo Adem Demaqi i viziton Punëtorët e Vet kohë pas kohe sepse, thjesht, Ai Nuk ka Zyre në RTK! Çfar Argumenti po don më shumë???

Pastaj, caktimi në Pozita të Drejtuesit (Drejtorit) pa kurrfar vlerësimi paraprak, caktimi në Pozita të Udhëheqësve (Mbiqyrësve etj) pa kurrfar vlerësimi paraprak kanë ndikuar në “Tredhjen e Trurit” të Opinionit Kosovar përmes Kutisë Magjike (Ekranit Televiziv), por edhe të vet punonjësve brenda RTK-së. E ata askujt nuk i japin llogari për këtë. Pse? “Sepse jena Medium i Pavarur”, thonë! Po prej kujt të Pavarur se ???

Si “dëshmitar okular” e them se caktimi në këto Pozita është bërë përmes Marrëveshjeve Paraprake ose Biznesit Paraprak me keta punonjës – ndërmjet Agim Zatriqit dhe të tjerëve - pra duke u klanizuar në një shoqëri klani, biznesi, duke përkrahur njëri tjetrin, për t’u “mbrojtë” prej mosdhënies së përgjegjësisë në emër të Pavarësisë! Vetëm shikone e dëgjone Radio dhe Programin Televiziv të RTK-së- çfar argumenti tjetër iu duhet?

Mendoj se këtu duhet të dihet e të thuhet se mjetet e dhëna në formimin (e jo themelimin e ndërtimin) e RTK-së si Shtëpi Mediale Publike e Kosovës janë dhënë si Dhuratë (Donacion) për Kosovën nga Donatorët e Huaj (e jo të panjohur) e jo për “Stafin Profesional dhe Agim Zatriqin” e RTK-së sot. Nëse ka pasur këqpërdorime të mjeteve materiale nga Stafi Ndërkombëtar në RTK kjo për këtë Letër është Irelevante.

Asnjë presion nuk ka ekzistuar e nuk ekziston ndaj RTK-së nga OSBE-ja, UNMIK-u ose edhe nga Zyra Amerikane në Prishtinë ose nga ndonjë Parti Politike e Kosovës... Nëse ka pasur diçka të tillë ai presion asnjëher nuk është konfirmuar as nga vet Agim Zatriqi. Por, duke pasë parasyshë përvojën paraprapke të këtij Individi në Medium (Drejtor i ish RTP-së, në të cilin thonë se ka ardhë me ndihmë të Komitetit Krahinor të Kosovës...) dhe raportet që vijnë nga ajo kohë e rregullimit Shoqëror në Kosovë e më gjerë, atëher përfundimi është se Ky Individ po Rren (gënjen), e për këtë ka aftësi të natyrshme...
Por, nejse- as ky nuk është synimi i Letrës...

Po e marr model këtu Gazetarinë dhe Programin e RTK-së, sepse Ky Radiotelvizion, është krejt tjetër nga ajo që është synuar ose mësyer, me themelimin e kësaj RTV-je Publike.

Për dallim, Televizionet Komerciale si KTV e RTV21 (të vetquajtura Kombëtare – edhe kjo çështje për debat), mund të “manipulohen” shumë lehtë; natyrisht këtu fjala manipulin duhet të sqarohet, por ky nuk është synim i Letrës... Shembull, taksat e qytetarëve të Kosovës nuk mirëmbajnë Këto Televizione, andaj këto Televizione “krijonë” program Komercial: me fjalë të tjera Këto Lloj Televizionesh nuk Synjnë ose nuk i japin Përgjegjësi Publikut por Komercialistëve, e ky proces ose ndodhë me vetëdije ose pa të – kjo është irelevante... andaj edhe nuk bëhet “zhurmë” këtu për KTV-së ose RTV21, (e edhe kjo çështje për debat). Shembull: para disa muajve RTV21 kërkonte të rinjë të cilët do t’i trajnonte për t’i bërë gazetetarë??? Thua se Edicionet e tyre të Lajmeve janë në nivel andaj nuk u mbetet tejtër...

Back to the Future ose Gazetaria në Kosovë

Gazetaria në Kosovë sot bazohet në Deklarata e jo në Ngjarje, Ndodhi e në Procese, paraprirje të proceseve, e pse jo edhe në Patriotizëm (jo nacionalizëm).. ‘Lufta” – nëse e di – me mjete joushtarake është më e ashpër se ajo me mjete ushtarake. Shembull i kësaj konkret mund të jetë Gazetaria e Serbisë karshi Kosovës dhe karshi proceseve në Serbi (lajmi i “fundit” nga atje vjen se Serbisë - Malit të Zi në fund të 2004 do t’i hapen dyert për në BE; lajmi i fundit nga Serbia vjen se SHBA-të po investojnë me miliona dollarë në Serbi – e jo vetëm në Irak, lajmi i fundit është se së shpejti do të ketë ushtarë serb në Afganistan e në Irak) e ky nuk është “vetëm” sukses i politikanëve në Serbi por edhe i Mediumeve, sepse Mediumet atje e duan Serbinë më shumë sesa Çoviqin (andaj edhe e kritikonë shpesh njëfar Shoqërie Civile në Serbi).
Kjo sa për ilustrim. E ilustrimi nuk ka të ndalur.

Koha Ditore...

Edhe kjo Gazetë ka ”probleme” me kreativitet. Kjo Gazetë e çmueshme tash “kohëve të fundit” ka filluar të duket si “shabllon gazetari”... Shumë shpesh nëse diçka sot gjindet në faqen e katërt, ajo nesër del në faqen e parë ose anasjelltas, pastaj ka tituj deri në tre rreshta etj. Kjo sa për ilustrim.

Përvoja si Gazetarë

Sa isha “Gazetarë” psh. në konferencat për shtyp të UNMIK-ut e të KFOR-it asnjë gazetar nuk pyetke asgjë! Paramendo! Tërë ato probleme esenciale që ka pasur, ka dhe ende do t’ i ketë Kosova (sepse ato nuk treten vetvetiu) asnjë gazetër nuk pyetke asgjë... Bile edhe sot e kësaj dite jam në dyshim nëse ata kanë kuptuar gjë nga ajo që është thënë atëher (për shkak të rezultateve të mëvonshme të proceseve që do të ndodhin e po ndodhin në Kosovë). Edhe kjo sa për ilustrim!

Përfundimi...

I dashuri Baton,
kjo letër nuk shkruhet me të bind për diçka Ty ose Dikë tjetër… Kjo Letër nuk synon Destruktivitetin ose Hakmarrjen ndaj dikujt ose diçka të tillë! Kjo Letër kryekëput ka synim Mllefin psh. në atë se jo të gjithë qytetarët (banorët) e Kosovës iu intereson Gazetaria, Koha Ditore ose edhe RTK-ja. Ata nuk merren e as që iu intereson e as që dinë “problemet” e Gazetarisë sot në Kosovë! E vetmja gjë që ata kanë parasyshë është Informimi, të jenë të Informuar! Pra, nëse duan të dinë për diçka që është jashtë domenit të tyre personal ose edhe personal psh. Ata (qytetarwt e Kosovës) Lexojnë Gazeta, dëgjojnë Radio ose shikojnë Televizion – pa marrë parasyshë cilin ose cilen! Në rrethana normale këtu fillon Gazetaria e Mirëfillt, Informimi! E kjo nuk po ndodhë, sipas meje! Këtu fillon “keqpërdorimi” i Gazetarisë për shkak të paaftësisë... Thjeshtë: nëse qyetetarët e Kosovës ishin informuar me kohë, drejt dhe mirë për ndonjë proces nuk kishte pasë gjasa as Praktike e as Teorike që ai Proces të kaloj në Negativitet! Kaq!

Me Nderime,
Skënder Limani
Gazetar dhe ish Punëtor i RTK-së