Ambasada e Shqiperisë në Athinë dhe sheikët e pasaportave

Ambasada e Shqiperisë në Athinë dhe sheikët e pasaportave

Kjo qeveri antishqiptare ekziston vetëm de jure se de facto ajo është një kufomë, që s’po e dërgon dikush në varreza, por po e lë të qelbë tërë Shqipërinë.

Që Ambasada e Republikës së Shqipërisë është një vend që qelbet prej korrupsionit, mjafton që lexuesit t’i japim shembullin e dy pjatave: njëra e pastër dhe tjetra e papastër e të vendosur në një ambient të hapur. Ku do të venë mizat? Natyrisht në pjatën e papastër. Kështu shpiegohet edhe grumbullimi i menaxherëve që punojnë jashtë Ambasadës. Ata kërkojnë ushqim, d.m.th. para dhe para ka në Ambasadë e ashtu si janë të organizuara bletët në një koshere, ashtu edhe bletët menaxhere mbledhin jashtë kosheres nëpër lule emigrante pjalmin që është në formë euro dhe pasi janë ushqyer për vete, fusin edhe një sasi të madhe edhe në kosheren - Ambasadë.

19 tetor 2003 / TN

Nga Alban GOZHDA, (Athinë, GREQI)

Titulli i mësipërm i këtij shkrimi, nuk është aspak një truk gazetaresk. Pa dyshim, Ambasada e Shqipërisë në Athinë, është një organizëm i qarkuar dhe i dominuar prej Mafies. Ajo më së shumti veprin në shërbim të një rrjeti mafioz. Për shqiptarët është e njohur se deri në vitin 1997 shuma të mëdha të kursimeve të tyre përfunduan në arkat e mafiozëve të piramidave e jo në bankat legjitime të shtetit. Po ashtu edhe në Ambasadën tonë në Athinë shumica e veprimtarisë së saj ekonomike është në duart e Mafies dhe kontrollohet prej saj.

Pa dashur të lodhim lexuesin me teori dhe politikë, mjaftohemi të sqarojmë atë se si mund të përballet për një problem të tij në Ambasadë dhe si mund të zgjidhë rastet kur një shqiptar emigrant do të procedojë për të aplikuar nxjerrjen e pasaportës pranë kësaj përfaqësie. Ai duhet të veprojë në tre mënyra:

Mënyra e parë:

Duhet të pyesë ose të ketë dijeni, në qoftëse ka ndonjë punonjës mik a farefis brenda në Ambasadë. Në qoftëse ka është me fat, në të kundërt duhet të kalojë në mënyrën e dytë të zgjedhjes së problemit;

Mënyra e dytë:

Duhet të marr vazhdimisht në telefon numërin 2107259010, e venë sa për sy e faqe në shërbim të atyre që e aplikojnë këtë pasaportë. Këtë telefon zor se e gre kush. në rast se fati është me të dhe në telefon i përgjigjet dikush, nuk duhet të gëzohet gjatë mbasi në anën tjetër një zë femre do t’i përgjigjet, se nuk mund të mbyllë takimin për këtë javë për të aplikuar për pasaportë, por duhet të marrë javën tjetër, sepse këtë javë u mbyllën të gjitha takimet (të jetë i sigurtë emigranti, se edhe javën tjetër do të marrë të njëjtën përgjigje).

Askush nuk mund të aplikojë për pasaportë në mënyrën e dytë ose e thënë ndryshe në rrugën ligjore. Pse? Sepse pasaporta nxirret vetëm me mënyrën e tretë;

Mënyra e tretë:

Me këtë mënyrë mund të nxirret me të vërtetë pasaporta shqiptare, vetëm se ajo është ca e kripur. Po si mund të realizohet kjo mënyrë?

Po e tregojmë (të më falë lexuesi, se qëllimi i këtij shkrimi nuk është t’i bëjë reklamë me para e pa para punës së Mafies së Ambasadës për të rritur fitimet e saj, pasi ajo nuk ka nevojë për një gjë të tillë, meqenëse ajo e ka në dorë edhe gurin edhe arrën).

Duan apo nuk duan nevojtarët, aty do të venë, mbasi nuk ka dy ambasada, që ata të konkurojnë me njera-tjetrën, kështu që Mafia qeveritare shqiptare i ka fitimet e sigurta. Aplikimi (kurrsesi brenda saj, pasi nuk do të kishim mënyrë të tretë). Të rrijë aty tek grumbulli i madh I bashkëvuajtësve të tjerë. Aty me siguri dikush do t’i afrohet dhe do t’a pyesë se si e ka hallin. Hallexhiu, do t’i thotë se kërkon të aplikojë për pasaportë dhe ka ardhur prej Krete (p.sh.), mbasi këta të Ambasadës nuk e ngrejnë telefonin. Ai dikush që e pyeti i bën ofertën: Zotëri (ose Zonjë), nëqoftëse do pasaportë duhet të mbyllësh takim e për ketë duhet paraprakisht të më japësh mua 300 euro. M’i lini mua kaq para, më thoni si ju quajnë. Urdhëroni numërin tim të telefonit. Më jepni numërin tuaj dhe do të vini në ditën që do t’u lajmëroj unë në telefon për të bërë takimin në Ambasadë e të aplikoni për pasaportë.

Deri tani nuk ka ndodhur që menaxherët, të cilët punojnë përpara Ambasadës t’i gënjejnë klientët e tyre. me këtë punë dhe vetëm me këtë punë, ata mbajnë familjet e tyre dhe shtojnë fitimet për vete dhe për bashkëpunëtorët e tyre. Kjo punë për ta ka vazhdimësi përderisa bashkëpunëtorët e tyre të jenë në vendet e tyre të punës aty, brenda në Ambasadë.

Ndryshimet e personelit të Ambasadës herë pas here i shkaktojnë probleme të vogla, por lehtësisht të kalueshme personelit që punojnë jashtë Ambasadës si strukturë paralele e saj ose e thënë realisht Ambasadës së vërtetë, mbasi është kjo strkturë që u zgjidh në kohën që kërkojnë emigrantët problemin e tyre.

Natyrisht këtu nuk duam të errësojmë aspka edhe rëndësinë e Aambasadës brenda godinës, pasi pa një bashkëpunimk të ngushtë dhe produktiv midis tyre nuk do të kishim arritur në këto maja të shërbimit të “shkëlqyer” ndaj emigrantëve.

Tek dera e kosherës janë vendosur bletët - policë roje e në qoftëse dikush mundohet të ngacmojë kosheren, atëherë Nëna Mbretëreshë - kryesheiku i kosherës - Ambasadë u jep urdhër bletëve - policë me shkop gome dhe në rastet kur është alergjik mund të përfundojë për karantinë dhe mjekim në një vend që quhet Shqipëri.

Soj - Ambasada e Republikës së Shqipërisë në Athinë

Ç’ndodh brenda në koshere?

Pra le ta shohim problemin brenda Ambasadës. Kush është tek telefoni që mbyll takimet me emigrantët, çelësi i artë i Mafies. Tek ky telefon rri e punësuar gruaja e Konsullit të Ambasadës, zotot (Zot na ruaj nga zotërinj të tillë) Gaqo Simaku.

Ky zotëri, ka punësuar në Ambasadë edhe motrën e gruas së tij (kuptohet për të mirën e shqiptarëve emigrantë, pasi siç dihet soji i gruas së konsullit tonë, është i lindur për shërbime të vyera nëpër Ambasada e ky fakt në vetvete përbën një fat historik për tërë shqiptarët kudo që ndodhën). Kuptohet, Ambasada jonë në Athinë është pronë e një grupi a rrjeti miqësor se zor se mund të mendohet, që ndodhen aty për t’i shërbyer shtetit shqiptar dhe shtetasve të tij, por është e qartë, vetëm interesave të veta dhe sojit nga i cili rrjedhin. Familjarizimi dhe sojizmi (apo nepotizmi) i vendeve të punës në një përfaqësi diplomatike tregon vetëm për këtë gjë.

Gjithashtu, kuptohet se ç’diplomaci mund të bëjë kjo soj Ambasade. Kështu termi Ambasada e Republikës së Shqipërisë në Athinë mund të zëvendësohet më logjikisht me termin: Soj - Ambasada e Republikës së Shqipërisë në Athinë.

Tre muaj burg për emigrantët shqiptarë pa pasaporta

Më ka rastisur të diskutoj me një shtetas amerikan, që ka një aktivitet privat në Greqi. Ai më tregoi, se kur i mbaroi afati i pasaportës, shkoi pranë Ambasadës Amerikane në Athinë dhe u pajis për 20 minuta me pasaportë të re amerikane, që nga momenti që u paraqit atje për këtë problem. Ndërsa shteti shqiptar, që aq shumë u ka nevojën emigrantëve shqiptarë të tij, në të vetmin detyrim të drejtpërdrejtë që ka ndaj tyre për pajisjen me pasaportë, mund t’u nxjerrë shpirtin.

Ky shtet e ka shumë të vështirë të sjellë aparatura për plotësimin e psaportave në Ambasadë. U kujtojmë pushtetarëve të sotëm komunistë, se ish - Bashkimi Sovjetik ( japim këtyre një shembull që e dinë dhe e kanë për qejf) në Luftën e Dytë Botërore brenda një muaji i ktheu kombinatet e prodhimit të traktorëve në kombinate të prodhimit të tankeve. Ndërsa shteti i drejtuar nga Qeveria aktuale komuniste e korruptuar në zenith nuk mund të mbushë për tre muaj një pasaportë të qytetarëve të tij!!! Ajo mund të mbushë por kërkon që të mjelë me dy duar bashkëatdhetarët e vet.

Të kesh pasaportë do të thotë të kesh liri. Shfaqja kryesore e lirisë është e drejta për të lëvizur lirisht. Shumë shqiptarë nuk kanë liri, pasi nuk kanë të drejtë për të lëvizur. Pa pasaportë një emigrant e ka të pamundur të lëvizë, të punojë, të jetojë të përkujdeset për familjen dhe familjarët e tij.

Mosaftësia e shtetit shqiptar për të pajisur emigrantët në më pak se 3 muaj me pasaportë përkthehet saktësisht, heqje lirie për 3 muaj dhe në rastin kur qytetari është emigrant dhe më shumë pasoja të mëpastajme. Kjo mosaftësi përkthet edhe si papërgjegjshmëri shtetërore e qeveritarëve komunistë.

Fantazoni për një moment (që mos të nodhtë kështu), se ç’mund të bëjë një Qeveri që nuk pajis dot me një copë letër qytetarët e saj në rast se ndodh një fatkeqësi natyrore p.sh. një tërmet?! Kjo qeveri antishqiptare ekziston vetëm de jure se de facto ajo është një kufomë, që s’po e dërgon dikush në varreza, por po e lë të qelbë tërë Shqipërinë.

Nëpër faqet e shtypit shqiptar dendur po lexojmë, se si po “përpiqen” politikanët tanë për të hequr sistemin e vizave me vendet e Ballkanit dhe me ato të BE - së. Do Zoti e nuk i pranon Europa, qëllimet e tyre të mira, se mirë do të bredhim pa viza nëpër Europë, por si do të na lejojnë Europa pa pasaporta?!

Ambasada e Shqipërisë në Athinë është pasqyrë e shtetit shqiptar dhe përfaqësuese e denjë e tij. Mjafton një i huaj ose emigrant shqiptar të shohë këtë Ambasadë dhe do të krijojë një ide të kjartë për shtetin dhe Qeverinë e Shqipërisë. Edhe kemi edhe s’kemi. Këmi Ambasador për shkak se kemi Ambasadë dhe e kërkon punë proceduriale. Kemi Ambasador, vetëm të ambienteve të brendshme të godinës - Ambasadë. Në fakt nuk kemi Ambasador. Po të kishim Ambasador, do të kishim një njeri tek i cili do të gjenim zgjidhje. I pyetur për sa ndodhin rreth tij dhe Ambasadës së tij, ai “nuk” di gjë. Ai “nuk” di se shqiptarët përpara godinës së tij vidhen, rrihen, ofendohen dhe denigrohen për shkak të Ambasadës së tij. Ai nuk ka lidhje fare me 500 - 700.000 shqiptarët e dpërditshëm para syve të tij për çdo ditë.

Ai kalon hijerëndë përbri tyre, por kurrënjëherë nuk merr mundimin t’i pyesë nëse kanë ndonjë vështirësi, për arsye përse vijnë në Ambasadë. Ai si Ambasador i “shkëlqyer”, as që denjon t’u hedhë sytë bashkëatdhetarëve të tij. Dhe është ky zotëri, i cili nuk u emërua në këtë post që gëzon sot, deklaroi në shtyp se do t’u dalë zot emigrantëve shqiptarë. Dhe e mbajti fjalën duke u shpallur si një zot i keq për ta. Do të ishte banale të thoshim se z. Zeneli, nuk di se ç’bëhet brenda dhe jashtë selisë së tij. Zor se tek ky njeri, i cili ulet në një karrige të nderuar, mund të dallosh vlera të një Ambasadori. Ai është një njeri, të cilin partia komuniste në pushtet e ka vënë atje ku i duhej një militantit të saj. Por shqiptarëve u duhej një diplomat. Siç duket ai ndjen kënaqësi, kur sheh mijëra njerëz poshtë hundës së tij që rropatën për shkak të tij. Por mund të jetë edhe ndryshe.

Ai mund të jetë njeri me shpirt të mirë, por ska fuqi, pra është një kukëll. Në Ambasadë është sistemuar një familje e tërë, ajo e Konsullit Simaku dhe pikërisht në ato vende në të cilat janë problemet. Ky i fundit ndjehet të jetë numëri 1 i Ambasadës. Pothuajse të gjitha gjërat kalojnë në duart e familjes së tij.

Siç e thashë më lart, një emigranti i duhet të paktën 300 euro të shpresojë për pasaportë. I llogaritur në naftë, një shqiptar me hallet e tij përpara Ambasadës, është I barazvlefshëm me 10 fuqi nafte. Pra 10 fuqi shumëzuar me 30 euro del 300 euro. Përjashtim nga ky ekuacion mund të bëjnë shumë pak përsona. Shqiptarët që kanë nevojë për pasaporta janë me qindra dhe mijëra. Kjo shumë e shumëzuar me 300 euro ose me 10 fuqi naftë për krye del një shifër shumëmilionëshe në euro. Kuptohet se sa i madh është prodhimi bruto dhe neto dhe se sa janë fitimet e sheikëve të Ambasadës. Kryesheiku i Ambasadës (ai nuk mban çallmë) padyshim është Abu Al Ualid Ibn Gaqo Simaku.

Ai ka të tërë familjen e vet në fushën e prodhimit të naftës (pasaportave). Aty ai drejton vetë, ka gruan, motrën e gruas dhe... Ky njeri duke e ditur fuqinë e vet ekonomike dhe politike, nuk do t’ia dijë për asnjë njeri.

Në qoftëse një njeri dallohet nga gjallesat e tjera, pasi njeriu ka edukatë dhe kulturë, ndërsa në gjallesat e tjera mungojnë këto dy cilësi, padyshim që sheiku z. Gaqo Simaku hyn tek gjallesat e tjera. Këta përshtypje ai ta krijon sapo ta shohësh, se si sillet me emigrantët tanë. lërimat e tij dhe sharjet që ai u drejton njerëzve, kur ato janë në pikë të hallit, të bën të kërkosh nëpër fjalorë termin që do të përshtatej më mirë: kafshë diplomatike. Dhe sa ka të tillë në shtetet e tjera të Europës ku kemi për fat të keq një kopsht zoologjik si pjellë e partisë komuniste rozë në pushtet që lajkatohet edhe nga shumë gazeta emigrantësh në ShBA dhe Evropë. Mirëpo populli e dha provimin me zgjdhjet e fundit në vendlindje dhe pas zgjedhjeve të përgjigjshme do të zhduken kafshet e egra diplomatike një herë e përgjithmonë dhe shqiptarët do të jenë të lirë nga kjo lukuni e Marksizmit që vegjeton ende në pushtet...

Dërguar më 18 tetor 2003, nga Klajd Kapinova Nju Jork