Një delegacion i qytetit Falkenberg të Suedisë ka arritur për një vizitë katërditore në qytetin e Mitrovicës

Një delegacion i qytetit Falkenberg të Suedisë ka arritur për një vizitë katërditore në qytetin e Mitrovicës

17 tetor 2003 / TN / Hysni SYLA ( Zyrtar për informim i KK )

Mitrovicë, 16 tetor 2003 - Një delegacion i qytetit Falkenberg të Suedisë, i kryesuar nga Bill Anderson, kryetar i Ekzekutivit të komunës së Falkenbergut, ka arritur për një vizitë katërditore në qytetin e Mitrovicës.

Delgacioni nga Falkenbergu i Suedisë është pritur nga udhëheqëja komunale me në krye kryetarin e Kuvendit të Komunës Faruk Spahija, me ç’rats është njoftuar me gjendjen e gjithëmbarshme në komunën e Mitrovicës dhe me përpjekjet që pushteti lokal po bënë për integrimin e qytetit dhe zgjidhjen e problemeve të qytetarëve.

Kryetari Spahija ka falenderuar Qeverinë e Suedisë për ndihmën që ka dhënë për rindërtimin e vendit dhe qeverinë lokale të Falkenbegut për përkujdesjen që ka treguar ndaj qytetarëve të Mitrovicës që përkohësisht jetojnë në këtë komunë.

Kryetari i Ekzekutivit të komunës së Falkenbergut, Bill Anderson pasi që ka falenderuar udhëheqëjen komunale për mikriptje të ngrohtë, është shprehur të jetë i mahnitur me atë që ka parë në Kosovë gjatë udhëtimit të tij për në Mitrovicë, e sidomos me rindërtimin e objekteve të ndryshme.

Gjatë bisedës në ambientet e Kuvendit të Komunës,`bashkëbiseduesit janë dakorduar që të thellojnë edhe më shumë miqësinë dhe bashkëpunimin e ndërsjell në fusha të ndryshme midis dy komunave.

Delegacioni i komunës Falkenberg nga Suedia gjatë qëndrimit në Mitrovicë, do të vizitojë monumentet e ndryshme kulturo-historike të komunës dhe Prishtinën, ku do të ket një takim me stafin e Zyrës Suedeze në Kosovë.