|  KOMENTE  |  HISTORI  |   POLITIKË  |  OPINIONE  |  ADRESARI  |  ARKIVI  | 

Veprimtari për nënë Terezën

Me këtë rast u inagurua ekspozita fotografike mbi jetën dhe veprën e Nënë Terezës dhe u promovua libri mbi biografinë e saj me autor anglezin Kathryn Spink.

 

Në këtë aktivitet ishin të pranishëm Ambasadori i RSH-së në Beograd, Petrit Bushati, Titullarë të Misioneve Diplomatike të akredituar në Beograd dhe diplomatë tjerë, Nunci Apostolik i Vatikanit, z. Eugenios Barbaro, personalitete fetare, përfaqësues të organizatave qeveritare, shoqërisë civile etj.

 

Pas fjalës së rastit mbajtur nga  znj.Markoviç, të pranishmit i përshëndeti Ambasadorja e Indisë në Beograd, znj. Lavanija Trastad, e cila foli për jetën dhe aktivitetin e jashtëzakonshëm të Nënë Terezës në ndihmë të njerëzve të varfër. Gjithashtu të pranishmit i përshëndeti edhe Dom Gjergj Lushaj, biografi i Nënë Terezës nga Kosova , i cili bëri një përshkrim të jetës dhe veprës së saj, përmes së cilës Ajo meritoi titullin Nënë të  të gjithë njerëzimit.

 

Budapest

 

Ambasada e RSH-së në Budapest në bashkëpunim me Kishën Ndërkombëtare të Budapestit (kishë protestante), organizoi këto ditë një meshë kushtuar jetës dhe veprës së Nënë Terezës,  kësaj figurë kaq të ndritur të historisë së kombit shqiptar.

 

Nën kujdesin e Ambasadës sonë u hap një ekspozitë kushtuar veprimtarisë  shumë dimensionale të kësaj përfaqësuese aq të shquar të mbarë njerëzimit si dhe u vendosën eksponate me botime të ndryshme dedikuar jetës dhe veprës së saj.

 

Gjatë meshës kushtuar Nënë Terezës, pjesëmarrësit pasi nxorën në pah origjinën e saj shqiptare, u ndalën në kontributin dhe vlerat e mëdha që mishërohen tek Ajo.

 

Nënë Tereza përbën një figurë komplekse, e cila i përket mbarë njerëzimit, pa dallim feje, besimi dhe kombësie, tek e cila në radhë të parë dallohen ndjenjat e larta humane, u theksua ne fjalimet e tyre. Më tej ata u përqëndruan tek domosdoshmëria që duhet të ketë dhe ka çdo njeri për të njohur nga afër pasurinë e mendimit dhe të ndjenjave të cilat kanë ushqyer Nënë Terezën, bijën “më të shquar të popullit shqiptar”.

 

Duke u ndalur tek veprimtaria e gjerë dhe e përkushtuar e Nënë Terezës ata e cilësuan atë si “nënë të mbarë njerëzimit”, si “nënë të paqes, të bukës, të shpirtit, të shpresës, të familjes, harmonisë, dhimbjes, si nënë të gjithçkaje që ka të bëjë me njeriun”. “Dhimbja e saj për vuajtjen e njeriut, theksuan ata, preku gjithë botën, bamirësia e saj i kapërceu kufijtë njerëzore dhe vlerësimi më i madh që mund t’i bëhet një njeriu është ta kthesh atë në pavdekësi të përjetshme, e Nënë Tereza e meritoi këtë”.

 

Danimarkë

 

Nën kujdesin e Ambasadës së RSH-së në Danimarkë, u  hap këto ditë në Kopenhagë ekspozita vetjake e artistes shqiptare, Rudina Proda e cila prezantohet për herë të parë në këtë vend me një koleksion prej 39 punimesh. Në hapjen e kësaj ekspozite ndihmoi edhe Galeria Kobra e Kopenhagës.

 

Vizitorët, koleksionistë të artit, dashamirës të Shqipërisë, shqiptarë të diasporës si dhe përfaqësues të shtypit vendas janë shprehur pozitivisht për origjinalitetin e kompozimit dhe koloritit të piktores shqiptare. Pritet që këto ditë në shtyp të pasqyrohen artikuj të cilat do t’i referohen këtij aktiviteti nga kritikët vendas.

 

Ekspozita do të qëndrojë e hapur deri më 18 tetor.