Veprimtari për Nënë Terezën

Veprimtari për Nënë Terezën

15 tetor 2003 / Çerçiz LOLOÇI

Kroaci

Ambasada e RSH-së në Zagreb në bashkëpunim me Misionin Katolik Shqiptar në Kroaci organizuan të martën, me rastin e Ditës së Lumturimit të Nënë Terezës, koncertin me titull “ Nënë Tereza burim i dashurisë dhe i paqes”.

Në këtë aktivitetit mori pjesë Presidenti i Kroacisë, Stjepan Mesic dhe Zv/Kryeministri, Goran Granic.

Gjithashtu aktivitetin e përshëndetën me pjesëmarrjen e tyre Zv/Kryepeshkopi i Kishës Katolike kroate, Monsinjor Vladimir Stankoviç si dhe përfaqësues të administratës së lartë të shtetit kroat, Trupi Diplomatik i akredituar në Kroaci përfaqësues të diasporës shqiptare etj.

Ambasadori i RSH-së në Kroaci, Arben Cici mbajti fjalën e hapjes, ndërsa Don Lush Gjergji, biografi i njohur i Nënë Terezës, foli për jetën dhe veprën e saj. Në fund të aktivitetit u dha një koncert me instrumentistë dhe këngëtarë të njohur të ardhur nga Shqipëria si dhe me pjesëmarrjen e Korit të Përzjerë të Katedrales së Zagrebit. Koncerti u shoqërua me projektime të fotografive nga jeta e Nënë Terezës.


Poloni

Ambasada e RSH-së në Poloni në bashkëpunim me Universitetin Katolik të Varshavës, zhvilluan të marten një Konferencë shkencore mbi jetën, veprën dhe origjinën e Nënë Terezës .

Në fjalën e mbajtur me këtë rast, Ambasadori i RSH-së në Varshavë, Sokol Gjoka, u shpreh se Nënë Tereza lindi shqiptare dhe u bë Nënë e të gjithë botës. ”Ajo tashmë është kthyer në simbol të sakrificës, të përkushtimit, të dashurisë për jetën, për bashkëpunimin dhe integrimin”, theksoi Ambasadori Gjoka.

Gjithashtu Konferencën e ndoqën dhe e përshëndetën Nunci Apostolik i Vatikanit, kryepeshkopë, përfaqësues të Zyrës së Presidentit të Polonisë, administratës shtetërore, Ambasadorë dhe përfaqësues të Trupit Diplomatik të akredituar në Poloni, intelektualë polakë, anëtarë të Shoqatës së Miqësisë Poloni-Shqipëri, studentë shqiptarë, profesorë të Universitetit Katolik etj.

Konferencën e nderuan me pjesëmarrjen e tyre akademikët nga Shqipëria, Prof.Zija Xholi, Prof. Josif Adhami dhe jetëshkruesi kosovar i Nënë Terezës, Dom Lush Gjergji, të cilët në fjalën e tyre, vunë në dukje lidhjet e kësaj gruaje të vogël, por me shpirt të madh, me kombin e vet.

Në fjalët përshëndetëse të Kryepeshkopit Kovalcik si dhe të Kardinalit Glemp, u vunë në dukje pathosi, përkushtimi, fisnikëria dhe besimi tek Zoti i kësaj gruaje me origjinë shqiptare. “Ishte virtyti i saj i lartë, ishte dashuria për jetën dhe besimi tek Zoti ato që i jepnin force Nënë Terezës. Nënë Tereza nuk ishte vetëm një grua hyjnore, ajo ishte njëkohësisht edhe një grua e zakonshme që i njihte mire hallet dhe vuajtjet e njerëzve, pasi ishte mëkuar që në fëmijëri me një dashuri për ta“, theksuan ata në fjalën e tyre.


Spanjë

Nën kujdestarinë e Ministres se Arsimit, Kultures dhe Sportit te Spanjës, Znj. Pilar del Castillo dhe, ne bashkepunim me Ambasadat e Shqiperise, Indise dhe Argjentines, ditët e fundit prezantua në Madrid një libër fotografik kushtuar Nene Terezes, i gazetarit të njohur argjentinas Mario Podestá, dhe u hap e një ekspozites fotografike.

Per jeten dhe vepren e Nene Terezes ne Kalkute, qyteti ku ajo zhvilloi veprimtarine e saj humanitare, foli ambasadori i Índice ne Madrid, z. Dilip Lahiri.

Në fjalën e saj ambasadorja e Shqiperise në Spanjë, Anila Bitri, foli per lidhjet e Nene Terezes me popullin e saj shqiptaret. Ndersa afron 19 Tetori, Dita e Lumturimit te Nene Terezes, njerezit ne mbare boten i rikthehen vepres dhe kujtimit të Nënë Terezës, nënës së të varferve e te harruarve, Nënës së te gjitheve, ajo ishte pasqyra ku njerezimi shihte vetveten. theksoi ambasadorja Bitri.

Më tej ajo citoi një letër të shkruar ne shqip nga Nënë Tereza derguar nga Oslo, diten e marrjes se çmimit Nobel. “ Une gjithmone e kam ne zemer popullin tem shqiptar. Shume i luti Zotit, qe paqja e tij te vije ne zemrat tona, ne gjithe boten. Lutem shume per fukarate e mi-dhe per mua dhe motrat e mia. Une lutem per Juve. Teresa Bojaxhiu”.

Foto-ekspozita kushtuar veprës dhe jetës së Nënë Terezës do të qëndrojë e hapur e hapur në ambjentet qendrore te Bibliotekes Kombetare të Madridit deri me daten 19 tetor.

Ne kete veprimtari moren pjese njerez te politike, shkences, kultures, artit, perfaqesues te trupit diplomatik te akredituar ne Madrid, te medias si dhe shqiptare me qendrim ne Madrid.