- Hollbruk e Kushner dje u kanë bërë thirrje liderëve të Kosovës për bisedime me Beogradin

Presidenti Rugova priti dje Hollbrukun dhe Kushnerin

Prishtinë, 6 tetor 2003 - Presidenti i Kosovës Ibrahim Rugva priti dje diplomatin e shquar amerikan Hiçard Hollbruk dhe kryeadministratorin e parë të Kosovës Bernar Kushner, të cilët bahskë me disa analistë perëndimorë prej të shtunës po qëndrojnë në Kosovë. Presidenti Rugova pas takimit shprehu kënaqësinë që takoi miqtë e vjetër të Kosovës, Bernar Kushnerin, i cili vuri themelet e Kosovës moderne dhe që ka qenë pjesë dhe faktor i rëndësishëm i progresit të Kosovës dhe ambasadorin amerikan, Hollbruk, i cili ndihmoi shumë për lirinë e Kosovës.   Presidenti Rugova tha se gjatë takimit i ka njoftuar diplomatët ndërkombëtarë edhe për rrjedhat më të reja të proceseve në Kosovë.

"Gjatë takimit i njoftova miqtë për progresin që kemi arritur në Kosovë në të gjitha fushat e jetës, përfshirë këtu krijimin e një sigurie më të madhe për qytetarët e Kosovës (megjithëse kemi ende disa incidente), si dhe për forcimin dhe perfeksionimin e policisë së Kosovës", - tha Presidenti Rugova.

Ai tha se në këtë takim u diskutua edhe lidhur me sfidat nëpër të cilat po kalon Kosova dhe ato që e presim, duke përmendur këtu zhvillimin ekonomik, privatizimin dhe integrimin e grupeve në shoqëri.

 

"Padyshim që në këtë takim u bisedua edhe për atë që unë insistoj çdo herë, pra, që Kosova të pranohet sa më parë si vend i pavarur, demokratik dhe paqesor, i integruar në Bashkimin Evropian, në NATO dhe në miqësi të përhershme me Shtetet e Bashkuara të Amerikës", - tha Presidenti Rugova, duke shtuar se kjo gjë do ta qetësonte Kosovën, rajonin dhe do t'i përshpejtonte proceset demokratike dhe të filluara në Kosovë, por edhe në Evropën Juglindore në tërësi.

Ndërkaq, ish-shefi i parë i UNMIK-ut, Bernar Kushner, pasi falenderoi Presidentin Rugova për pritjen e përzemërt, tha se në takim janë diskutuar shumë çështje, por, përveç tjerash, edhe për sigurinë dhe rastet e dhunës që po shënohen në Kosovë. Kushner tha se duhet bërë më shumë që këto raste të ndalen sa më parë e, poashtu, të bëhet edhe kthimi i të zhvendosurve në Kosovë. Por, Kushner, edhe pas kësaj vërejtjeje, tha se është dakord me vlerësimin e presidentit Rugova se Kosova tash është më e lirë dhe ka progres në disa fusha.

Nga ana e tij, Riçard Hollbruk takimin e vlerësoi si mjaft të rëndësishëm dhe të përzemërt. Në këtë kontekst, Hollbruk tha: "Është nder ta shohësh Presidentin Rugova përsëri. Ky ka qenë simbol i rezistencës dhe i lirisë në Kosovën e shtypur. Është shumë kënaqësi që të kthehesh këtu dhe ta shohësh presidentin e Kosovës në liri, duke i vazhduar hapat drejt ëndrrave tua".

Hollbruk theksoi se Kushner kishte të drejtë kur tha se duhet të keni kujdes dhe të mos i shtypni të tjerët si kthim ndaj atyre që iu kanë bërë juve. "Nëse doni t’i realizoni qëllimet tuaja, vetëvendosjen dhe pavarësinë, kjo duhet të ndalet menjëherë", - tha ai.

Hollbruk bëri edhe një vlerësim të proceseve në Kosovë, duke thënë se proceset nuk janë duke shkuar me ritëm të kënaqshëm. “Unë besoj se procesi është duke ecur shumë – shumë ngadalë...

 

 

Hollbruk e Kushner dje u kanë bërë thirrje liderëve të Kosovës për bisedime me Beogradin

 

Prishtinë, 6 tetor 2003 - Gjatë takimeve të djeshme në Prishtinë, ish-ambasadori amerikan në Kombet e Bashkuara Riçard Hollbruk, ka thënë se zgjidhja e çështjes së Kosovës nuk guxon të shkojë kaq ngadalë, ndërsa shqiptarët duhet t'i respektojnë të drejtat e minoriteteve nëse duan të përmbushin ëndrrat dhe aspiratat e tyre për pavarësinë. Hollbruk, bashkë me kryeadministratorin e parë të Kosovës, Bernar Kushner, në takimet me udhëheqësit më të lartë të Kosovës, Presidentin Ibrahim Rugova, Kryeministrin Bajram Rexhepi dhe kryeparlamentarin Nexhat Daci, ka biseduar edhe për statusin e Kosovës dhe bisedimet e ardhshme teknike me Beogradin.

"Ju nuk mund t'i detyroni serbët për një spastrim etnik dhe të vritni fëmijë serbë dhe ndërkohë të pritni përkrahjen e bashëksisë ndërkombëtare për të arritur realizimin e ëndrrës suaj për vetëvendosje dhe pavarësi", ka thënë Hollbruk, duke porositur bashkësinë ndërkombëtare që të përshpejtojë proceset në Kosovë, të cilat janë tepër të ngadalshme. "Kombet e Bashkuara duhet të lëvizin më shpejt, Shtetet e Bashkuara duhet të kushtojnë më shumë kujdes, ndërsa Bashkimi Evropian duhet të jetë më fleksibil, përndryshe proceset po shkojnë tepër ngadalë", tha Hollbruk dhe është angazhuar që Kosova të marrë pjesë në bisdinmet e Vjenës në nivelin më të lartë të mundshëm, pasi edhe këto bisedime janë në drejtim të së ardhmes që Ksoova e dëshiron për vete.

 

Ndërkaq Bernar Kushner ka thënë se ishte me rëndësi që Kosova të marrë pjesë në bisedimat teknike të Vjenës: "Unë vërtet shpresoj se parlamenti do ta miratojë shkuarjen në Vjenë, pasi mosshkuarja do të ishte një gabim i madh", tha Kushner, sipas të cilit bisedat me serbët janë të rëndësishme për Kosovën, madje organizimi i serbëve vendorë dhe pikërisht mbrojtja e minoriteteve është pengesa kryesore sipas bashkësisë ndërkombëtare për të ardhmen e Kosovës.

Kreyparlamnetari Daci i ka quajtur z.Hollbruk dhe Kushner si bashkëbiseduesit më dinamikë në historinë e Kosovës. "Vërejtjet e tyre shumë të qëlluara se si duhet të avancojmë proceset në institucione dhe me rrugët e hapura për demokracinë e Kosovës, për ekonominë dhe pavarësinë e plotë të Kosovës me përgjegjësitë që nënkupton ajo, si sjellja e minoriteteve, lëvizja e lirë e të gjithëve, prandaj mendoj se jemi në një anije të përbashkët", ka thënë Daci,d uke shtuar se në bisedat eventuale me Beogradin do të shkonte vetëm po të jetë atje edhe homologu i tij nga Beogradi.

 

Ndërkaq, kryeministri Rexhepi tha se nuk ka ndonjë lëvizje nga pozicioni i tij i mëparshëm: "Qëndroj në ato pozicione që kam thënë prej fillimit. Ne të gjithë jemi të përgjegjshëm për situatën, por duhet të kuptohet edhe nga qytetarët, se nuk është lehtë të hyhet në diçka pa e analizuar shumë mirë dhe nëse thuhet se a u frikësohemi bisedimeve, ne i frikësohemi përgjegjësisë, nëse bëhet ndonjë hap i gabueshëm pa u studiuar mirë", tha Rexhepi, duke se koncenzusi është i domosdoshëm.

Copyright©2000-2003 Trepca.net - Të gjitha të  drejtat e rezervuara.