OPINIONE

Musa Ukshini : Çdo ditë të re Muhamet Mavraj e shëmton « Epokën e Re »

Aubon (ZVICËR), 25 shtator 2003 / Musa UKSHINI

 

"Epoka e Re" është një emër padrejtësisht i bukur për një gazetë që shëmtohet ditë për ditë. Atë nuk e blej kurrë, por nganjëherë, aksidentalisht, më bjen në dorë.

 

"Epoka e Re" ka lindur në atë mënyrë që Muhamet Mavraj ka përvetësuar gjithë çka ka pasur gazeta e studentëve të Univeristetit të Prishtinës. M. M. ka qenë kryeredaktor i gazetës së studentëve « Bota e Re ». Sigurisht se « Bota e Re », në tërë historinë e saj të bujshme  nuk ka pasur drejtues më analfabet se sa Muhamet Mavrajn.

 

Se si erdhi ai në krye të « Botës së Re », atë mund ta dijë vetëm dreqi e UDB-ja.

 

Vinire : Artikullshkrues në « Epokën e Re » ka më shumë se një vit që paraqitet edhe Baton Haxhiu, i cili njëherë pat deklaruar se të gjithë liderët studentorë, pas 1 teorit 1997, i pati kapur Sigurimi serb, pos Muhamet Mavrajn ! Muhamet Mavraj nga ajo ditë kur u bë kjo deklaratë, bishtin nën shalë dhe kurrë më nuk e sulmoi -siç bënte përmes të tjerëve - Baton Haxhiun !!!

 

Arsyet e vjedhjes apo përvetësimit mund të jenë të shumta. Ndër to edhe fakti se po bëhej krejtësisht e palogjikshme dhe tepër qesharake që një njeri që po shtegtonte kah të dyzetat të mbetej në krye të një mediumi rinor studentor.

 

Ai, duket se e nuhati se mund të ishte asistent, profesor, farë nëpunësi në fakultetet e UP-së, farë rojtari konviktesh, farë gjellëbërësi, farë pjatalarësi, farë pastruesi i nyjeve sanitare, dhe të gjitha këto mund t’i kishin hije, por më nuk kishte lezet që në impresumin e BR-së të figuronte kryeredaktor. Nga kryeredaktorllëku në « Botën e Re », u bë kryeredaktor i « Epokës së Re ».

 

Starti ishte i vështirë. Por çarjet në LPK i erdhën për mbarë Mavrajt. Ai u përforcua me tërë teknikën e « Zërit të Kosovës » dhe kjo ndodhi për shkak të lidhjeve të tij farefisnore me disa nga figurat e ish-LPK-së, sidomos të Bardhyl Mahmutit. Nuk munguan as paratë aq të nevojshme dhe të domosdoshme për daljen e një gazete dhe sidomos për një jetë të begatshme në ngrënie-pirje të terpishme.

 

Muhamet Mavraj ka arritur shpeshherë që të ketë para. Por, kurrë para nga shitja e nga adminsitrimi i gazetës. « Epoka e Re » do të ishte harruar kaherë sikur për të të mos kishin shkruar edhe pa pagesë njerëz të ndryshëm, të ndershëm, por të mashtruar se gjoja ajo mbron UÇK-në dhe vlerat e luftës çlirimtare. Po çka ka lidhje UÇK-ja me Muhamet Mavrajn ? Asnjë lidhje ! Ai ishte një ndër banorët e parë të Stenkovecit. Me një radio-tranzistor të afruar te veshi, ky farë burri i cili u bë luftëtari  i UÇK-së nja katër-pesë muaj pasi u konsoliduan trupat e NATO-s Kosovë, kur dhe vetë UÇK-ja u bë TMK, tregojnë se si stërpërsëriste pyetjen : « Çka po bahet more me ne ? ».

 

Kryeredaktori i « Botës së Re »,  fundin e vitit 1999 e gdhiu si kryeredaktor i “Epokës së Re“. Por kryeredaktori nuk kishte as nuk ka as sot e kësaj dite asnjë redaktor. Bile ai nuk ka asnjë gazetar. Sepse ai nuk ka nevojë as për gazetarë as për redaktorë! Ka dy-tre argatë që marrin pa leje tekste të gatshme nga gazetat të tjera, ka herë pas herë ndonjë kolumnist që nuk shkruan për gazetën sa shkruan për veten, pasiqë gazetat tjera pak a shumë kanë një konsolidim të brendshëm, kanë platformë redaksionale, kanë debat pas çdo numri të gazetës dhe kanë stafderi-diku të konsoliduar.

 

I zoti i “Epokës së Re“ është shef dhe ka qejf ta quajnë „gazdë“. Por « gazdës » nuk ka se si t’i ec puna me gazetën. Ata që kanë durim, le të marrin 10 artikuj të tij dhe le të llogarisin sa fjalë të gjuhës shqipe në shkrimet e tij përdor ky farë gazde. Po gjetët mbi 50 fjalë të ndryshme, e humba bastin. 50 fjalëve të përdorura shtoju edhe 50 të tjera, të cilat gazdës Muhamet mund t’i jenë strukur në thellësitë e memorjes së tij të varfër : Para jush ashtu, galuç do të keni një - debil mental !

 

Atëherë, pse të humbasim kohë me një « Epokë e Re », e cila  lere që nuk është epokë, por ajo nuk është aspak e re, nëse me të renë nënkuptojmë modernen e përparimtaren. Edhe kur në këtë gazetë paraqiten shkrime cilësore, të tilla domosdo që paraqiten, fatkeqësisht ato janë të pakta dhe ambalazhohen me faqe të tëra me shkrime të proviniencës rrugaçore, të njerëzve të pa formim elementar, pa arsimim e edukum, gjithsesi të pazotë për një punë aq të përgjegjshme siç është puna e gazetarit.

 

PS : Shikoni dhe mendoni të tjerë editorë dhe kryeredaktorë të gazetave të tjera në Kosovë ! Shumica e tyre janë zotërinj të vërtetë si në paraqitjet e tyre ashtu edhe në maturinë që e kanë kur duhet thënë e kur duhet shkruar fjala. Sikur të kishte guximin të shihte veten dhe vendin e tij në mesin e këtyre figurave, Muhamet Mavraj do të shihte mjerimin e vet dhe, ndoshta, do të braktiste një punë për të cilën nuk ka kaçik.

Copyright©2000-2003 Trepca.net - Të gjitha të  drejtat e rezervuara.