Ridel revista “ars”: Numër special kushtuar periodikëve letrarë shqiptarë

26 shtator 2003 / Çerçiz LOLOÇI - Revista letrare shqiptare “ars” njofton daljen e numrit 9 (19), ditën e diel, më 28 shtator 2003, në Shqipëri dhe Kosovë.    Revista hapet me shkrimin “Arkivi i madh i qytetërimit shqiptar” nga Begzad Baliu, kushtuar Prof. Dr. Jup Kastratit.   Editoriali me titull “Revista letrare, si do të ishte, si do të bëhet” është shkruar nga Irhan Jubica.   Tema qendrore e debatit të këtij numri është: Revistat letrare shqiptare. Në lidhje me këtë temë kanë shkruar për revistën letrare shqiptare “ars” botues të periodikëve letrarë shqiptarë e të huaj, ndër të cilët përmendim:   “Bota Letrare”, Bensik Mustafaj, kryeredaktor, Tiranë, Shqipëri “Sheshi”, Halil Matoshi, kryeredaktor, Prishtinë, Kosovë “Pro kultura”, Bardhyl Zaimi, kryeredaktor, Tetovë, Maqedoni “Orana:, Blendi Kraja, drejtor, Shkodër, Shqipëri “Ylberi”, Kapllan Resuli, botues, Gjenevë, Zvicër “Atelier”, Giuliano Ladolfi, drejtor, Novara, Itali “Brezi 9”, Fatmir Sulejmani, kryeredaktor, Tetovë, Maqedoni “Letrat XXI”, Flori Slatina, botues, Tiranë, Shqipëri “Literal Latte”, Jenine Gordon Bockman, New York, SHBA “Sagarana”, Julio Cesar Monteiro Martins, Luka, Itali

  

Ndërkaq, po në funksion të këtij argumenti, studiuesi dhe përkthyesi i njohur nga Franca prof. Ardian Marashi i cili që prej këtij numri ka nisur rubrikën e re, të përhershme “serJOzisht”, boton shkrimin “Revista letrare më e mirë e vitit”. Kësaj teme i bashkëngjiten edhe artikuj e fragmente nga Ernest Koliqi, Maria Grazia Cocchetti, Giambattista Vicari, Walter Stafogia etj. Botohet i plotë gjithashtu edhe komunikimi me të ftuarit e tjerë që nuk morën pjesë në debat, qofshin këta botues shqiptarë a të huaj, si “Poesia” (Itali), “Jeta e re” (Kosovë), “Drita” (Shqipëri), “Estonian Literary Magazine” (Estoni), “The Literary Review” (SHBA) etj..

 

Krijimtaria eseistike e këtij numri prezantohet me:

 

- “Shoqnia shqiptare i do shkrimtarët e vet, por i do të vdekun” nga Shpëtim Kelmendi

-  “Trashëgimtarët e Dantes – klasikët e romanit postmodern” nga Xhemal Ahmeti

- “Frika, koha e mendimi” nga Jiddu Krishnamurti

- “Mbi Oscar Wilde” nga Horhe Luis Borhes

- “Karnavali arbëresh” nga Ferdinando Bellusci

 

Në rubrikën e përhershme “Letra nga provinca” Ridvan Dibra boton esenë “Mbi rrasën e një varri”, kushtuar shkrimtarit të (vetë)vrarë Faik Ballanca

 

Në rubrikën “Zgjedhje” botohet “Një gazetë ndër shqiptarë” nga Faik Konica.

 

Letërsia shqipe këtë numër prezantohet me: Luan Starova, Vjollca Osja, Faruk Myrtaj, Trina Gojani, Shazim Mehmeti, Ardian Muhaj, Bajram Mjeku, Ilire Zajmi, Leonora Sahitaj, Bardhyl Ulqinaku, Donika Dabishevci e Sokol Nika, ndërsa letërsia e huaj përfaqësohet me: Wirginia Woolf, Halina Poswiatowska etj..

 

Shtojca e përhershme “arsplus” i kushtohet prozatorit të njohur izraelit, kandidatit për Çmimin Nobel në letërsi, Amos Oz dhe është përgatitur nga Gilmana Bushati.

 

Rubrikat e tjera paraqesin:

 

Refuzim – “Miza hekur hëngërt në gjuhën time” nga Blendi Kraja, replikë lidhur me një artikull të paradokohshëm në një gazetë politike.

Intervista – Daniel Pennac: “Kur shkruaj, grabis realitetin”.

Profil – Wang Meng, kandidati i kuq i Nobelit.

Kinema – “’Yllka’, një film antiskemë” një artikull nga Mimoza Ahmeti.

Teatri – “Teatri për fëmijë, art apo edukim” nga Lena Fridell (Si dhe një reagim lidhur me diferencimin e trupës së Kosovës në Festivalin e Butrintit) një rubrikë nga Jeton Neziraj.

Paralele – “Nëse ky ju duket art” nga Vittorio Sgarbi, lidhur me veprat dhe autorët e bienaleve të arteve pamore.

Copyright©2000-2003 Trepca.net - Të gjitha të  drejtat e rezervuara.