21 shtator 2003 / “Zëri i Amerikës”

Agjencia amerikane e hapësirës shënoi të dielën fundin e njërit prej misioneve të saj më suksesshme, ndërsa anija e hapësirës Galileo digjet në atmosferën e dendur të Jupiterit.

Shkencëtarët e NASA-s thonë se sonda ka udhëtuar 4,6 miliardë kilometra gjatë misionit të saj 14 vjeçar dhe tani po i mbarohet karburanti. Galileo ishte misioni i parë që mati drejtpërdrejt atmosferën e Jupiterit dhe ka dërguar në tokë mijëra pamje të planetit dhe hënave të tij.