21.09.2003 - Trepca.net

Bashkim SHEHU

E s e


 
MESDHEU SI REALITET DHE IMAGJINATĖ
 
Njėsia kulturore mesdhetare pra, ėshtė diēka as thjesht objektive, as thjesht subjektive, sepse ėshtė diēka qė i pėrket imagjinatės - njė bote imagjinare, qė natyrisht, nuk ėshtė vetėm e imja.
 
Bashkim SHEHU
 
Do ta filloja me njė referencė nga eposi shqiptar, me njė shembull qė mė duket mjaft domethėnės, pėrveēse i stėrnjohur kėtu, siē ėshtė legjenda e Gjergj Elez Alisė. Eshtė rrėfenja e dyluftimit ndėrmjet njė kreshniku vendas dhe armikut tė tij, tė emėrtuar “Bajlozi Katallan”. Ky ėshtė njė pėrbindėsh gjigand, i zi dhe me njė sy. Kėtu shohim substratin arkaik tė Odisesė, konkretisht personazhin e Polifemit. Por shohim edhe elementin historik tė mitologjizuar, qė pėrbėn bėrthamėn e legjendės: dyndjen dhe inkursionet e katalanėve drejt Ballkanit nė mesjetėn e vonė. Treguesit janė vetė emėrtimi i pėrbindshit, sistemi feudal perėndimor i taksave, me njė enumeracion ēuditėrisht realist nė kėtė legjendė, madje edhe ngjyra e zezė e Bajlozit Katallan, siē lyheshin mercenarėt almogavares tė Roger de Flor-it pėr tė frikėsuar kundėrshtarėt. Porse elementi mė i rėndėsishėm, qė pėrftohet nė mėnyrė ndėrtekstuale me ngarkesėn e njė simbolizmi negativ - dhe aty qėndron arsyeja e referencės - ėshtė ai i detit.
 
 
DETI SI PĖRQASJE ME RREZIKUN
 
Pėrbindshi, armiku, me tepėr se sa vjen nga deti, del prej detit - gati-gati ėshtė i njėsuar me detin. Mė duket i rėndėsishėm ky element ngase, ndėrtekstualisht, e hasim shpesh nė poezinė popullore shqiptare, si njė konstante e saj nė raport antonimie me malin. Nė njė varg semiotik gjithėsesi tė thjeshtuar, siē janė kodifikimet e mitologemave, deti pėrqaset me rrezikun, qė tek e fundit ėshtė rreziku nga kontakti me tjetrin, nga kontakti si konflikt, ndėrsa mali, nė njė varg paralel dhe tė pėrkundėrt, ka kuptimin e mbrojtjes, tė sigurisė sė tė qėnit i vetėmbyllur. Nuk ėshtė e rastit qė kjo antonimi spikatet sidomos nė komentet mbi folklorin gjatė periudhės sė njė diktature qė synonte ta izolonte vendin totalisht. Ndėrkaq, mė gjerė se sa ky shndėrrim i mitologjisė nė ideologji totalitare, antonimia e lartpėrmndur reflektohet nė vetidentifikimin si ballkanas pėrkundrejt harrimit tė pėrkatėsisė nė Mesdhe.
 
Referenca tjetėr e imja ėshtė nga pėrvoja vetjake. Prej pesė vjetėsh jetoj nė Barcelonė, pra nė skajin tjetėr tė Mesdheut, ndonėse nuk kam shkuar atje me ato qėllime pėr tė cilat Bajlozi Katallan erdhi nė viset shqiptare. Mund tė them se aty zbulova komponenten mesdhetare tė identitetit tim, identitet i shumėfishtė, kuptohet, sikurse i ēdo individi. Dua tė theksoj se kjo komponente u bė e dukshme pėr mua si pėrbashkėsi nėpėrmjet kontrastit: komponente e pėrbashkėt me njerėzit e qytetit ku jetoj, nė kontrast me aspektet e tjera tė identitetit, qė i kemi tė ndryshme - Shqipėria dhe Spanja (ose Katalunja), Gadishulli Ballkanik dhe Gadishulli Iberik, Europa Lindore dhe Europa Perėndimore etj.
 
Sidoqoftė, nėse po flas pėr njė vetėzbulim tė identitetit mesdhetarė nė Barcelonė, se kam fjalėn te asgjė konkrete, e identifikueshme. Arkitektura? Gastronomia? Stili i tė veshurit? Mėnyra e jetesės? Asgjė e tillė... ose ndoshta diēka e tillė, po nėpėrmjet perceptimit vetiak, si diēka subjektive, si ndjesi e njė atmosfere lidhur me kėto qė pėrmenda - shprehje e papėrcaktueshme natyrisht, ku bėn pjesė edhe ndjesia e mėnyrės sė komunikimit apo e humorit, tė gjitha kėto nėn njė prizėm subjektiv.
 
 
IDENTITETI MESDHETAR SI IDENTITET KULTUROR
 
Kėtu vijmė tek ēėshtja e identitetit mesdhetar si identitet kulturor. Mendoj se pėr tė, ashtu sikurse pėr ēdo identitet kulturor, nuk mund tė flitet nė kuptimin e njė esence tė pranishme nė shpirtin e ēdo homo mediterraneus, ose tė karakteristikave shpirtėrore tė katalogueshme. Nėse ekziston njė katalogim i tillė, atė e gjejmė vetėm nė studime tė psikologjisė sociale mbi formimin e stereotipeve e tė paragjykimeve. Nga ana tjetėr, mendoj se ka kuptim tė flitet pėr identitet kulturor mesdhetar pėr aq sa e pranojmė realitetin e konstruktimeve tė tilla socio-historike, njė realitet sado jo objektiv sipas konceptit klasik tė shkencave natyrore, tė huazuar deri vonė edhe nga shkencat humane. Pėr ta qartėsuar kėtė ide, le ta pėrqasim kulturėn me arketipin, enėn apo strukturėn primordiale ku, sipas Jung-ut, derdhen e marrin trajta pėrvojat e ndryshme jetėsore. Kultura nuk ka tė bėjė me arketipet psikike e tė trashėgueshme tė Jung-ut, por mund tė themi se ka tė bėjė me arketipet e Frederick Jameson-it, forma kulturore sociologjikisht dhe historikisht tė kondicionuara. Pra, sociologjikisht - si pėrftesė ndėrpersonale dhe historikisht - si diēka nė ndryshim dhe rikrijim tė vazhdueshėm. Njė parantezė e shkurtėr, nuk kam parasysh historinė e parashikueshme nė mėnyrė logjike siē e postulon filozofia hegeliane, kjo ngrehinė sa madhėshtore aq edhe e papėrdorshme, qė mė kujton “Qytetin e tė pavdekshmėve” tė Borges-it.
 
Atėhere, ēfarė kuptoj me identitet kulturor mesdhetar?
 
Njė nga topikėt orientues tė kėsaj konference ėshtė: unitet apo diversitet? Do tė pėrgjigjesha: edhe njėra, edhe tjetra.
 
Diversiteti nė Mesdhe ėshtė ndoshta karakteristika mė e rrokshme. Shkrimtari i shquar Predrag Matvejeviē e pėrkufizon si njė mozaik, pra njė diversitet qė mund tė vėshtrohet si njė e tėrė. Le tė ndalemi te togfjalėshi “mund tė vėshtrohet”, pėr tė rrokur tėrėsinė, apo njėsinė. Eshtė njė togfjalėsh qė ngėrthen perceptimin, subjektivitetin. Ashtu sikurse nė sociologji, apo mė gjerė nė shkencat humane, faktet qė nė tė vėrtetė janė akte, nuk mund tė merren shkėputurazi nga subjektiviteti - edhe realiteti i Mesdheut nuk mund tė merret shkėputurazi nga ligjėrimi rreth tij, siē thotė Predrag Matvejeviē nė librin e vet “Breviarium i Mesdheut” (libėr i pėrkthyer nė tė gjitha gjuhėt mesdhetare, pėrveē katalanishtes dhe shqipes, por nė shqip ėshtė duke u pėrkthyer, nė programin e Shtėpisė sė Librit dhe Komunikimit).
 
Njėsia kulturore mesdhetare pra, ėshtė diēka as thjesht objektive, as thjesht subjektive, sepse ėshtė diēka qė i pėrket imagjinatės - njė bote imagjinare, qė natyrisht, nuk ėshtė vetėm e imja. Nė kohėt e lashta, kur Mesdheu ishte rajoni mė i zhvilluar, aty ekzistonte pėrfytyrimi mitik mbi Atlantidėn e zhdukur. Sot, nė njė kohė qė rajoni mė i zhvilluar ėshtė ai qė fillon e shtrihet nė tė dy brigjet mes tė cilėve dikur pėrfytyrohej Atlantida, kemi njė inversion rolesh, ndėrsa Mesdheu i antikitetit klasik dhe i Rilindjes Europiane mund tė pėrfytyrohet si njė farė Atlantide e zhdukur.
 
Njėsinė e Mesdheut do ta personifikoja me anė tė dy figurave, nga kėto dy epoka qė sapo i pėrmenda. E para ėshtė ajo e Uliksit. Sipas hulumtuesve tė mėvonshėm, itinerari i tij na shpie pothuajse nė tė gjitha brigjet dhe koordinatat e Mesdheut. Po mė e rėndėsishmja ėshtė se na shpie mendėrisht nė themelet homerike tė poezisė. Figura tjetėr ėshtė njė piktor i shekullit XVI, Domenikos Teodokopullos, cili nga Greqia shkoi nė Venedik dhe mandej nė Spanjė, ku e mbiquajtėn El Greco. Nė tė dyja kėto rrugėtime shembėllehet simbolikisht ideja se Mesdheu, si nė njėrėn epokė edhe nė tjetrėn, ishte njė orbus, njė botė, veēse nga kėndvėshtrimi i sotėm. Dhe, si i tillė, ai ishte djepi i kulturės apo i qytetėrimit tonė, i poezisė dhe i filozofisė, i arteve dhe i humanizmit. Tjetėr ēėshtje nėse Uliskit iu desh tė luftonte me gjithėfarė pėrbindshash dhe nėse El Greco pėrfundoi nė gjyqin e Inkuizicionit dhe pastaj nė ēmendinė.
 
 
HOMERI ĖSHTĖ MĖ AKTUAL SE GAZETAT E DJESHME
 
Po nė epokėn e sotme? Nė epokėn e sotme, tė ashtuquajtur “post-moderne” (etiketė paksa e vjetėruar kjo tashmė, siē vjetėrohen me shpejtėsi etiketat nė ditėt tona), personifikimi ėshtė i pamundur. Njeriu konceptohet si njė rezultante faktorėsh determinues tė pakontrollueshėm nga uni i tij, si njė paralelogram forcash sociale, ekonomike apo genetike dhe shfaqet si i privuar nga mėvetėsia e tė menduarit tė arsyeshėm dhe e zgjedhjes sė lirė tė moralshme. Ndėrsa Mesdheu, me njė mori sistemesh diktatoriale, komuniste apo fashiste, nė njėqind vjetėt e fundit, me luftra ndėretnike, terrorizėm shtetėror ose joshtetėror, dyndje refugjatėsh qė mbyten ngushticave tė Otrantos apo tė Gjibraltarit, nė 10 vjetėshin e fundit dhe deri nė ditėt e fundit, nuk i pėrngjan aspak pėrfytyrimit mbi djepin e kulturės.
 
Megjithatė, mendoj se kėtij pėrfytyrimi dhe traditės humaniste qė ai pėrmban, ia vlen t’i rikthehemi. Duke vazhduar tė besoj nė mėnyrė tė pandreqshme nė idetė e iluminizmit, mbi tė cilat ngrihen shoqėritė e botės euroatlantike, tė “Atlantidės sė re”, mendoj se edukimi me vlerat qė lindėn nė mare nostrum do tė ishte i dobishėm, pėrkundėr tmerreve qė i jetojmė ose qė i mėsojmė ēdo ditė nga mediat. Siē thoshte Charles Peguy, Homeri ėshtė mė aktual se gazeta e djeshme. Dhe mund tė shtohet se komunikimi, pėrkundėr mbylljes e urrejtjes, do tė ndihmonte nė promovimin dhe riaktualizimin e atyre vlerave. Madje, nga komunikimi duhet filluar, qė Mesdheu sėrishmi tė jetė mare nostrum.
 
(Ky shkrim ėshtė lexuar nė konferencėn qė u mbajt nė Shtėpinė e Librit dhe Komunikimit nė Tiranė, ku shkrimtari Bashkim Shehu referoi sė bashku me Josef Ramonedėn dhe Stefanos Pesmazoglou nė temėn “Nė kėrkim tė dimensionit tė humbur: Mesdheu”.)
__________________
  
Bashkim SHEHU
Shenime bio-bibliografike:
 
Lindur nė Tiranė me 1955.
1975-1979: Studime universitare pėr Gjuhė-Letėrsi Shqipe.
1979-1981 dhe 1991-1992: Skenarist ne Kinostudio.
1992-1995: Ka jetuar nė Budapest. Paralelisht me krijimtarinė letrare, ėshtė marrė me studime nė fushėn e sociologjisė.
1995-1996: Redaktor i faqeve letrare nė "AKS" dhe "MM-2000".
Qysh nga 1997-a jeton nė Barcelonė. Aktualisht punon pėr Qendren e Kultures Bashkėkohore tė Barcelonės.
 
 
Krijimtaria
 
- "Njė kohė tjetėr", tregime, Tiranė, 1977
-  "Vjeshta e ankthit", roman autobiografik, Paris, 1993 (frėngjisht); Prishtinė-Ljubjanė1994; Tiranė 1994; Prishtinė 1997
- "Hijet", tregime, Romė, 1993 (italisht)
- "Rrugėtimi i mbramė i Ago Ymerit", roman, Prishtinė 1995; Paris 1995 (frėngjisht); Tiranė 1996; Barcelonė 2001 (botim paralel, nė spanjisht dhe nė gjuhėn katalane).
- "Idhulli prej tymi", tregime, Prishtinė 1996
- "Gostia", roman, Tiranė 1997; Prishtinė 1997
- "Rrėfim ndanė njė varri tė zbrazėt", roman autogiografik, Prishtinė 1997, Barcelonė 1998 (spanjisht); Tiranė 1998.
- "Edipi mbret dhe Edipi i rremė", tregime, Paris 1998 (frėngjisht).
- "Letėr nga ēmendina nė vitin 2000", tregime, Prishtinė 1999.
- "Rrethi", roman, Preishtinė 2000; Tiranė 2002.
- "Mallkimi, ose mbi mosqenien e autorit", tregime, Tiranė 2002.
- Sė afėrmi, priten botime nė anglisht, frėngjisht e serbisht, si dhe botimi nė shqip i njė romani tė ri, "Orfeu nė Zululandėn e Re".
  

TREPCA.NET: Shkrimin e B. Shehut  pėr lexuesit e Trepca.net-it e mundėsoi z. Ēerēiz LOLOĒI pėr ēka i jemi shumė mirėnjohės.

Copyright©2000-2003 Trepca.net - Tė gjitha tė  drejtat e rezervuara.