Shqiptarët dhe Zvicra

I. Zvicra dhe kriminaliteti i të huajve       Një raport i publikura lidhur me sigurinë e mbrendshme të Zvicrës për vitin 2002 thuhet  numri i akteve penale është rritur dukshëm. Në vitin 2001 do kenë qenë 275.591 akte penale ndërsa në vitin 2002 ky numër është rritur për 11.6%, do të thotë në 307.631. Nga numri i vitit 2002 thuhet se 53.4% janë akte penale të kryer nga të huajt në Zvicër. Këto të dhëna kohëve të fundit po përdorën nga krahu i djathtë politik zvicëran për të argumentuar refuzimin marrëveshjes së Shengenit (konkret marrëveshjën bilaterale II), marrëveshje kjo ku parashikohet heqja e kontollit kufitar me EU-në.

  

Argument tjetër që po përdoret nga kundërshtarët e afrimit të Zvicrës në BE, janë të dhënat tjera poashtu penale si deliktet kundër trupit dhe jetës. Deliktet vrasje kanë treguar rritje nga viti 2001 për 21.7%, kërcnime 23.9% dhe kërcënimet kundër nëpunsëve shtetërorë 51.1%, dhunime 6.6%, deliktet kundër integritetit seksual 15.2%, pra edhe këto përqindje futen si argument se marrëveshjen bilaterale I (liria e qarkullimit të njerzve dhe mallrave mes BE-se dhe Zvicrës) me BE-në është shkaktare e kësaj rritjeje të dhunës, natyrisht nga të huajt. Këto të dhëna nuk janë të fundit, ipet edhe numri i saktë i akteve penale të bëra nga të huajt. Kështu 164.000 akte penale në vitin 2002 janë bërë nga të huajt, edhe në tregtin e drogës thuhet të ketë rritje për 15.4% dhe se pjesa e të huajve që merren me këtë zejtari është dikund 80% (burimi i të dhënave St.Galler Nachrichten, 21 gusht 03, fq. 10. Komnet i një parlamentari federal zviceran). Dhe kështu partitë e djathta refuzojnë Marrëveshjen e Shengenit (marrëveshjen Bilaterale II me BE-në) me parollën:  jo Marrëveshjes së Shengenit- dhe jo kriminilatitetit të gjithnjë në rritje.

 

II. Shqiptarët në Zvicër

 

Përdjekja e shqiptarëve nga regjimi i Millodheviqit dhe keqësimi i situatës në Kosovë ka bërë që shumë shqiptarë të vendosen edhe në Zvicër. Numri i shqiptarëve, jo vetëm nga Kosova por edhe nga viset tjera të Ballkanin Perendimor, numron qindra mijëra. Kulninacionin numëri i shqiptarëve në Zvicër e arrin me shpërthimin e luftës në Kosovë, pra me ardhjen e një numri refugjatësh që i kishte marrë Zvicra për ti shpëtuar nga holokausi i shekullit të ri të që po shkaktohej nga serbët. Një numër i madhë i shqiptarëve kanë qenë azilkërkues të cilevë nuk iu është njohur ky status deri atëherë kur është marrë vendimi që të kthehen përfundimisht në Kosovë, bashk me refugjatët. Disa nga këta azilkërkues ia kanë arritur ti bindin organet zvicerane se trupi dhe jeta e tyre është në rrezik, por ka edhe një numër shumë të madhë që kanë mbetur pa njohe të statusit të azilit dhe kështu vite me radhë (mbi)jetuan nga të ardhurat sociale që i jepte shteti këtyre azilkërkuesve. Një numër i këtyre azilkërkues u inkuadruan edhe në zanatin e vjedhjeve, inicues të konflikteve e rrahjeve, krijimi i grupeve të vogla kriminele e deri te shpërndarës droge dhe bartës të kësaj lënde. Dhe këto vepra në vitet e `90 kanë arritur kulminacionit ku organet dhe mediat, natyrisht edhe duke i fryrë shumën e akteve kundërligjore të azilkërkuesve nga ex-Jugosllavia (edhe shqiptarët janë këtu Jugo), dhe ata paraqiteshin si kërcënuesit më të mëdhenjë të qetësisë publike në Zvicër!

 

III. Shiptarët popull kriminel?!

 

Edhe sot kur lexojmë gazetat ditore, edhe atëherë kur vritet ndonjë shqiptarë apo kur ndodhë ndonjë akt tjetër kriminel disa media zvicerane menjëherë dyshojnë në shqiptarët, edhe pse koheve të fundit supozimet dhe dyshimet e disa nga keto media është treguar  i gabuar, ato kur aktori është shqiptarë shtrojnë pyetje si, a ka të bëj kjo me rivalet në tregtinë me drogë?!  Dhe nëse zvicerani i thjeshtë lexon diçka të tillë, e që nuk ka kontakt me shqiptar, fiton përshtypjen se gjithë shqiptarët janë kriminel, tregtar droge, vrasës, të dhunshëm, njerëz ekzotik, të pasjellshëm, të rrezikshëm, brutal, arrogant...

 

Të kriminalizohen qindra mijëra shqiptarë që jetojnë në Zvicër duke u bazuar  vetëm në veprat kundërligjore të një numri të kufizuar, fenomen që ka secili popull, moralisht dhe politikisht është e pakuptimt. Dhe shtrohet pyetja, shqiptarët a nuk kanë dinjitet dhe personalitet?! A janë shqiptarët me të vërtetë popull kriminel?!

 

Në njërën anë kërkohet integrimi i të huajve, këtu edhe i shqiptarëve, në anën tjetër kjo pengohet direkt dhe indirekt nga lajmet bombastike të akteve penale e kundërligjore të shqiptarëve. Këtu nuk mendohet fare për konsekuencat që duhet t`I bartin shqiptarët e pafajshëm mu për arsye te lajmeve të tilla. Shqiptarët shpesh po hasin në vështërsi posa të tregojnë identitetin dhe përkatësinë kombëtare në gjetjen e punës, ata kanë fituar ndjenjën se posa të dihet identiteti i tyre trajtohen ndryshe edhe edhe nga organet administrative dhe gjygjësore. Shqiptarët nuk janë vetëm shkelës ligji, shumica mundohen të punojnë konformë normave vendore, megjithe vështërsive që kanë me gjuhë dhe fusha tjera. Pse i gjithë ky paragjykim i fryer edhe i përkrahur nga disa media?! Kështu e ka puna kur shqiptari është pa shtet, jetim dhe nuk ka kushë ti dalë në mbrojtje!

 

Është interesant edhe fakti, se edhe profesorë dhe figura tjera politike e deri te njerzit e rëndomtë mendojnë se shqiptarët kanë vetëm kanunin dhe se janë njerëz me mendime mesjetare, nuk dinë çka është kopjuteri e interneti. Për dallim nga vendet si Gjermania, Austria ku ka institute kërkimore që i njohin shqiptarët ashtu si janë, në Zvicër nuk ka asnjë institut që merret me kulturën, historinë e popullit shqiptarë. Dhe shtrohet pyetja si është e mundur që një vend me mjete te mjaftueshme financiare, që ka një numër shumë të madhë shqiptarësh që jetojnë në vendin e tyre, të mos kenë një institut shkencoro-hulumtues për popullin shqiptarë, e jo që të vlersohen shqiptarët në bazë të paragjykimeve dhe stereotipeve e deri me antipatit të tipit gazetaresk?!

 

IV. Shqiptarët e falenderojnë Zvicrën

 

Ska dyshim se shqiptarët dinë të falenderojnë dhe nderojnë popullin e Zvicrës për mundësin që iu janë dhënë atyre që të jetojnë dhe veprojnë në vendin e tyre. Natyrisht ata falenderohen poashtu për kontributin që po e japin zviceranët në kuadër të Misionin të OKB-së në Kosovë. Ska dyshim se organet e drejtësisë duhet t`i denojnë aktet kundërligjore, poashtu s’ka dyshim se edhe shqiptarët e ndershëm i denojnë dhe i gjykojnë aktet kriminele të bëra nga bashkkombasit e tyre, mirëpo është e pakuptueshme që pjesa dërmuese e tyre të dënohet dhe të vuaj pasojat e akteve kriminele që bëjnë disa shkelës ligji dhe vetëm pse fitohet përshtypja nga mediat se shqiptarët janë kërcënues të rendit piblik në Zvicër. Jo rrallë shqiptarët ofendohen duke i quajtur ata edhe si minjë të mëdhenj e deri te sharjet si Yugo etj.

 

V. Pasojat e paraqitjes së shqiptarit si krimbërës

 

Pasojat e paraqitjes së shqiptarit në media si kriminel ka ndikuar shumë negativisht në pozitën e shqiptarit në shoqërinë zvicerane. Me largimin e një numri të madhë azilkërkues shqiptarë në krye të toplistës së kriminelëve tani janë popujt tjerë. Ndërsa shqiptarët e ndiejn ende pasojat e servimeve bombastike të disa mediave zvicerane. Dhe këto pasoja janë si në kërkim të një vendi të punës, banese etj. Tani së fundi kur kanë filluar edhe përgatitjet zgjedhore për parlamentin e Zvicrës, partia e djathtë zvicerane, SVP, ka vënë në programin e saj "luftimin e mafisë brutale shqiptare", dhe këtu shtrohet pyetja a është e vërtetë gjithë kjo që propagandon Partia Popullore Zvicerane kundër shqiptarëve?! Ku është diplomacia shqiptare?!

 

(Z.A  shtator 2003)

• Mafia shqiptare bëhet temë e zgjedhjeve parlamentare zvicerane ( 15/09/03 )

Copyright©2000-2003 Trepca.net - Të gjitha të  drejtat e rezervuara.