OPINIONE

Reagim: Ikja e shpifësit në vrimë!

Bernë (ZVICËR), 18 shtator 20003 / Lulzim BERISHA

 

Nuk është për t'u habitur që Jahir Demaj, njeriu që e vetëshpallë veten si të zakonshëm ? duket që edhe vetë dyshon nëse është i zakonshëm -, e tërheq bishtin dhe ikë në vrimën e tij të mykur dhe e mbyllë polemikën nga ana e tij.

 

Qëllimi i të dy shkrimeve të tij nuk ka qenë të debatojë, por të vringëllojë thikën me kërcënime, që të gjithë ata që nuk janë të një mendimi me hiçin Jahir Demaj ta mbyllin gojën. Demaj e ka thënë shprehimisht një gjë të tillë në tekstin e tij të parë. Kjo është metodë totalitare, me të cilën ju dhe hiça të tjerë mund t?u bëni përshtypje vetëm analfabetëve që u rrrethojnë. Mua jo! Për mua jeni vetëm model i së keqës! Këtij konstatimi, siç do të thoshte shkrimtari Sabri Hamiti, nuk i bie moh!

 

Në mundimin tuaj më të ri tekstual, i cili ? sërish - vëlon nga gabimet gjuhësore, ju ikni nga problemet që kam prekur në tekstin tim sa i përket asaj që i thonë gazeta "Bota Sot". Dhe nga ia mbani? Me një metodë tashmë të zakonshme, ju futeni në një ngrehinë imagjinare të "viktimës", duke përmendur emra të respektuar të gazetarisë kosovare, të cilët janë vrarë.

 

Ju, Jahir Demaj, sërish aludoni, madje përpiqeni të krijoni përshtypjen se e dini ku dhe kush janë vrasësit e emrave që përmendni. Pse, atëherë, nuk shkoni në polici (në Kosovë) ose pse nuk dilni botërisht me informatat tuaja, por merreni me shpifje? Pse përgojoni? Tregoni emrat, urdhërdhënësit? Nëse nuk dini gjë, kërkoni falje për shpifje. Lehtë është të shpifësh. Dhe këtë sport, siç ua kam thënë edhe herën e kaluar, ju e zotëroni për mrekulli. Një mrekulli trishtuese!

 

Në tekstin tim, unë kam shkruar dhe ofruar të dhëna konkrete për figurat, të cilët punojnë në fabrikën e rrenave të quajtur "Bota Sot". Ju e futni kokën në zall. Në vend të debatit ju lavdëroni "madhështinë" e një gazete, në të cilën punon njeriu, i cili në vitet kur në Kosovë vriteshin djem e vajza të reja nga policia e Milosheviqit, ai bënte politikë në Komitetin Qendror të Serbisë.

 

Ju sigurisht jeni lexues i pasionuar i rrenave të tij, mbase mund ta keni edhe idhull. Këtë nuk ua ndalojë unë, mund të vazhdoni të ekzaltoheni. Fundja, mendimin tuaj mbi nivelin e gazetarisë ju e keni krijuar duke lexuar "Botën Sot" ? për juve ajo është fillimi dhe fundi i gazetarisë. Diçka tjetër nuk njihni, përveç ndonjë citati nga ndonjë roman socrealist. Për më tepër "Bota Sot" prodhohet vetëm e vetëm për të kënaqur instiktet e ulëta, primitive të hiçave të nivelit tuaj.

 

Edhe një rrenë tjetër ka dalur nga koka juaj boshe: asnjë injorant nuk e ka paditur "Botën Sot" te gjyqësia zvicerane, por vetë autoritetet e kanë parë nevojën të ngrisin aktakuzë. Për juve ndoshta juristët zviceranë qenkan injorantë, dorë e zgjatur e Beogradit.

 

Nëse e dini kush e ka paditur, pse nuk e thuani? Pse rreni? Shihet se ju nuk jeni vetëm lexues, por edhe militant i një ideologjie pro fletushkës "Bota Sot". Ndryshe do ta vërenit se në redaksinë e kësaj gazete përveç sherbëtorëve të dikurshëm të Milosheviqit ka edhe shkarravitës, të cilët në mënyrë notorike merren me plagjiaturë, dmth. me vjedhje të shkrimeve të autorëve të tjerë.

 

Ju nuk keni pse të befasoheni, që kur e fyeni dikë, përgjigjja mund t'ju kthehet në mënyrën meritore ? jo me fyrje, por me konstatime të qarta mbi shkretëtirën tuaj mendore. Nuk është problem imi, që juve kjo ju dhemb. Dhe këtu nuk ju ndihmon as arratisja në citate dhe as në proverbe kinse popullore.

 

Megjithatë, ju mund të vazhdoni të llomotitni. Seriozisht nuk do t'ju marrë askush, aq më tepër unë, që nuk pranoj për jetë të jetëve të bëhem militant i ndonjë partie, grupacioni, ideologjie. Për dallim nga ju, emblemë e përbaltosur e mjerimit!  FUND

Copyright©2000-2003 Trepca.net - Të gjitha të  drejtat e rezervuara.