Kryetari i KK të Mitrovicës, Faruk Spahija ka shprehur paknaqësinë e tij për strukturën e tanishme të të punësuarve në Burgun e Qarkut në pjesën veriore të qytetit

Mitrovicë, 18 shtator 2003 / Nga: Hysni  SYLA ( Zyrtar për informim i KK ) 

 

Kryetari i Kuvendit të Komunës, Faruk Spahija, ka vizituar Burgun e Qarkut në pjesën veriore të qytetit, me ç’rast ka biseduar me udhëheqëjen e këtij institucioni për mundësinë e inkuadrimit të ish punëtorëve  shqiptarë të këtij burgu, të cilët aktualisht janë të papunë ose që punojnë nëpër qendrat tjera korrektuese të vendit.

 

Kryetari Spahija ka kërkuar nga udhëheqja e burgut që të bëjë ndonjë zgjidhje të mundshme për ish punëtorët e këtij institucioni të cilët aktualisht nuk punojnë dhe për ata që punonjnë nëpër qendrat tjera të këtilla, të cilët bëjnë shpenzime të papërballueshme, në kohën kur Burgu i Qarkut, sipas standardeve ndërkombëtare,  ka nevojë për kompletimin e stafit.

 

Përveq kësaj, kryetari Spahija ka shprehur paknaqësinë e tij për strukturën e tanishme të të punësuarve në këtë institucion, si për stafin administrativ, ashtu edhe për stafin  tjetër.

 

Biseda ka rezultuar me arritjen e pajtimit se është i nevojshëm një koordinim i plotë për të filluar rekrutimi i ish punëtorëve  të burgut për stafin e nevojshëm.

 

Kryetari i Kuvendit të Komunës, Faruk Spahija, si kontribut për të lehtësuar këtë process, ka marrë përsipër që komuna të sigurojë transportin për punëtorët që do inkuadrohen.

Copyright©2000-2003 Trepca.net - Të gjitha të  drejtat e rezervuara.