OPINIONE

Mjegulla në kokën e shpifësit Jahir Demaj!

Bernë (ZVICËR)16 shtator 2003 / Shkruan: Lulzim BERISHA

 

Kur kam shkruar për publicistët paramilitarë, të cilët vërtiten nëpër kthinat e mykura të Zvicrës, e kam pasur mendjen pikërisht te lloji i Jahir Demajt. Duke qenë tërësisht të paditur, ata janë të shkathtë vetëm të fyejnë. Pa asnjë informatë, pa asnjë përgatitje Jahir Demaj tregon zell të pashoq të shkarravis dhe të shpif, të fyejë ne stilin “shkrimi i këtij far Lulzimit”. Unë nuk po ju them juve as njëfarë, as kurrfarë ? nga teksti shihet se jeni një hiç, një militant i rrenave, viktimë e ideologjisë.

 

Figura juaj e mjerueshme është për keqardhje. Meqë ju vetë, në sikletin tuaj të madh për të sharë, keni llomotitur për nivelin e shkrimit tim, më duhet të them se juve ju mungon kultura elementare e shkrimit, mos të flasim këtu për gabimet e njëpasnjëshme gjuhësore, gramatikore. Mësoni shqip! Edhe pse e kam të qartë se mjegulla, që ua ka zbehur mendjen tuaj, nuk mund të thithë më asgjë të shëndoshë. Është e drejtë e juaja, Jahir Demaj, të lexoni çka të doni. Por, mos mendoni se me budallallëqe mund t’i bindni të tjerët se një gazetë si “Bota Sot” na qenkësh fjala e fundit e gazetarisë shqiptare.

 

Unë kam konstatuar se kjo fletushkë është fabrikë për prodhimin e rrenave. Asgjë më shumë. Të tjerat, që ju m?i mveshni mua në tekst, janë zbulime tuajat, të cilat mund t’i bëjë vetëm një megaloman analfabet. Siç jeni ju! Se “Bota Sot” është uzinë rrenash, kjo dihet botërisht. Edhe me sy të mbyllur mund ta vëreni se për shkak të shpifjeve kjo ?gazetë? është gjobitur pandërprerë nga institucionet ndërkombëtare në Kosovë. Nuk besojë se ju do t?i barazoni ato me regjimin e Milosheviqit.

 

Duke paguar gjobat e merituara ?Bota Sot? ka pranuar edhe vetë se është shpifëse. Po të kishit vetëm një copëz dinjitet dhe guxim njerëzor, ju do ta pranonit se “gazeta” në fjalë është një qerdhe e disa sherbëtorëve të devotshëm të Serbisë. Në redaksinë e “Botës Sot” gjenden “gazetarë”, që kanë bërë karrierë në Komitetin Qendror të Serbisë, shkarravitës të tjerë, që janë marrë me denoncime të kolegëve në policinë serbe, kalemxhinj, të cilët shpifin nga tavolina e gjelbërt dhe shkrimet nuk i bazojnë në fakte.

 

Ka edhe paramilitarë të tjerë, të cilët falsifikojnë intervista, siç është një “gazetar” në Gjenevë, të cilit për arsye higjienike nuk dua t’ia përmend as emrin duhmërëndë! Dhe meqë ju jetoni në Uster, Jahir Demaj, besoj se ndonjëherë në jetën tuaj keni dalur nga vrima e mykur dhe e keni marrë vesh se “gazeta” juaj e preferuar ç’prej vitesh është në shenjestër të gjyqësisë zvicerane, se ndaj saj janë inicuar procedura penale. Athua edhe juristët zviceranë janë me Milosheviqin? Nuk do të më befasonte sikur mendjelehtësia juaj të pohonte diçka të tillë. Kaq për “Botën Sot” dhe zbehjen tuaj mendore. Pa asnjë informatë ju shpifni pa turp dhe përpiqeni të më denonconi si adhurues të kësaj apo asaj partie.

 

Me këtë perfideitet ju nuk mund të arrini asgjë, sepse asnjëra nga partitë ekzistuese në Kosovë nuk e meriton votën time dhe të rreth 40 për qind të votuesve kosovarë, të cilët në zgjedhjet e fundit preferuan të heshtin dhe të mos marrin pjesë në këtë lojë të rrejshme demokratike. Në shkarravinën tuaj ju nuk e fshehni gëzimin bizar për paditjen e shqiptarëve nga Tribunali i Hagës.

 

Kjo më së miri shpjegon sa shpirtngushtë jeni, sa i paditur, sa qesharak. Në tekstin tim nuk kam paragjykuar mbi fajësinë apo pafajësinë e asnjë të akuzuari dhe atyre që do të akuzohen së shpejti nga Haga. As nuk e kam fjalën për atë se duhet të ketë njerëz të paprekshëm. Çështja është vetëm te mënyra se si paramilitarët e penës ngrejnë kokë në opinion dhe bëjnë zhurmë me vokabular të helmuar.

 

Ju, Jahir Demaj, e shikoni politikën si terren të inateve personale, si fushë për larjen e hesapeve. Për fat të mirë janë disa figura në LDK, të cilat nuk kanë rënë pre e ideologjisë tuaj dhe të ?Botës Sot? se të gjithë ata që s?janë militanë të tipit të Jahir Demajt duhet ose të shkojnë në Hagë ose “ edhe më mirë “ sikur të ishin vrarë në luftë. Kjo është metoda juaj makabre e “argumentimit”. Ju, Jahir Demaj, jeni i mjerë, sepse jeni model i të keqës! Në vend të hulumtimit të së vërtetës ju notoni nëpër moçalin e teorive të komplotit. Ju, në fakt, nuk keni mundësi tjetër, sepse s?jeni as gazetar, as publicist, por vetëm një gënjeshtar i ushtruar.

 

FUND

Copyright©2000-2003 Trepca.net - Të gjitha të  drejtat e rezervuara.