OPINIONE

Hoxhatët dhe Kapot pushtojnë Misionin e Shqipërisë në OKB dhe ngalasen me rroga të majme

16 gusht 2003 / Marrë nga gazeta “Shkodra”

 

Tashmë të gjithë shqiptarët e dijnë se Kryetar i Misionit të Shqipërisë në OKB është Agim Nesho, biri i ish-sekretarit të parë në KQPPSH Gaqo Nesho dhe nipi i Hysni Kapos, mbi kurrizin e së cilit rendojnë me mijëra vrasje të bëra kundër vellezërve tanë në Kosovë gjatë vitit 1945 ku u vranë nga Brigada e kryesuar nga Ramiz Alia (Komisar Politik), Kryekrimineli Shefqet Peçi etj.

 

Por, të paktën janë ata shqiptarë që e dinë se kush është Sekretaria e parë e këtij misioni në Neë York. Ajo është zonjusha Besiana Kadare, e bija e shkritarit të “famshëm” të librit romano-biografik “Dimri i madh” alias “Dimri i vetmisë së madhe” apo i poezisë “familjare” “Ku ti kërkoj rrëniët e tua o Parti” (një him për dikatorin Enver Hoxha dhe partinë e tij të kuqe me ideologji fashiste). E thënë drejtpërdrejtë ose më shkoqur dhe shqeto: klani Hoxha dhe Kapo përsëri po bëjnë politikën e Shqipërisë në OKB!

 

Ndonëse shkrimtari i njohur betohet dhe stërbetohet në gazetat e majta në Shqipëri (“Shekulli”, “Koha e jonë”, “Korrieri”, revista “Klan” etj.), Kosovë (Koha ditore”, “Zeri” etj., ) e ShBA (“Illyria”) çdo ditë për disidencën e tij ndaj diktatorit (Enver Hoxha) kur nuk ka hedh poshtë asnjë varg poetik apo rresht romantik shkruar në librat e tij me theks politik.

 

Por askush nuk mund ta ha më “sapunin për djath”, qe përpiqet të ofrojë Kadareja, që pretendon për të marrë çmimin “Nobel” në Letërsi (kujton se janë aq naiv letrarët botërorë sa të mos e njohin skllavërinë që ai i ka bërë popullit të tij përmes librave përves si hym për diktatorin e regjimin fashist) i njohin dhëmbët e dhëmballët baballarët e letërsisë botërore në Evropë e Botë. Pse nuk botohen shkrimet e prof.dr. Kapllan Resullit, që i bën një anatomi të plotë se kush është Kadareja dhe se si e futi atë në burg...

 

Ismail Kadare nxjerrë jarga nga goja kur thotë para kamerave e gazetarëve komunistë në Shqipëri, se është kundër rregjimit dhe se ai ishte vetë i “përsekutuar”!? Ai natën lutet për shpirtin e Enver Hoxhës dhe mëkëmbësit të tij pas vdekjes Fatos Nanos që po e “lë partinë të pastër nga revizionistët dhe kapitalistët e egër amerikanë e evropianë!!!”.

 

Për të qenë në rregull me amerikanët, qeveria shqiptare u ka dërguar atje për t’i survejuar dhe përforcuar edhe ish përkthyesen e gazetës “Albania” dhe më pas ish Ministrin e përfolur të Brendshëm të Rendit socialkomunistin e thekur Ilir Gjonin (djali i Xhelil Gjonit), kunati i Hysni Kapos. Pra Misioni shqiptar pranë OKB - së është pushtuar plotësisht nga Hoxharët dhe Kapollarët.

 

 

O Zot shpëtoje OKB-në nga kjo lukuni shqiptare!

 

Që enveristët e deklaruar dhe të papenduar, kanë kohë që kanë okupuar të gjitha memurllëqet diplomatike etj., kjo njihet, por të habitë “urtësia dhe modestia” e Ismail Kadaresë, që bën sikur nuk donte poste politike, pas edhe çmim-shpërblimeve të majme që mori!

 

Kjo po na kujton një mesele të hershme. Në vitin 1912, në qeverinë e Vlorës u paraqit një plak me mjekër, i quajtur Xhelip Effendia, që kërkonte një memurllëk se ishte “vatani i vjetër”. Patrioti Ceno Sharra, i thotë: “A nuk të vjen turp të kërkosh memurllëk në këtë versë që je?” dhe ai i përgjigjet: “E po atëherë mua më nxirrni tekahut (në pension, në gjuhën turke) dhe më paguani, ndërsa dy djemtë e mi mi bëni memurë (zyrtarë, turq.), se vallahi më ka rënë leshi i kres për Arnautstanin!”

 

Duke e parë këtë komedi teatrale, Cenos i mbeti t’u thoshte të pranishmëve: “Kam frikë se këta hajdutë që i ka përzënë Turqia e re, do të na e prishin Shqipërinë”. Më ngjan se kjo i afrohet disi...

 

Sa për ta konkretizuar njëçikë, sa sipërthamë dhe sa për pak rifreskim kujtese, po citojmë diçka nga shkrimet e Ismail Kadaresë në fund të vitit 1989, d.m.th jo fort larg nga “disidenca” e 1990.

 

Citoj: “Kam pasur fatin ta takoj disa herë shokun Enver... I pashlyer më ka mbetur në kujtesë takimi me të në vitin 1971, në shtëpinë e tij. Në një ditë Marsi, bashkë me tim shoqe (Helena Kadare) dhe vajzën e vogël Besiana u ndodhëm atje për vizitë. Na priti shoqja Nexhmije me vajzën... Ishim duke biseduar gjallërisht, kur u hap një nga dyert dhe u duk shoku Enver: - Të vij edhe unë? S’besoj se ju prish muhabetin... Na pyeti me radhë për shëndetin, e mori në prehër vajzën tonë 6 vjeçare dhe i tha, duke përdorur një fjalë të vjetër gjirokastritçe: - “Ngalasem ti, të të ngalas edhe unë. (përqafomë, gicilomë ti të të përqafoj edhe unë)...”.

 

(Citat sipas librit: “Kujtime për Enverin”, bot. 1988, fq. 368-369).

 

Ja pra, nëqoftëse dikur Ismail kadare merrte para në dorë si punë çmimesh letraro - politike nga PD-ja, PS-ja e prof.dr. Fatos Thanas Nano i ngalas si shpërblim me një memurllëk edhe Besianën, si “disidente”...

 

Dhe jo vetëm kaq, por ngalas me memurllëqe dipllomatike e me rroga të majme edhe “disidentët”, si Neshollarët, Kadërllarët, Hoxhatët, Shehlerët, Kapollarët, Zejnel’llarët, Xhelip effendi Gjonët “dhëndurë labërie” etj., që u ka rënë jo vetëm leshi i kres, po se po për Dhimokraci, por edhe ai i sqetullave... E po kot nuk ka thënë ati i tyne shpirnor Enveri: “Ngalasem ti, të të ngalas edhe unë!”.

 

Por, çudia më e madhe për ne është se ç’do ShBA-ja që i ngalas e i nduk (zhgulë) këta të ngalasur të zgërlaqur të kryefashistit kriminel Enver Hoxha, që për më tepër janë bërë milionera me pasuritë, pronat e paratë që ia kanë vjedhur qytetarëve shqiptarë!?

 

PS-ja në pushtet asnjëherë tash 13 vjet nuk është distancuar nga sistemi komunist që sundoi me hu dhe litar në Shqipëri, por përkundrazi në kohën e zezë të grefonit Paskal Milo e ka rehabilituar, kriminelin E. Hoxha duke e vendosur ose përdhosur edhe më tej të ashtëquajturen Ministrin e Jashte të Shqipërisë që më shumë ngjason se është jashtëqitja e Shqipërisë... Por u desht greva e vendosur e Shoqatës së Ish- të Përndjekurve Politikë të Shqipërisë që erdhën nga të gjithët anët e vendit për të kundërshtuar këtë dhunën e re që i bëri popiullit shqiptar ditën për diell filogreku Paskal Paskallaq Millos...

Copyright©2000-2003 Trepca.net - Të gjitha të  drejtat e rezervuara.