Reagim i Shoqatës “Bashkimi për Kuvendin Gjithshqiptar” me seli në Tiranë për deklaratat e unionit Serbi – Mali i Zi

Projekt – kushtetuta e re e Unionit Serbi – mali i zi ËshtË shpallja e ligjit  te luftËs nga ana e serbisË me kombin shqiptar

Tiranë, 14 gusht 2003

 

U bëjmë thirrje shqiptarëve kudo që janë të dëshmojmë përgjegjshmëri të larte kombëtare, të bashkohemi e të mbrojmë me dinjitet trojet shqiptare nga agresioni serb. Diplomacia, të gjithë faktorët politik e jopolitik dhe të gjithë intelektualët shqiptar duhet të jenë aktive dhe me pranë botës demokratike  për t’i thënë ndal rrezikut të destabilizimit të rajonit nga qëndrimet e nacionalizmave ekstreme.

 

Deklarata e Unionit Serbi – Mali i Zi që përfshin Kosovën në preambulen e kushtetutës së re si pjesë të unionit Serbi – Mali i Zi është në fakt shpallja e ligjit të luftës nga ana e Serbisë për gjithë kombin shqiptar.

 

Kjo deklaratë është sfidë e hapur dhe provokacion i rëndë që i behet stabilitetit të rajonit të Ballkanit dhe më gjërë. Me anë të kësaj deklarate Serbia dëshmon edhe një herë që është faktor destabiliteti në rajon dhe se atje, në linjë shteterore, në mënyrë sistematike, promovohet nacionalizmi primitiv.

 

Sfida e hapur që i bëhet NATO-s për luftën e drejtë që bëri për shpëtimin  e popullit të Kosovës nga barbaria dhe genocidi serb dhe sfida që u bëhet vendimeve të institucioneve ndërkombëtare nga ana e Serbisë e bëjnë urgjente njohjen nga komuniteti ndërkombëtar të Pavarësisë së Kosovës.

 

Pavarësia e Kosovës do kete ndikim të menjëhershëm dhe të rëndësishëm në stabilitetin e rajonit dhe do të mundësojë kthimin e të shpërngulurve në Kosovë e njëkohësisht një jetesë në paqe dhe harmoni të të gjitha etnive.

 

Tiranë 14 Gusht 2003.

 

Për shoqatën  “Bashkimi për Kuvendin Gjithshqiptar”

 

Kryetari:  Prof. As.Dr. Ibrahim Milushi

Copyright©2000-2003 Trepca.net - Të gjitha të  drejtat e rezervuara.