OPINIONE

Reagim ndaj emisionit dokumentar "Norvegjija parajsa dhe ferri" të RadioTelevizionit 21, transmentuar më 29 korrik 2003

Norvegji, 30 korrik 2003 / Nga: Jeton BALAJ     Të nderuar bashkëkombës,  jam një bashkatdhetar i juaji që banoj që 9 vite në Norvegji. Në pesë vitet e fundit punoj pranë vendpranimeve shtetërore të azilkërkuesëve të ashtuquajtura SANA të cilat udhëhiqen dhe financohen nga Departamenti për të huajt i Norvegjisë UDI.    Mbrëmë me datën 29.07.03 pashë një program të quajtur ZOOM në RTV21, i cili ishte i titulluar "Norvegjija parajsa dhe ferri". Ky emision kishte të bënte me azilëkërkuesit kosovarë që kohëve të fundit kanë marrë rrugët e gurbetit për të kërkuar një jetë më të mirë, thjeshtë për të realizuar sadopak ëndërrat e secilit prej tyre për një jetë më të mirë. Në këtë rast në fokus të kamerave të RTV21 ishte shteti skandinav i Norvegjisë, gjendja e azilkërkuesëve atje dhe mundësitë e tyre për të marrë leje qëndrimi.

    

Më të vertëtë shumica nga ato që u thanë në atë program janë të vërteta sado që e hidhur të na duket kjo e vertetë. Por, ajo që më quditë mës së shumti ishte që RTV21 nuk tregoi para opinionit dhe shiquesve të saj se nga kush ishte financuar apo thënë më mirë sponzorizuar që të bëjë këtë program.

 

Para disa ditësh në televizionin shteteror norvegjez u publikua lajmi se Ministrija dhe departamenti i Drejtësisë do të shprendajnë mjete materiale disa radiotelevizioneve të vendeve të ndryshme të evropës juglindore e posaqërisht të vendeve ballkanike që të bëjnë programe të cilat do ti frikësonin azilkërkuesit potencial të këtyre vendeve që të mos marrin rugën e azil kërkimit, rrugë e cila vetëm do të ju sillte humbje kohe, zhgënjim dhe humbje financiare, pasi që ata do të marrin refuzime shumë shpejtë në kërkesat e tyre për leje qëndrim.

 

Më vie shumë keq që RTV21 brengoset shumë për Norvegjinë, për azil kërkuesit potencial që mund ti vinin këtij shteti për të kërkuar azil por ajo (RTV21), harron me dashje apo pa dashje se ky shtet human dhe mikëpritës Norvegjia kohëve të fundit është duke bërë një politikë shumë pro serbe e cila politikë është shumë e brengosur për fatin e minoritetit serb në Kosovë si dhe është duke bërë trysni të heshtur ndaj shqiptarëve të Kosovës që të kërkojnë dokumente të udhëtimit nga ambasada e krijesës së re meteorite "Serbi e Malë i zi".

 

Pasi që kam pasë fatin të punoj dhe të jem udhëheqës i këtyre vendpranime shtetërore pak a shumë njoh deri diku ligjin rreth procedurës së azil kërkimit, si dhe të dokumenteve të lëshimit për ata të cilë veq e kanë të rregulluar statusin e tyre në këtë shtet.

 

Është brengosëse që një numër i shqiptarëve në Norvegji kohëve të fundit ka filluar të marrë pasaporta serbe, e për këtë duket që askush nga institucionet Kosovare spo e qanë kokën fare, e në këtë rast as RTV21 i cili as që e hapi këtë temë me bashkëbiseduesen e tyre zonjën "ministreshë e hekurt" siq e quajnë kohëve të fundit ministreshën Erna Solberg. Në rregull ata (RTV 21) ishin të paguar për diq tjetër nga Norvegjija dhe kuptohet kërkohej sigurisht llogari prej tyre.

 

Përshëndetje vëllazërore !

Jeton Balaj

Copyright©2000-2003 Trepca.net - Të gjitha të  drejtat e rezervuara.