Libri, i treti panair i Ulqinit

Tiranë, 29 korrik 2003 / Çerçiz Loloçi   Kur kanë mbetur dhe se pak ditë nga dita e çeljes së Panairit të Parë të Librit në Ulqin, organizatorët, Lidhja e Botuesve Shqiptarë dhe Bashkia  i Ulqinit, me mbeshtetjen e Ministrise për  Mbrojtjen e të Drejtave të Nacionaliteteve dhe Grupeve Etnie në Qeverinë e Malit të Zi, i kanë  bërë të gjitha përgatitjet për realizimin me sukses të tij.    Ceremonia e çeljes së Panairit është vendosur ditën e diele, datë 3  gusht 2003, në orën 21.00, në vendin e organizimit të Panairit, në parkun pranë lokalit të njohur Hollegro, te Plazhi i Vogël.

  

Organizatorë të Panairit janë: Lidhja e Botuesve Shqiptarë dhe Bashkia  e Qytetit të Ulqinit. Kjo veprimtari zhvillohet nën kujdesin e z. Gëzim Hajdinaga, ministër për  Mbrojtjen e të Drejtave të Nacionaliteteve dhe Grupeve Etnie në Qeverinë e Malit të Zi.

 

Ky është i treti Panair Libri që zhvillohet në qytetin e Ulqinit me përmasa të tilla gjithëshqiptare dhe është vendosur të zhvillohet tradicionalisht çdo vit, në të njëjtën periudhë, për të shfrytëzuar fluksin e madh të pushuesve që pushtojnë qytetin në stinën e verës, duke e gërshetuar kështu punën ekspozuese dhe propaganduese të botimeve me elementët e zhvillimit të turizmit. Ne kete panair do te ekspozojne botimet e tyre mbi 40 botues, me te njohurit e botes shqiptare, nga Shqiperia, Kosova dhe Mali i Zi.  

 

Në ceremoninë e çeljes së Panairit dhe gjatë ditëve të panairit do të jenë të pranishëm një numër mjaft i madh personalitetesh nga fusha e krijimtarisë, kulturës, politikës dhe administratës nga Shqipëria dhe Mali i Zi. Përmendim poetin Dritëro Agolli, i cili do te jete dhe i ftuari i nderit ne ditet e Kalimeros Poetike, qe do te organizohet nga Art-Klubi  ne Kalane e Ulqinit ne datat 4 dhe 5 gusht 2003. 

 

Për vizitorët do të ekspozohen mbi 5000 tituj librash, nga te cilet  rreth 700 te rinj.  Numri i vizitorëve të parashikuar gjatë 5 ditëve të panairit është mbi 10.000 vetë, banorë të Ulqinit, zonave shqiptare përreth, si dhe pushues të shumtë të ardhur kryesisht nga Kosova, Maqedonia, Shqipëria e diaspora. Gjatë ditëve të Panairit do të zhvillohen edhe shumë veprimtari që kanë lidhje me librin: takime me shkrimtarët e ftuar, paraqitje të librave  të reja, konferenca shtypi të organizatorëve dhe botuesve etj.

 

 

Lista e botuesve pjesëmarrës në Panairin e Ulqinit është si më poshtë:

 

Adrion Ltd Tiranë, Afërdita Tiranë, AQTLASH   Tiranë, Akademia e Shkencave  Tiranë, Arbri Tiranë, Argeta LMG Tiranë, Art Club Ulqin, Camaj – Pipa Shkodër, Dudaj Tiranë, Dukagjini Kosovë, Dulcignopress Ulqin, Gjon Buzuku Ulqin, Faik Konica Prishtinë, Fan Noli Tiranë, Globus-R Tiranë, Horizont Tirane, Iliria Tiranë, Ilyricum Tuz, Instituti Albanologjik Prishtinë, Libraria Universitare Prishtinë, Libraria Universitare Tiranë, Libri Shkollor Prishtinë, Libraria e Qytetit të Studentit Tiranë, Libri Universitar Tiranë, Lidhja e Botuesve Shqiptarë, Lisitan Lezhë, Logoreci Tiranë, MÇM Çabej Tiranë, Naim Frashëri Tiranë, Neraida Tiranë, Ombra GVG, Omsca Tiranë, Onufri Tiranë, Panteon Tiranë, Rilindja Prishtinë, Sejko Elbasan, Shtëpia e Librit dhe e Komunikimit Tiranë, Toena Tiranë, Uegen Tiranë, Universi i Librit Tiranë.

Copyright©2000-2003 Trepca.net - Të gjitha të  drejtat e rezervuara.