Shi dhe breshër e copa akulli përfshinë komunën e Podujevës

- Mirvete Fazliu (1973) nga Perani si dhe disa të rinjë të lënduar dhe të traumatizuar të lajmëruar në shtëpinë e shëndetit.

 

Podujevë, 25 korrik 2003 / ora: 21.00 / (TN)  - Shirat e përcjellura me breshër dhe copa akulli kanë shkatërruar shumë shtëpi duke thyer xhama të banesave e shtëpive në qytet dhe fshatra, pastaj xhama veturash të shumta si dhe ka çrregulluar furnizimin e qytetarëve me rrymë elektrike dhe ujë të pijshëm. Qyteti i Podujevës për dy orë ka qenë totalisht i bllokuar nga shiu dhe breshëri, megjithëse rreth orës 19.00 gjendja ka filluar të stabilizohet.

 

Menjëherë është mbledhur Komiteti i krizës nga SHPK-ja, TMK-ja, Brigada e Zjarrfikësve, Drejtoria e emergjencës i kryesuar nga kryetari i komunës Agim Veliu.

 

Komunën e Podujevës për të identifikuar dëmet e shkaktuara dhe për t’iu dalë në ndihmë qytetarëve që kanë pësuar nga ky mot i lig.

 

Shiu dhe breshëri ka përfshirë fshatrat veriore të rajonit të Pollatës, Kërpimehut, Metehisë, Bajçinë, Bradash, Obrançë, Peran, qytetin e Podujevës, fshatrat e rajonit të Sfeçlës e deri në Bellopojë.

 

Përgjegjësit e njësisë së KEK-ut  kanë shkyqur rrymën për ti ikur rrezikut të mundshëm.

 

Nga pasojat e motit të lig, sipas Shemdi Nishefcit kryepunëtor në këtë njësi janë dëmtuar shumë përçues të rrymës elektrike dhe shtylla që janë rrëzuar sidomos tek Tjegullorja, tek Tabet e Llapashticës, tek Motel “Besiana”. Pastaj në fshtarat Sfeçël, Sekiraçë, Gllamnik, Llapashticë, Dobërdol, etj. Një numër i këtyre shtyllave kanë rënë edhe në shtëpitë e banueshme të cilat janë dëmtuar. Përgjegjësit e KEK-ut në Podujevë kanë premtuar se do të evitojnë dëmet në rrejtin elektrik por vetëm në qytetin e Podujevës, por jo edhe në fshatra ku ende nuk janë identifikuar dëmet.

 

Para orës 20.00 nga fshati Batllavë Komiteti i krizës është njoftuar se gjendja është alarmante dhe se në rrezik janë edhe banorët e asaj ane nga vërshimet që u shkaktuan nga moti i lig. Lagja e ashkalive e fshatit Batllavë ka kërkura ndihmë nga Komiteti i krizës dhe sipas Rafet Dervishollit, anëtar i Komitetit të Krizës nga SHPK-ja deklaroi se ndihma u është dërguar drejtëpërdejt nga ky komitet. Këto familje janë evakuar nga shtëpitë e tyre, njoftoi Bajram Gashi.

 

Moti i lig me breshër ka dëmtuar shumë të lashta në rajonet e përfshira, mirëpo dëmet sonte nuk mund të vlerësohen edhe pse ato llogariten të jenë shumë të mëdha.

 

Nga Shtëpia e shëndetit në Podujevë njoftohemi se janë paraqitur disa raste nga lëndimet por edhe traumat. Nga mjeku kujdestar Arsim Ajeti njoftohet se ka pasur raste të lëndimeve të shkaktuara nga breshëri dhe copat e akullit. Lëndime kanë shkaktuar edhe thyerja e xhamave nëpër shtëpi dhe rënia e tjegullave.

 

Në fshatin Peran është goditur një e re nga rrufeja e cila pas ndihmës së parë në Shtëpinë e shëndetit në Podujevës është dërguar në Qendrën Emergjente në Prishtinë. Në shtëpinë e shëndetit të Podujevës janë paraqitur edhe disa raste të shqetësimeve psiqike të të rinjëve nga frika e rrufesë dhe e copave të akullit, tha ai.

 

Komitetit të krizës vazhdimisht po i lajmërohen qytetarët që kanë pësuar nga këto të reshura në telefonin e hapur 570-130 dhe 570-621. Shqetësimet e tyre po i paraqesin edhe qytetarët llapjanë nga bota e jashtme që vazhdimisht po lajmërohen në telefon për tu njoftuar me gjendjen. Drejtoria për Mbrojtje Civile dhe Emergjencë ka kyqur të gjithë punëtorët që po përcjellin gjendjen në terren, njoftoi kryetari i komunës Agim Veliu.

 

Rreth 200 qytetarë janë paraqitur për të kërkuar ndihmë nga organet komunale, SHPK-ja, etj.

 

Vargu i qytetarëve që po kërkojnë ndihmë është i gjatë edhe tash kur po lajmërohemi.

 

Komiteti i krizës i udhëhequr nga Kryetari Veliu janë mbledhur dhe po shqyrtojnë situatën dhe po ndërmarrin veprimet e nevojshme për ti ndihmuar qytetarët. Podujeva dhe fshatrat ende mbeten pa rrymë.

 

Pleq të shumtë dhe njerëz të moshura nuk mbajnë mend një mot të tillë të lig.

Copyright©2000-2003 Trepca.net - Të gjitha të  drejtat e rezervuara.