Hipertensioni mes të moshuarve; Paisje e re për pompimin e gjakut në zemër; Mbipesha trupore mes fëmijëve

15 korrik 2003 /  “Zëri i Amerikës”

 

Hipertension është shkaktar kryesor i sëmundjeve të zemrës. Studimet në shkallë vendi gjatë dekadave të fundit kanë treguar se raste e presionit të lartë të gjakut po pakësohen, por një studim i ri thotë se kjo prirje po ndërpritet madje mes disa grupeve të popullsisë rastet e presionit të lartë të gjakut po shtohen. 71 vjeçarja Doris Grifin merr çdo ditë ilaçe për të mbajtur nën kontroll presionin e gjakut. Ajo vuan nga presioni i lart. Para se të fillonte kurën me ilaçe ajo kishte dhimbje të forta koke. Simptomat e presionit të lartë të gjakut ndryshojnë nga një njeri tek tjetri, por të moshuarit si Doris Grifin janë në rrezik më të madh. Sipas një studimi të kohëve të fundit janë shtuar prirjet për shtimin e rasteve të presionit të lartë të gjakut mes të moshuarave, veçanërisht zezakë dhe mes grave të moshuara në përgjithësi.

  

Doktor Ihab Haxhar dhe kolegët e tij pranë universitetit të Karolinës së Jugut dhe të kolegjit mjekësor të Wiskonsinit, analizuan të dhënat e studimeve të kryera gjatë viteve 1999-2000. Ata vunë re se nga 5400 të rritur të përfshirë në studim, 30 përqind e tyre vuanin nga presioni i lartë. Kjo shifër është afro 4 përqind më shumë se 10 vjet më parë.

 

Rreth 70 përqind e atyre që vuanin nga presioni i lartë i gjakut ishin në dijeni të gjendjes së tyre, dhe 60 përqind merrnin ilaçe dhe vetëm 30 përqind e tyre e mbanin presionin e gjakut nën kontroll. Kjo shifër shikohet nga ekspertët si përparim, krahasuar me vitet 1960 dhe fillimin i viteve 1970, kur sipas doktor Haxharit, rastet e përmirësimit viheshin re vetëm mes 10 përqind të atyre që merrnin ilaçe.

 

Hapi i parë drejt përmirësimit, thotë doktor Haxhari, është kërkimi i ndihmës së mjekut. Duke shkuar tek mjeku, duke matur tension, si dhe duke përdorur dieta të përshatëshme ushqimore, ushtrime fizike dhe në se është e nevojëshme ilaçe. Në këtë mënyrë presioni i gjakut mund të mbahet në shkallën normale.

 

 

Paisje e re për pompimin e gjakut në zemës

 

Një spital në Teksas kujdeset për pacientët e sëmurë rëndë nga zemra duke i pajisur ata me një paisje artificiale për pompimin e gjakut. Richard Brown është një prej pacientëve të parë që del nga spitali me një pompë artificiale në zemër. Ai është në pritje të transplantimit të zemrës dhe deri sa t’i vijë radha do të presë në shtëpi.

 

Tani për tani paisja përdoret vetëm për pacientë të tillë që presin për transplantim. Por mjekët thonë se paisja i ka të gjitha mundësitë për t’u instaluar përgjithmonë në organizëm duke shmangur në ndonjë rast nevojën e transplantimit të zemrës.

 

 

Shtohen rastet e mbipeshës trupore mes fëmijëve

 

Një studim i kohëve të fundit tregon se kërkimet në fushën e mbipeshës trupore gjatë periudhës së fëmijërisë është një sferat me fonde të pamjaftueshme për punën e shkencëtarëve. Por një spital në Okland të Kalifornisë të Kalifornisë po përpiqet ta ndryshojë këtë prirje ndërkohë që rastet e mbipeshës trupore mes fëmijëve po bëhen gjithnjë e më të shumta. Ky spital ka në plan të hapë një qëndër për parandalimin e mbipeshës tek fëmijët.

 

Afro 40 përqind e fëmijëve të shtruar në spitalin e Oklandit gjatë vitit të kaluar kishin një peshë mbi atë normalen. Në shkallë kombëtare, mbipesha trupore është në rritje, ashtu si edhe komplikacionet që rrjedhin prej saj. Por a është mbipesha një trashëgim gjenetik? Shkencëtarët po kryejnë studime të ndryshme për të kuptuar lidhjet midis faktorëve gjenetikë dhe ekonomiko shoqëtotë që shkatojnë mbipeshën si dhe nevojën e edukimit të shoqërisë lidhur me këtë dukuri.

Copyright©2000-2003 Trepca.net - Të gjitha të  drejtat e rezervuara.