Komuna e Podujevës përfshihet në projektin e Mbështetjes së Teknologjisë Informative të financuar nga UNDP

Podujevë, 11 korrik 2003  (TN) – Kryetari Agim Veliu njoftoi sot se Përfaqësuesi rezident i UNDP-së Robert Piper e ka njoftuar se komuna e Podujevës është përfshirë në projektin e Mbështetjes së Teknologjisë Informative në Kosovë – MTIK në kuadër të hulumtimit që Fondi për Zhvillim i Kombeve të Bashkuara ka bërë në 30 komuna të Kosovës.

 

“Duke u bazuar në rezultatet e këtij hulumtimi, UNDP-ja dhe Ministria e  Shërbimeve Publike kanë siguruar mjetet për të implementuar fazën fillestare të projektit MTIK në pesë komuna. Unë kam kënaqësinë që t’ju informoj se komuna juaj është zgjedhur që të jetë një nga pesë të parat” shkruan në letrën  z. Piper dërguar kryetarit Veliu.

 

Sipas projektit komuna e Podujevës do të fokusohet në instalimin e Rrejtit në Hapësirën lokale duke ofruar përdorimin e RrHL-së dhe mjeteve të zyrave për trajnimin e adminstratorëve të RRHL-së dhe shfrytëzuesve të këtij rrjeti, por edhe të prokurojë për pajisjet e RrHL-së sipas standardeve të krijuara nga Departamenti i Teknologjisë Informative pranë MSHP.

 

Implementimi i këtij projekti të rëndësishëm pritet që të fillojë së shpejti, kurse UNDP falënderon z. Veliu dhe ekipin lokal të teknologjisë informative.

 

“Presim që ta vazhdojmë bashkëpunimin e frytshëm edhe gjatë implemntimit të këtij projekti”, shkruan në letrën e z. Piper dërguar Kryetarit Agim Veliu.

Copyright©2000-2003 Trepca.net - Të gjitha të  drejtat e rezervuara.