OPINIONE

Pse forcat e majta politike në Kosovë, duan që parlamenti i Kosovës të shpallë pavarësinë e Kosovës edhe pse këtë e bëri populli i Kosovës qysh në vitin 1991

27 qershor 2003 / Osman AHMETGJEKAJ

Bota shqiptare është botë e paradokseve, deformimeve dhe laborator i patologjive njerëzore, sociale në rrafshin individual dhe atë kolektiv. Të flasësh sot për këto gjëra që po ndodhin, d.m.th: t´i ekspozohesh rreziqeve, por ajo më kryesorja është se vështirë e ke t´a zbulosh të vërtetën. Mirëpo e vërteta dhe faktikja megjithatë dihen fare mirë edhe pse shumë herë nuk janë thënë, por janë ditur dhe janë heshtur nga frika nga pasojat e mundshme. Sot është rrezik poqëse rastësisht ke konstatuar ndonjë të vërtetë, atëbotë i nënshtrohesh inkuizicionit majtist shqiptar, i cili është i përbërë nga disa ish-gazetar dhe poltronë mediokritë dhe gjysmëanalfabetë, të cilët sot kanë marrë rolin e telalleve të denigruara ku për qëllim kanë që këtijë populli t´i binin në shpind dhe t´a shalojnë në bazë të interesave të armiqëve, ashtu siç bëjnë vëllezërit e tyre ideologjik të pushtetit të Tiranës në krye me kuislingun dhe marcenarin Nano. Kosova tani më shumë se kurrë ka nevojë për një stabilitet, i cili do të shpejtonte statusin final. Ne e dimë shumë mirë se cilët ishin dhe janë ata që shkaktojnë destabilitet, vrasje, pasiguri politike, krim të organizuar ekonomik, gjë që tërë kjo e solli situatën në këtë nivel.

"Statusi pas standardeve" – kështu kishte deklaruar Shtajner. Kosova kurrë nuk do të kthehet aty ku ka qenë. Nuk ka ndarje territoriale të Kosovës dhe se nuk ka institucione paralele. Këta poteza politik perëndimor shumë mirë i nuhati i ashtuquajturi "turiuri" tashmë i vdekur, Xhinxhiq, ku e ngriti zërin për një status final. Qëllimi i "turiurit" Xhinxhiq ishte që Kosovën t´a tërhek në konflikt që pastaj të dali me gjoja "domosdoshmërinë për ndarjen e Kosovës". Dhe çuditërisht, analfabetët politik dalin me deklarata për shpalljen e "Pavarësisë së Kosovës" thua se kjo "Pavarësi" duhet të bëhet ç´do ramazan. Duhet t´a dinë të gjithë se Pavarësia e vërtetë e Kosovës arrihet vetëm duke qenë të bashkuar rreth Presidentit Rugova, i cili pa dyshim është politikani dhe udhëheqësi më i shquar i botës shqiptare dhe atë që nuk arriti t´a bëjë Hasan Prishtinam, do t´a bëjë Dr. Rugova. Andaj, nuk kanë nevojë forcat e djallit të manipulojnë me çështjen madhore kombëtare. Analfabetët politik të tipit Dugollian që kanë zënë vend në Parlamentin e Kosovës, të cilët janë të verbuar apo janë të helmuar nga pehlivanët e Nanosit, nuk e di se a janë në dijeni që Kosovës po i pregatitet një tragjedi e re për ndarjen dhe copëtimin e saj. Këtë më së miri e pamë me rastin e Ilir Metës, i cili filloi turneun Tiranë -Beograd – Moskë – Prishtinë – Athinë. Ne të gjithë e dimë se përmes këtijë "trekëndëshi" nuk ka asgjë tjetër përpos lakut në fyt, ashtu siç i´a vunë ata Shqipërisë në vitin 1997.

Pikërisht për shkak të pasigurisë mungojnë investimet në Kosovë dhe Shqipëri.

Kosova sot ka nevojë për paqe, liri, qetësi dhe drejtësi. Kosovarët disa herë e kanë përsëritur: stop vrasjeve, stop krimit ekonomik, të luftohet kontrabanda me cigare, drogë dhe derivate të ndryshme të naftës. Kosova sot ka nevojë për krijimin e vendeve të punës. Kosova sot ka nevojë për përkrahjen e faktorit politik dhe ekonomik ndërkombëtarë. Kosova sot ka nevojë për t´i shëruar plagët e luftës duke i zbardhur të gjitha vrasjet, kidnapimet dhe zhdukjet e mijërave shqiptarë. Kosova sot ka nevojë që të mbizotëroj ligji dhe shteti ligjor. Kosova ka nevojë për demokraci të vërtetë. Kosova sot ka nevojë për përkrahje humanitare për pjesën e popullësisë, e cila më së tepërmi u dëmtua në luftë. Kosova do t´a fitojë Pavarësinë vetëm atëherë kur klasa politike e Kosovës aftësohet për t´i njohur vlerat e vërteta kombëtare. Në botë historia e popujve matet përmes parametrave progresiv dhe civilizues, andaj në bazë të këtyre parametrave del si histori e robërisë, e stagnimit, e egzodit, e dajakut të burgjeve, ndjekjes dhe gjenocidit. Sot duhet të përfillen miqtë e vërtetë të Kosovës dhe të përfillen politikanët që kanë vizion integrimet euro-perëndimore e jo marksiste-leniniste.

Copyright©2000-2003 Trepca.net - Të gjitha të  drejtat e rezervuara.