QEVERIA KA APROVUAR DEKRETIN MBI FLUKSIN E EMIGRACIONIT 2003:

ITALIA HAP DYERT EDHE PËR 19.500 PUNËTORË TË HUAJ

Romë (ITALI), 27 qershor 2003 / Engjëll KOLIQI   Pas një vonese dhe pritjeje disamuajshe, Qeveia e Italisë përfundimisht ka miratuar Dekretin për fluksin e emigracionit në Itali, për vitin 2003, duke hapur kështu kanalet për hyrje të rregullt me viza pune, të atyre që kanë siguruar një punë stinore, apo të pakufizuar.   Kjo masë autorizon 8.500 hyrje për punë stinore, 10.000 hyrje për punë të rregullt me kohëzgjatje të pakufizuar, 800 për veprimtari të pavarur vetanake dhe 200 hyrje për çfarëdo pune qoftë të rezervuara për shtetasit e Argjentinës me origjinë italiane - thuhet në njoftimin që shoqata «Cittadini del Mondo» (Qytetarët e Botës) i ka dërguar QIKSH Albeuropa.   Në këtë njoftim bëhe të ditura edhe të dhëna të detajuara, më sa vijon:

 

Hyrjet për punë stinore u mundësohen qytetarëve të vendeve që kanë nënshkruar marrëveshjen për hyrje në BE (Sllovenia, Polonia, Hungaria, Estonia, Letonia, Lituania, Republika Çeke e Sllovakia), të vendeve që do të nëshkruajnë në vitin 2007 (Serbia, Kroacia, Mali i Zi, Bullgaria e Rumania) dhe të vendeve që kanë nënshkruiar marrëvershje bashkëpunimi me Italinë, në lqmin e emigracionit (Tunizia, Shqipëria, Maroko, Nigeria, Moldavia, shri Lanka dhe Egjipti). Pavarësisht nga përkatësia kombëtare dhe nga vijnë, mund të hyjnë punëtorët që kanë pasur lejeqëndrimi për punë stinore në Itali, në vitet 2001 e 2002.

 

800 hyrjet për punë të pavarur janë rezervuar për hulumtuesit shkencorë, ndërmarrësit që i kontribuojnë ekonomisë italiane, profesionistët e lirë, bashkëpronarët dhe administratorët e shoqërive afariste (jo kooperativa) dhe artistët e famshëm e ekspertët e kërkuar nga entet punlike dhe private. Në këtë kuadër hyjnë edhe ata që m,arrin lejeqëndrim për motive studimesh dhe të ngritjes profesionale.

 

Nga 10.000 lejeqëndrimi për punë të rregullt me kohëzgjatje ë pakufizuar - 500 janë rezervuar për udhëheqës profesionalë me kualifikime të larta, 3.600 qytetarëve të vendeve që kanë nëshkruar me Italinë marrëveshje bashkëpunimi në lëmin e emigracionit, më sa vijon: 1.000 shqiptarë, 600 tunizianë, 500 marolienë, 300 egjiptianë, 200 nigerianë, 200 maldavë, 500 nga shri Lanka dhe 300 qytetarë të Bangladeshit.

 

Ministria e Punës, veç ka përcaktuar ndarjen e kuotave nëpër krahina (regjione) - sipas nevojave të punës, në të gjitha qendrat e rretheve (provincave). Punëmarrësit mund t'i paraqesin kërkesat e tyre për punëtorët e nevojshëm, në zyrat e punës të rretheve, prej nga do të lëshohen lejet për punëtorë të rinj.

 

Është detyrë e shoqatave shqiptare që të kontaktojnë me punëmarrës në rrethe të ndryshme të Italisë dhe t'u propozojnë pranimin e punëtorëve shqiptarë. Edhe Ministria e Punës e Qeverisë së Kosovës ka detyrë dhe përgjegjësi të kujdeset për t'u hapur dyert e mërgimit të rregullt punëtorëve kosovarë, duke pasur parasysh përmasat e mëdha të papunësisë dhe rrjetet e kriminalizuara të trafikimit me njerëz, duke i kaluar ata nëpër kufinjt e vendeve europiane, si klandestinë e mes shumë rreziqesh.

Copyright©2000-2003 Trepca.net - Të gjitha të  drejtat e rezervuara.