LDK DEGA NË SUEDI, PROPOZON QË PRESIDENTI I KOSOVËS DR. IBRAHIM RUGOVA TË NOMINOHET PËR ÇMIMIN NOBEL PËR PAQE NGA KOMITETI NORVEGJEZ I NOBELIT PËR PAQE

Kështu vendosi Kryesia e LDK-së Dega në Suedi në mbledhjen e saj të rregullt (të katërt) të mbajtur në qytetin e Hörby-t në Suedi

21 qershor 2003 / Nga: Komisioni për Informim pranë Degës së LDK-së në Suedi

Në qytetin e Hörby-t në Suedi, Kryesia e LDK-së Dega në Suedi, mbajti mbledhjen e saj të katërt ku morën pjesë të gjithë anëtarët e Kryesisë së kësajë Dege, si: z. Osman Ahmetgjekaj nënkryetar, z. Afrim Musliu sekretar, z. Avdi Rama arkëtar, z. Ali Rexhepi, z. Kamer Bytyqi, z. Fatmir Azemi, z. Sinan Hasani, z. Bajram Nikqi, z. Rexhep Ajdini dhe z. Ajet Meholli anëtarë të Kryesisë, ndërsa u kryesua nga kryetari i Degës, z. Hysen Ibrahimi.

Në këtë mbledhje pati shumë diskutime lidhur me aktivitetin e kësajë Dege si dhe për situatën aktuale politike dhe ekonomike në Kosovë.

Lidhur me aktivitetin e Degës së LDK-së në Suedi, ndër të tjera veçojmë projekt-propozimin "Ndihmë Familjeve Skamnore të Kosovës", për të cilën foli kryetari i Degës, z. Hysen Ibrahimi, iniciativa dhe puna e të cilit edhe ishte ky projekt. Ai ngriti zërin edhe një herë se Diaspora shqiptare nuk mund të rrijë indiferente karshi gjendjes së mjerueshme ekonomike në Kosovë dhe se ne mërgata shqiptare patjetër duhet të ndërmarrim diçka në këtë drejtim. Ideja përkitazi me organizimin e mërgatës për "Ndihmë Familjeve Skamnore të Kosovës", ku kryesisht në radhë të parë do të vijnë familjet me kushte tejet të vështira sociale, që për çdo ditë numri i këtyre familjeve shkon në rritje e sipër, kishte me qenë ide e qëlluar dhe e shkëlqyeshme, diçka fenomenale që të organizohemi dhe me anë të një fondi t´iu ndihmojmë atyre të cilët kanë nevojë. Izraeli është shtet që nga viti 1948, kurse Lobi hebreit në SHBA dhe vende të tjera të botës ende ndihmojnë shtetin e tyre, të njejtën gjë e bëjnë edhe kroatët, e pse ne shqiptarët të mos ndihmojmë shtetin tonë, të cilin e arritëm me aq mund dhe sakrificë, me aq heronjë, dëshmorë dhe martirë të kombit. Ne poashtu këtë propozim do ta paraqesim para Presidentit të Kosovës dr. Ibrahim Rugova, Ministrit për Ekonomi dhe Financa z. Ali Sadriu si dhe para Odës Ekonomike të Kosovës, Kryeministrit, etj., tha mes tjerash kryetari i kësajë Dege z. Hysen Ibarhimi.

Fjalën pastaj e mori sekretari i kësajë Dege, z. Afrim Musliu, i cili paraqiti para Kryesisë sukseset e arritura në bashkëpunimin me partitë kryesore politike suedeze, ku veçoi Moderatët, Kristdemokratët dhe Partinë Liberale (Folkpartiet), si dhe përkrahjen e tyre ndaj propozimit të Degës së LDK-së në Suedi, që Presidenti i Kosovës dr. Ibrahim Rugova të nominohet për Çmimin Nobel për Paqe nga Komiteti Norvegjez i Nobelit për Paqe. Partitë politike në Suedi ishin mjaft pozitive rreth propozimit tonë, të cilët sikurse gjatë vizitave që i kam zhvilluar në selitë e disa partive në Stokholm, ashtu edhe gjatë bisedave telefonike me disa parti të tjera, kemi fituar përkrahjen e plotë të shumicës së partive suedeze.

Dua ti veçojë takimin me liderin e partisë konzervative suedeze (Moderaterna), z. Bo Lundgren, i cili përveq se e përkrahi propozimin tonë, ai poashtu e ceku se Presidenti i Kosovës i ka lënë përshtypje shumë të mira gjatë takimit të tyre në vitin 2000 në Stokholm dhe shfrytëzoi rastin, që në emrin e tijë personal dhe të partisë së Moderatëve, Presidentit të Kosovës, dr. Ibrahim Rugova ti dërgojë përshëndetjet më të përzemërta, si dhe takimin me sekretarin e përgjithshëm të partisë Demokristiane (Kristdemokraterna), z. Urban Svensson, i cili më tha se sikurse lideri i kësajë partie, z. Alf Svensson, ashtu edhe ai personalish kanë një respekt të veçantë ndaj Presidentit Rugova dhe luftës së Tijë paqësore kundër regjimit të Millosheviqit, kështu që përveq se do ta përkrahin propozimin tonë, kandidat për Çmimin Nobel për Paqe, Presidentin Rugova do ta propozojë edhe partia e tyre para Komitetit Norvegjez të Nobelit për Paqe, tha më tej z. Afrim Musliu sekretar, i cili poashtu lexoi propozimin që ka përgatitur në gjuhën suedeze, angleze dhe norvegjeze ku kryesisht kishte cekur përpjekjet e mëse një dekade të Presidentit Rugova që ta ruajë paqen në Kosovë dhe në rajon.

Lidhur me situatën aktuale politike në Kosovë, mori fjalën nënkryetari i Degës, z. Osman Ahmetgjekaj, i cili tha: Vrasjet e reja dhe thirrjet prap për vrasje janë të atyre që nuk janë ngopur me gjakun e mbi 20 personaliteteve të shquara shqiptare të Kosovës ku njëherit janë duke terrorizuar Kosovën. Nxënësit e shkëlqyeshëm të Fatos Nanos, thua që dëshirojnë me çdo kusht, Kosovën ta mbajnë si rajon të destabilizuar për qëllime të tyre të errëta parciale dhe klanore. Mirëpo në anën tjetër duke u bazuar e mbështetur në numrin e madhë të forcave policore që veprojnë në Kosovë, formohet një bindje se nuk dëshirohet që të zbulohen vrasësit ose urdhërdhënësit, apo thënë më mirë a mundet SHPK-ja dhe KFOR-i ti kontrollojë ashtu siç duhet 11000 km katrorë të Kosovës. U këputën ato jetëra të atyre njerëzve që Kosovën dëshironin ta bënin shtet institucional me ligje dhe me të gjitha mekanizmat shtetërorë.

U këputën ato jetëra nga ata që sot dalin me "Moratoriume" që me fjalë të tjera PDK-ja nuk e dëshiron shtetin e Kosovës, sepse ashtu i ka mësuar babai i tyre, Nanosi. Përderisa Nanosi e dëgjoi deklaratën emblematike të diplomatit amerikan Hollbruk "Edhe sikur në Sërbi të qeveriste Xhefersoni, shqiptarët nuk do të pranonin të jetonin në Sërbi" e hodhi tezën e "Moratoriumit" përmes dy xhokerëve të tijë, Hashim Thaçit dhe Arbër Xhaferovskit, ku edhe njëri edhe tjetri nuk janë asgjë tjetër pos injorant dhe intrigant të shpenzuar politikë. Diplomati me famë botërore senatori Bob Doll e ka përcaktuar shkëlqyeshëm karakterin e Hashim Thaqit, duke e quajtur KLEPTOKRAT që në gjuhën shqipe do të thotë "Vjedhës i pushtetit". Një ide të tillë si Moratoriumi i Thaçit, e kishte lansuar edhe Veton Surroi, ku gjatë një vizite në Greqi, Surroi kishte thënë: "Zgjidhja e Statusit të Kosovës të shtyhet për dhjetë vite". Këtu pikërisht kishte reaguar edhe Bob Doll i cili e shikonte si diçka jonormale këtë vonesë për të caktuar statusin përfundimtarë të Kosovës.

Konstatim i të gjithëve ishte se Moratoriumi i Thaçit, kishte për qëllim që Thaçi të dalë në qendër të vëmendjes dhe që atë e përkrahën vetëm qarqet antikombëtare në Beograd-Athinë-Tiranë dhe "Revolucioni i vonuar demokratik" (Rexhep Qosja). Thaçi mund të gëzojë simpatitë e këtyre qarqeve të përmendura, por ai nuk ka forcë që ta pengojë vullnetin e popullit të Kosovës. Kosova mjaft është vonuar dhe nuk ka nevojë për vonesa të tjera të propozuara nga Kleptokrati Thaçi, ku tani së shpejti edhe Kleptokrati tjetër i shpenzuar politikisht dhe i dështuar totalisht, Arbër Xhaferovski, do ti bashkangjitet Thaçit dhe pastaj këta të dy si "Tokshi dhe Bokshi" do ta hartojnë bukur "Moratoriumin" ku kurorëzimin në fund pa dyshim do t`ua bëjë Patriati Qosja dhe babai i tyre kuisling, Fatos Nano.

Ne iu kujtojmë këtyre "Revolucionarëve" se barometër më të mirë se vota e popullit nuk ka, sepse nga tri zgjedhjet e kaluara që u mbajtën në Kosovë, edhe pse Thaçi e mbante të ozurpuar gati tërë pasurinë e Kosovës dhe kishte dhe ka në shërbim RTK-në sikur Milloshi në vitet e 90-a, edhe pse mori rregullisht mësime nga babai i tijë Nanosi, duke vrarë e tentuar të frikësojë popullin, nuk arriti të fitojë më shumë se njëzet përqind të votave duke lënë atë vetëm si kryetarë i një partie politike dhe se "qyqja mbetet qyqe dhe asesi nuk mund të jetë kanarinë". Shpallja e "Moratoriumit" të Thaçit në Kosovë, duket sikur është pjesë e kërkuar nga Athina si deponim interesash për të mirën e Sërbisë dhe për dëmtimin e të gjitha proceseve në interes të Kosovës në rrugën e saj drejtë pavarësisë.

Populli nuk ka harruar e as nuk do të harrojë kurrë vonimin e nënshkrimit të marveshjes së Rambujes nga zoti Thaçi për gjoja konsultime. Ato konsultime i kushtuan popullit shqiptarë shumë dhe një gjë të tillë është duke e bërë edhe tani me "Moratoriumin" e tijë. Ka edhe disa të tjerë që këtë "Moratorium" bizar e lidhin me domosdonë e imponuar personale nga kërcënimet e mundshme ndaj tijë, të ligjeve ndërkombëtare, sidomos pas arrestimit të Fatmir Limajt nga Gjyqi Ndërkombëtarë për krime të luftës në Hagë. Ndërsa sa i përket ngjarjeve në Deçan, ku me të drejtë në shumë shkrime janë quajtur "Pasardhësit e Vlorës 97 në Dukagjin" mund të themi se maskat prapë janë aktualizuar, madje janë mjaftë shqetësuese për popullin e Deçanit dhe tërë Kosovës.

Është e çuditshme shkuarja e kryeministrit, Bajram Rexhepit në Deçan që atyre t´iu japë "infuzion" dhe ti trimërojë. Deçanasit e rrebeluar që sot janë ngritur kundër drejtësisë Kosovare, duke iu kërkuar falje Kryeministri për vonesën në pjesëmarrje në këto protesta "të drejta" siç i quan ai. Pas këtijë fjalimi të kryeministrit, pason vrasja makabre në Pejë të njërit nga dëshmitarët në procesin gjyqësorë kundër të grupit të Dukagjinit. Edhe kjo vrasje është një krim i rëndë dhe kriminelët nuk kursyen as fëmijët e as gruan shtatzënë. Vrasja e dëshmitarëve që kanë denoncuar krimet është një krim shumë i rëndë, është një krim kundër lirisë njerëzore, është një krim kundër drejtësisë dhe njerëzit që i kryejnë këto krime, do të jenë të mallkuar përgjithmonë.

Kryeministri është dashur të shkojë në Deçan dhe të iu thotë stop me protesta, stop me shantazhe, stop me vrasje, stop krimit të organizuar, stop krimit ekonomik, etj, etj., por jo, kryeministri Rexhepi, si një kirurg i njohur në Mitrovicë ku me operacionin e tijë e ndau Mitrovicën në dysh, edhe kësaj radhe shkoi në përshtatje të tyre duke vërtetuar pikëpamjet e tijë dhe të tyre të caktuara të soit enveristo-stalinist që janë në kundërshtim me institucionet demokratike. Ata duhet ta dinë se shekulli i ri i rendit të ri botëror nuk njef dhe nuk duron diktat, as shtypje e as përbuzje. Koha e komunizmit ka kaluar, kot krrokasin Enveristët të cilët duan që xhaxhin Enver ta zgjojnë si "lugat".

Ata krrokasin kot sepse Azem Hajdari dhe Sali Berisha e rrëzuan shtatoren e diktatorit Hoxha, rumunët e vranë Çausheskun, perëndimi e burgosi Millosheviqin, Amerika e përmbysi Sadamin, kështu që edhe këtyre së shpejti do t´iu vijë fundi, kurse emrat e tyre do ti mbulojë pluhuri shekullorë e do të jenë të mallkuar përgjithmonë. Kot mundohen me kërcënime e me shantazhe, me pamfleta të ndyra siç është "Epoka e re", "Java", "24 Orë", që mundohen ta frikësojnë popullin se ky apo ky e ka radhën tani. Si nuk iu vie turp dhe të skuqen para popullit për të gjitha poshtërsirat që i kanë bërë. Ata nuk mund të skuqen sepse ata nuk njofin norma morale ose njerëzore.

Sot në Kosovë kemi UNMIK-un si fazë kalimtare drejtë pavarësisë, por si duket edhe UNMIK-u po i shfrytëzon këto veprime destabilizuese të partive "të dala nga lufta" parti të djallit të kuq, dhe po vepron me një neglizhencë dhe me një komoditet sulltanesk, apo më mirë ta quajmë "Byrokracija e administratorëve ndërkombëtarë". Pas katër vite administrimi të UNMIK-ut në Kosovë ku shtatëdhjetë përqind të popullatës janë ndër moshën tridhjetë vjeçare, papunësia ka arritur në shtatëqind mijë të papunë. Populli i Kosovës çdoherë i ka pasur shpresat tek SHBA-të si aleatin dhe shpëtimtarin më të sinqertë. Gjatë luftës "Iraku i lirë", shqiptarët e Kosovës shprehën përkrahjen e madhe ndaj SHBA-ve e kjo u shiqua me sy jo të mirë nga disa qarqe Evropiane.

Ne do të kishim propozuar një protektorat Amerikan në Kosovë, e jo njerëz nga India e pjesë të tjera të varfëra. Me protektoratin Amerikan do të kishim një Kosovë të qetë e të sigurtë për të gjithë banorët e saj, e cila siguri do ti shërbente paqës afatgjate në Evropën juglindore dhe interesave afatgjate të vet SHBA-ve, dhe tek e fundit vetëm Amerikanët janë ata që do t´i kishin zhdukur njëherë e përgjithmonë rrënjët e djallit të kuq Stalinist në Kosovë dhe në rajon. Sot në Kosovë duhet hapur vende pune që rinisë së Kosovës ti bëhet atraktive Kosova e jo perëndimi. Mjaftë ka shqiptarë të humbur e të tretur nëpër botë, të paktën ata që kan mbetur të jetojnë të lirë dhe të qetë pa presione, me një perspektivë të qartë e jo me një ankth të ikjes apo me fenomenin e vëllavrasjes në baza ideologjike. Administratorëve ndërkombëtarë t´iu tregohet se administrimi i tyre ka përfunduar dhe të gjitha kompetencat duhet të barten tek vendorët, ndërsa ata mund të mbeten në rolin e këshilltarëve në nivele komunale.

Pasi që u prekën pika të ndryshme si të aktivitetit të Degës së LDK-së në Suedi ashtu edhe të situatës aktuale në Kosovë, poashtu u vendos që pas pushimeve verore të organizohet një Kuvend Pune të Degës së LDK-së në Suedi ku do të ftohen e gjithë anëtarësia e gjërë ku të mirëseardhur do të jenë edhe simpatizantët e LDK-së dhe të gjithë bashkëatdhetarët tanë të cilët jetojnë në Suedi.

Copyright©2000-2003 Trepca.net - Të gjitha të  drejtat e rezervuara.