OPINIONE

PAS ORGANIZIMIT TË SUKSESSHËM TË 125 VJETORIT TË LIDHJES SË PRIZRENIT

Dr RUGOVA VAZHDON RRUGËTIMIN E TIJ NË REALIZIMIN E MISIONIT KOMBËTAR

Shpallja " Heronjë të Kosovës " dhe nderimi i tyre me medalje të artë të gjithë themeluesit e Lidhjes Shqiptare të Prizrenit, ku ndër ta me të drejtë figuron edhe emri i Komandantit liridashës Adem Jashari, është një nga veprimet më të fuqishme të dr.Rugovës si president i Kosovës, i cili i pati premtuar qyterarëve të Kosovës se të gjithë ata që meritojnë të shpallen " Heronjë të Kosovës " do të shpallen në mënyrë instituciale dhe në nivel shtetëror të Kosovës, andaj shpallje heronjësh sipas bindjeve politike e ideologjike nga ana e partive të " dala " nga lufta ishin dhe janë veprime që janë bërë për interesa dhe përfitime politike të këtyre partive të dehomogjenizuara. 13 qershor 2003 / Shkruan : Besim KRASNIQI, publicist Nisma dhe organizimi spektakular i mbajtjes së 125 vjetorit të Lidhjes së Prizrenit më 10 qershor 2003 në qytetin e vjetër historik në Prizren, bazën e tyre e kanë që nga Dega e Lidhjes Demokratike të Kosovës në Prizren, në krye me kryetarin e Degës z.Eqrem Kryeziun e deri në institucionin më të lartë të Kosovës, presidentin e Kosovës dr.Ibrahim Rugovën, i cili njëkohësisht është edhe kryetar i Lidhjes Demokratike të Kosovës.

Padyshim se kjo hierarki organizative, duke ia bashkëngjitur këtu edhe aleatet politike të LDK-së, nuk i shkoi aspak përshtati spektrit të majtë politik, i cili nuk do mend se edhe kësaj rradhe (sikurse edhe me rastin e ngritjes së shtatores së Gjergj Kastriotit - Skënderbeut në Prishtinë) mbeti nën hijen e këtij organizimi mbarëkombëtar, organizim ky historik i cili simbolizon bashkimin e të gjithë shqiptarëve të të gjitha trojeve etnike. 

Prezenca e Naltmadhnisë së Tij Mbretit Leka Zogu I-rë në Kosovë, trashëgimtar i Mbretit Zog, i njohur për antikomunizmin e tij të rreptë, e sidomos takimi i Tij me Presidentin e Kosovës dr.Rugovën si dhe pjesëmarrja e Tij në shënimin e 125 vjetorit të Lidhjes së Prizrenit ishte një deklasim politik i llojit të vet për majtistët dhe autonomistët e Kosovës, të cilët edhe sot e kësaj dite vazhdojnë të krijojnë situata konfuze rreth çështjes së Kosovës (Ballkania, Autonomia, Moratoriumi etj. etj.) si dhe të denigrojnë politikanë të dëshmuar për kombëtarizëm (ndër ta edhe kryetarin e respektuar të Degës së LDK-së në Prizren z.Eqrem Kryeziun), ushtarakë profesionistë, liderë djathtistë, mediat djathtiste, pra çdo gjë që u dëshmua si kombëtare dhe e dobishme për çështjen e Kosovës, e deri edhe në denigrimin e figurës së lavdishme të presidentit të Kosovës, njeriut të përparimit nacional dhe të mirëkuptimit brendashqiptar dr.Ibrahim Rugovës.

Shpallja " Heronjë të Kosovës " dhe nderimi i tyre me medalje të artë të gjithë themeluesit e Lidhjes Shqiptare të Prizrenit, ku ndër ta me të drejtë figuron edhe emri i Komandantit liridashës Adem Jashari, është një nga veprimet më të fuqishme të dr.Rugovës si president i Kosovës, i cili i pati premtuar qyterarëve të Kosovës se të gjithë ata që meritojnë të shpallen " Heronjë të Kosovës " do të shpallen në mënyrë instituciale dhe në nivel shtetëror të Kosovës, andaj shpallje heronjësh sipas bindjeve politike e ideologjike nga ana e partive të " dala " nga lufta ishin dhe janë veprime që janë bërë për interesa dhe përfitime politike të këtyre partive të dehomogjenizuara. Kjo tashmë shihet edhe më qartë, sidomos kur shohim se presidenti i Kosovës e që njëkohësisht është e kryetar i LDK-së, me medalje të artë ka dekoruar edhe personalitete që nuk bëjnë pjesë në organizimin e ngushtë të LDK-së, por që megjithatë janë dëshmuar me veprimtarinë e tyre atdhetare në dobi të çështjes kombëtare dhe çështjes së Kosovës.

Dr.Rugova vazhdon misionin e tij kombëtar

Udhëtimi i dr.Rugovës në Bruksel në cilësinë presidentit të Kosovës, ku do të elaborojë pranë institucionit të Bashkimit Evropian, që nënkupton aktivitetin e tij zyrtar politik, të filluar që në vitet e ' 90-ta, ku do ta përsëritë vullnetin e qytetarëve shumicë të Kosovës, pra dëshirën për pavarësinë e Kosovës, tregon qartë mbi përmasat e seriozitetit të dr.Rugovës dhe partisë së tij në realizimin e synimit kryesor të tyre politik. Dr.Rugova vazhdon të mbajë intensitetin e aktivitetit të tij politik, duke mos iu ndarë asnjëherë misionit të tij kombëtar, i cili mision është në përputhje të plotë me aspiratat e qytetarëve shumicë të Kosovës.

Në njërin nga artikujt e mëparshëm me titull "Programi politik e kombëtar i dr.Ibrahim Rugovës të jetë themel i mendimit tonë politik"  kemi shkruar : "Nuk do të shfrytëzojmë kohën këtu duke i përmenduar meritat politike të LDK-së dhe të dr.Ibrahim Rugovës (edhe pse ndoshta do të duhej ripërsëritur ato merita për hir të disa "harrestarëve" të taborreve tjera politike), por janë pikërisht veprimtarët e LDK-së anembanë botës dhe kryetari i Kosovës dr.Ibrahim Rugova të cilët në mënyrën më dinjitoze artikuluan vullnetin tonë politik brenda kancelarive të politikanëve më të njohur dhe më të fuqishëm të politikës ndërkombëtare, e që në fjalorin politik kjo quhet internacionalizim i çështjes së Kosovës, rëndësinë e së cilës po tentojnë ta zhvlerësojnë kundërshtarët politik të LDK-së për hesape të veta politike".

Ky citat i yni tregon se tendencat e majtistëve në Kosovë në margjinalizimin e aktivitetit politik të LDK-së dhe të dr.Rugovës nuk kanë patur të ndalur, por dr.Rugova dhe bashkëveprimtarët e tij nuk u tronditën asnjëherë nga frazat spekulative dhe kërcënuese të adoleshentëve politik të vetëquajtur "liderë politik", por vazhduan dhe sot akoma vazhdojnë rrugëtimin e tyre të nisur drejt pavarësimit dhe bashkimit të shqiptarëve, dhe kjo veprimtari diplomatike nuk mbështetet në deklarata dhe komunikata, por me aktivitete konkrete politike duke qenë prezentë në instancat më të larta politike ndërkombëtare, ashtu siç ka bërë edhe ideologu i Lëvizjes Gjithkombëtare Hasan Prishtina, i cili hartoi programin kombëtar prej 14 pikave që janë të njohura në historiografinë tonë kombëtare  si 14 pikat e Hasan Prishtinës.

Të gjitha akuzat majtiste treten si kripa në ujë

Opinionit tonë i janë të njohura akuzat tejet bajate të mediave majtiste ndaj personaliteteve të shquara të Kosovës, si ndaj Eqrem Kryeziut, Kolë Berishës, Nekibe Kelmendit, vëllezërve Geci nga Llausha  etj. duke ngritur deri në qiell padronët e tyre ideologjikë, pa ndonjë meritë as më të vogël për të mirën e së ardhmes së Kosovës. Mirëpo me kohë, sado vonë të jetë, roli i vërtetë i perosnaliteteve të marrura nëpër gojë nga mediat e paskrupullta moratoriumiste, do të dalë në pah sikurse po shihet në çdo sferë të jetës politike brenda organizimit të Lidhjes Demokratike të Kosovës.

Riorganizimet dhe freskimet brenda rradhëve të organizatës rinore të LDK-së (Forumit Rinor), dorëheqjet dhe pakënaqësitë brenda subjekteve të së majtës politike (sikurse në Kaçanik, Malishevë e gjetiu) që  janë në rritje e sipër, aktiviteti diplomatik i akademik Dacit, i parlamentarëve demokrat si Sabri Hamiti, Mark Krasniqi, Fadil Kryeziu, Nekibe Kelmendi etj. si dhe i presidentit të Kosovës dr.Rugovës janë treguese të një periudhe të kristalizimit të shumë çështjeve aktuale dhe historike, të manipuluara nga prapaskena për interesat e tyre meskine, për disa vite me rradhë nga mediat e lartëpërmendura moratioriumiste. Kështu, edhe manifestimi kushtuar 125 vjetorit të Lidhjes së Prizrenit të gjitha akuzat majtiste i treti sikur kripë në ujë, duke vënë në pah se cilat ato janë forcat politike që duan bashkimin e shqiptarëve dhe cilat janë ato që dëshirojnë dezientegrimin e shqiptarëve drejt ideologjive të tejkaluara moniste.

Copyright©2000-2003 Trepca.net - Të gjitha të  drejtat e rezervuara.