OPINIONE

Në vend të reagimit

ME UJË NUK PJEKEN PETLLAT, E ME GËNJESHTËRA NUK MBULOHET E VËRTETA

( Si përgjigje në intervisten skandaloze të zonjës Helga Buhel ( Helga Büchel ), nga Ministria e Arsimit të Hamburgut në gazetën "Bota sot", intervistoi; Dashnim Hebibi, dhe për disa paqartësi në mësimin plotësues në shkollën shqipe të Hamburg )

Hamburg (Gjermani), 8 qershor 2003 / Haxhi DERVISHAJ

 

Nuk është hera e parë që gazetari i "Bota sot" Dashnim Hebibi e ka për qejf të shkruaj për problemin e shkollës shqipe në Hamburg. Shikuar realisht, ky interesim nuk ka asgjë të keqe sikur i njejti gazetar të shkruante, të informohei dhe, t´i merrte shënimet ashtu siq janë në të vërtetë. Herën e parë, ai përmes një interviste me " docenten" e njohur të Hamburgut, zonjën Afërdita Halimi, tha e shpalosi shumë të pa vërteta për Hamburgun, por nuk reaguam. Shkaku pse nuk reaguam, është ndoshta krejt banal; ne shqiptarët nganjëherë nga sedëra që kemi kinse për femra, nuk hyejmë në polimika me "gra"(?!)

Sa i përket asaj intervistes së parë, nga kalimi i kohës, për gazetarin D. Hebibi kemi një pyetje që vehtëvetiu dalin edhe ndonjë nënpyetje: E para; në cilin universitet të Hamburgut është docente zonja Afërditë? Në cilin fakultet dhe, në cilen katedër? E dyta; çfarë lënde mësimore ligjëron ajo në Universitetin e Hamburgut? kur katedër të gjuhës shqipe këtu nuk ka...

E, sa i përketë fjalës " docente", s´kam çka shtoj përveç atij kuptimi që e jap Fjalori i Shqipes së sotme, faqe 251, botim i vitit 2002.

Kaq sa i përketë intervistës se parë.

Tani të ndalemi të intervista e dytë më zonjën Büchel(?!) Intervista fund e krye është e mbuluar më të pavërteta. Gazetari duke qenë i pa informuar mirë ( i pajisur me genjështëra nga ata që nuk ia dëshirojnë të mirën shkollës shqipe), mundohet që përmes zonjës Büchel të "pjekë petlla me ujë" sa i përketë mësimit në gjuhën shqipe për nxenësit shqiptarë në Hamburg.

Se gazetari nuk është i informuar mirë, ose me qellim e bën ketë, tregon pyetja që ia drejton Z. Büchel;

" Bota sot: Që nga viti 2000 e keni organizuar edhe mësimin e gjuhës shqipe për nxënësit shqiptarë. Prej nga kjo iniciativë juaja?"

Duke e parë se gazetari nuk është i informuar mirë ajo ( Helga Büchel), mundohet t´ia përkujtoj atij se ;

Helga Büchel: " Kërkesa për organizimin e mësimit edhe në gjuhën shqipe ka qenë edhe më herët...."

Megjithatë, nuk e dijmë për çfarë arsye ajo këtë të vërtetë e tha për herë të parë (?!) Kur dihet se ajo gjithmonë ka qenë kundër shkollës shqipe në Hamburg.

Tani të nisemi nga e vetmja e vërtetë që e tha z. Büchel në intervistë, për të mësuar drejtë historikun e mësimit shqip në Hamburg.:

Mërgimtarët tanë qysh më herët, më 1991, më angazhimin e tyre direkt, trokiten nëpër kancelaritë e Hamburgut. Ata kërkuan që mësimi plotësues i gjuhës shqipe për shqiptarët në shkollat e Hamburgut të pamvarësohet nga Konzullata e Jugosllavisë. E, jo në vitin 2000, siq pretendohet të thuhet në intervistë.

Në kërkesën e shqiptarëve, pas një përsiatje të gjatë u arrit që të kontaktohet n´atë kohë me Ministrin për Arsim të Landit Hamburg, më zotin Dr. Schwenk. Ai pasi i priti dhe i dëgjoi kërkesat e shqiptarëve, u dakordua që herë për herë, problemi i mësimit shqip në shkollat e Hamburgut të pavarsohet nga Konzullata e Jugosllavisë. Shiko shkresën nr. S-12/3 e datës 14.11.1991 e nënshkruar nga Dr. Schwenku, që ia dërgon KSH " Kosova" në Hamburg.

 

Mirëpo, gjatë vitit 1991 shumçka rreth mësimit shqip ngeci në Hamburg për shkaqe të njohura, të ndërhyrjës se konzullit jugosllav deri në Senatin e Hamburgut. Shqiptarët nuk u ndalën më kaq por duke vazhduar me kërkesat e tyre ata arriten deri të senatori në Ministrin për Arsim të Hamburgut, z. Lange i cili i priti një delegacion shqiptar.

 

Gjatë bisedimeve me z. Lange ku ishte prezent edhe z. Schwenku përgjëgjës i drejtorisë së shkollave në Hamburg. Pas bisedave të gjata në realacionin shqiptarë ( prindër të fëmijve shqiptarë) me Ministrinë e Arsimit të Hamburg, ajo lejoi që mësimi plotësues i gjuhës shqipe, në shkolla gjermane do të jetë i pavarur nga konzullata jugosllave në Hamburg. Z. Lange premtoj se fillimi i vitit shkollor 1992 do të filloj më mësim të rregullt dhe se arsimtarët shqiptarë do të paguhen sipas standarteve që i kanë shkollat tjera të vendeve të huaja. ( "Rilindja" e dt. 4 gusht 1992.

Këtij aktiviteti gjithsesi i printe edhe kontaktimi i përfaqësuesve të Republikës së Kosovës me zyrtarët gjerman, si me; z. Lange, Schwenkun, Günter Apel etjerë, e pastaj letra 03 Nr. Zyrtar, Prishtinë 2.07.1992 dërguar Senatorës, Zonjës Raab.

Gjithë këtë punë dhe aktivitet e kanë zhvilluar mërgimtarët tanë, pa u lidh më Konsullatën Jugosllave që nga viti 1991 e, jo nga viti 2000 (?!)

Më vonë, kur u bënë disa ndryshime në kuadrin mësimor, ndryshime këto që i bëri Bashkësia e Prindëve Shqiptarë në Hamburg, e kjo Bashkësi është formuar në vitin 1996 nga z. Gani Ramaj, gjithçka funksionoj mirë.

Po çka ndodhi më vonë?! Nga interesat përsonale, për t´u bërë dhaskalica me çdo kusht, lindën disa probleme në trekëndëshin; Bashkësi e Prindëve Shqiptarë në Hamburg- mësuese dhe prindër. Në këtë mes u ngatërrua edhe zonja Büchel, një administratore që ishte e ngarkuar me detyrë për shkolla të Hamburgut. Zonja Büchel në bashkëpunim me dy "zonja" tjetër arritën aq largë sa shqiptarët në një tubim për çështje të shkollës shqipe ti quaj; " ju shqiptarët qëndroni më ultë se romët(!?) Ketë fyerje ajo e bëri në sallën e Shkollës se Veddelit-Hamburg, në prezencën e më se 200 shqiptarëve.

Është e vërtetë se pas vitit 2000, ajo ( zonja Büchel) dhe ato( docentija e D. Hebibit), përmes prapaskenave arriten që mësimi plotësues i gjuhës shqipe në shkollat e Hamburgut, nga kopetenca e Ministrisë për Arsim të Hamburgut të kaloj shumë më ultë. Mësimi plotësues i shkollës shqipe nga Ministria për Arsim i Hamburgut fshihet, shqiptarët nuk trajtohen më si popujt tjerë evropian, por kopetencat i barten një shoqate për të huaj: Qendra e të ngarkuarve për të huaj ( Büro der Ausländerbeauftragten), nga shkresa e datës 27.10 2000, nënshkruar nga Horst Tietjens)(?!)

Zonja Büchel, Zoti Tietjen dhe zyrtarizimi i gjuhës shqip për nxënësit shqiptarë në shkollat e Hamburgut

Më vonë, pas asaj "zonjës"( Buchel) na doli një "zotëri" i quajtur Tietjen i cili paska thënë; ( citoj intervisten e Afërdita Halimi-"docentes" së Hamburgut me z. Tietjens po në gazetën " Bota sot", 11.01.2001): " ...Ne ua hapim shkollat, ne ua paguajmë mësuesit, kurse ju jeni ata që e pengoni apo punoni për shkollën shqipe". A, nuk tingëllon kjo si diçka e dëgjuar shumë vite nëpër Kosovë derguar nga "profesorët" e sllavistikës në Beograd kur thonin ; " Ne shqiptarëve ua lejojmë shkollat shqipe por ata të mirës sonë i biejnë shqelm"(!?) 

Për t´i ndihmuar këtij "shpirtmiri" që i ka merak aq shumë shqiptarët, ai edhe shpall konkurs, konkurs ky i  nënshkruar nga zotëri Tietjens derguar Bashkësisë Shqiptare në Hamburg. Z. Tietjen  kërkon që rreth këti konkursi kjo bashkësi ti njohtoj shqiptarët. Në atë shkresë askund nuk shkruan se mësuesi i gjuhës shqipe duhet ta njoh gjuhën gjermane. Për qudi në konkursin e shpallur ndryshohet konkursi duke ia shtuar kusht, " të njohin gjuhën gjermane".

Pas këtij konkursi, s´është me rëndësi se kush pranohet mësues i shkollës shqipe në Hamburg, por e keqëja qëndron se askush nga prindërit në disa shkolla nuk pranon që këtyre mësuesve të rinj t´ua dërgoi fëmijët për ti mësuar. Për mos vijimin e mësimit shqip të 900 nxënsëve shqiptarë, sa i pranon edhe zonja Büchel në intervistë, fajin duhet kërkuar të z. Tietjen, zonja Büchel dhe "docentia". E kur nga goja e Zonjës Büchel del se në Hamburg janë 900 nxënës shqiptarë, pse gazetari nuk e pyet Zonjën, për sa nxënës shqiptarë i paguan mesuesit Ministria e Arsimit të Hamburgut?!

Mjerisht, e gjithë kjo prapaskenë është gatuar në kontakte të "docenties" me zotëri Tietjensin dhe Zonjën Büchel, nën parullën e kamufluar se;. " Qëllimi është që të zyrtarizohet mësimi në shqip nëpër shkollat gjermane". Po i pyesim Z. Büchel dhe gazetarin e dirigjuar nga "docentia" se, zyrtarizimi i gjuhës shqipe a bëhet duke e zbritur mësimin e gjuhës shqipe nga Ministria për Arsim të Hamburgut, në një "Shoqatë për të huaj" me drejtor zotëri Tietjens? 

 

A e dijnë ata që vepruan prapaskenave të tilla se mësuesit e gjuhës shqipe në shkollat gjermane janë të punësuar direkt të pala gjermane me leje qendrimi në gjermani, me sigurime pensionale dhe shendetsore, e jo siq është rasti më shkollën shqipe në Hamburg, vendosur nga zonja Büchel dhe zotëri Tietjensi.

 

Mësuesit shqiptarë paguhen me një honorar prej 18 Euro orën e mësimit, pa asnjë sigurim. Pse gjuha shqipe në shkollat e Hamburgut u zbrit aq poshtë, paturpësisht ra nga niveli i gjuhëve evropiane siq ishte gjuha shqipe e barabartë me italishten, spanjollishten, turqishten, kroatishten... tani ajo traajtohet me gjuhet e fiseve afrikane. Trajtohet si kurse gjuhësore ( shkresa e 27.10 2000, e nënshkruar nga z. Tietjens)

A thua vallë, kështu është zyrtarizimi i gjuhës shqipe përmes kurseve, si ato kurset e gjuhëve të vdekura, model çfarë na afruan projektuesit? Apo, mjafton që dikush të ketë raporte të mira më Zonjën Helga Büchel dhe z. Tietjens, ose të kundërten; me " docenten" dhe gazetarin, dhe "dikush" të lavdërohet se ka bërë punë të madhe? Me siguri se po, shqiptarët u hoqen nga buxheti i Ministrisë për arsim me fajin e disa "docentëve" pseudointelektual..

Copyright©2000-2003 Trepca.net - Të gjitha të  drejtat e rezervuara.