Poeti: Shaip EMËRLLAHU


	31.05.2003 - Trepca.net
	Ju njohim me poetë tanë:
	Shaip EMËRLLAHU

	- Në konkursin letrar të Qendrës kulturore "Naji Naaman" në Bejrut - Shaip Emërllahu fitoi çmimin letrar "Naji Naaman" 27/05/03 Shënime për autorin Shaip Emërllahu u lind më 13. IV. 1962 në fshatin Trebosh të Tetovës, Maqedoni (FYROM). Shkollimin fillor dhe të mesëm i kreu në Tetovë. Studimet e larta për Gjuhë dhe Letërsi Shqipe i mbaroi në Universitetin e Prishtinës (Kosovë). Është drejtor i Manifestimit Letrar Ndërkombëtar “Ditët e Naimit” - Tetovë. Aktualisht punon redaktor i rubrikës së kulturës në gazetën “Flaka” në Shkup. Në Shtëpinë botuese „Naim Frashëri“ – Tiranë, ka botuar përmbledhjen me poezi „Pagëzimi i viteve“, 1994. Vëllimin „Projekti i thyer“ e botoi Shoqata e Shkrimtarëve Shqiptarë, Shkup, më 1997. Më vitin 2000, botoi librin (shqip-anglisht) me dëshmi mbi masakrat serbe në Kosovë “…edhe ne dëshmojmë” ( bashkautorë me A. Selmanin dhe S. Salihun ). Përmbledhjen "Vdekja e paktë" e botoi " Flaka" – Shkup, më 2001. “Vdekja e paktë” / ”Putina moarte”, përmbledhje poezish, botoi Editura Academiei Internacionale Orient/Oksident, Bukuresht, 2002. Shaip EMËRLLAHU MOLLËT E TETOVËS nëpër koncerte shekujsh i krasiste e ujiste Tetova Mollët e veta si kokë kripe të vjen të pëlcasësh kur i sheh tutje si i grin dhëmbi i keq fundja hëngrën aq sa t’u mpihen dhëmbët Tetovë, 1989 MAJAT Jusuf e Bardhosh Gërvallës dhe Kadri Zekës majat asnjëherë nëpër dritaret e gjykimeve tona nuk na shfaqen me qafë të zgjatur Kërçovë, 17 janar DROMCA JETE nesër nëse s’luhet valsi i shkëlqimit të syve në dy krahë të hapet rruga shkeljet e kujtesës mbi të kaluarën e kërkuar ushqejnë vetëm ngushllim gjethi i episodit të udhës ngrihet në gjerdan jete kë shënjon faji për këtë ngjitje gjethi në atë model gjerdani kur unë s’kam gisht në këtë trazim që formulon jetën dromca hovesh është jeta BREZI IM ende pa të pushuar tambli të të rrjedhë, qimet e flokëve filluan të të zbardhen ç’fat paske o Brezi im?! KAH PO SHKOJMË bishti i natës mbeti për çerdhe buklash gjethi i mëngjesit plasi me zor kah tash?! 1994 DEMANTUESIT KANË VDEKUR të gjithë ata që s’kanë qenë në Kala të Krujës pëshpërisin “Shqipëria një kafshatë” kanë të drejtë kundërshtarët e Motit të Madh kaherë kanë vdekur Krujë, 1 janar 1991 MARATONA SHQIPTARE Tiranën më parë se maratonisti spartan Athinën do ta shkeli atë ditë kur lajmin e rënies së Mesjetës së ngelur do ta shpie vdekjen maratone do ta sfidojë etja e madhe për të soditur kurorën aq të pritur tek lëshohet pas mbi visin tim sa vjen e provokohet në këtë krah Maratona shqiptare Tiranë, 1994
	- Në konkursin letrar të Qendrës kulturore "Naji Naaman" në Bejrut - Shaip Emërllahu fitoi çmimin letrar "Naji Naaman" 27/05/03

	Copyright©2000-2003 Trepca.net - Të gjitha të drejtat e rezervuara.