OPINIONE

Mediat dhe Politika

Roli i mediave masive pas kolapsit të regjimeve

Oslo (Norvegji), 24 maj 2003 / Shkruan: Gëzim MEKULI

 

   

Mediat dhe shoqëria

 

Gjdo shoqëri dhe komb, në vecanti ato kombe të "vogla", duhet të kujdesen për mbarëvajtjen dhe profesionalizimin e mediave kombëtare. Nëpërmes tyre të mundësojnë artikulimin, propagandimin dhe kultivimin e identitetit të tyre kombëtar, kulturor, ekonomik dhe strategjik.

 

Posaqërisht ato kombe që nuk e kan të shëndoshë sistemin e tyre të ”imunitetit” (mbrojtjes) mbi sigurinë kombëtare  duhet t'i kushtojnë rëndësi e investim të madh intelektual, demokratik e material në këto institucione. Jo vetëm për ato kombe që kan mbetur në "gjysmë të rrugës" por edhe shoqëritë më perparimtare e demokratike kanë nevojë për kultivimin dhe artikulimin e interesave të tyre politike, ekonomike e sociale.

 

Përgjegjësia më e madhe e mediave, për një shoqëri demokratike, është që kjo t'i shërbej në mënyrë të shëndosh popullit pra, opinionit publik. Asnjë shoqëri mediale "nuk  guxon" t'i ikë kësaj përgjegjësie. Kërkesat e opinionit publik nga mediat është që këto mos të degjenerohen dhe mos të "tërbohen" nga interesi material dhe ai karierist... Dënimi nga opinioni publik, dënim që gjeneron nga paknaqësia informative, shumëherë mund të vie befasisht shpejt.

 

Se a jetojn popujt prapa perdeve të mendafshta, perdeve të celikta apo pa perde fare, kombet janë, së pari, të interesuar dhe "të etshëm" për lajmin, informacionin, lajm e informacion, i cili ndikon tek ai, fqiu, dhe larg tijë...

 

Detyra e mediave është që të bëjë "të kapshëm" këtë interes të vazhdueshëm, në një lajm cilsor e objektiv. Obligimet parësore dhe fundamentale të mediave masive janë: që lajmin, informatën pra të renë "t'a mbuloi dhe t'a mbeshtjelle" objektivisht dhe saktësisht, t'a thotë besueshëm dhe natyrisht t'ia shpjegoi popullit se c’fare don të thotë ai lajm apo informatë për jetën e përditshme.

 

 

Mediat dhe lakmia për "dominim"

 

Në ato shoqëri dhe kombe ku pushtuesi ka lënë gjurmët e veta, padyshim se ai aty ka "mbjellë" edhe opinionin dhe veset e tija coroditese. Kështu, shumë shtepi të mediale pas ndryshimit të rendit të ri politik e shoqëror, tentojnë që të marrin në dorë rolin e "udhëheqjes mediale", rolin e "ushqimit" për opinionin publik. Ushqim, që gjthsesi nuk do ta kishte  sasinë e domosdoshme të vitaminës, proteines, energjisë…pra, do të ishte ushqim-helm!  

 

Në shumë shtete post komuniste kemi shum shtepi mediale si: gazeta, radio e TV, të cilët provojnë të mësojne dhe të japin leksione gazetarie të tjerave kompani mediale,... se si duhet të punohet, se si duhet bërë lajmi! Në këta "publicist" akoma kemi të mbjellurë farën e mendimit prej pushtuesit, totalitarizmit, pra dominuesit. Për këta gazetar e gazetare vlenë vetëm "realiteti” i prodhuar nga mediat e tyre. Jo rrallë nga ky lloj lansues informatash opinioni publik është i irituar, i gënjyer dhe i shqetsuar. Për këta mediatorë, siq duket, vlen motoja: "Unë jam vetë media !!!

 

 

Mediat dhe "demokracia"

 

Tani në këtë pozitë të re e demokratike, aparati shtetëror, pra qeveria, "nuk ka mundësi", që nëpërmes mediave të tyre të përkdhelura, të kapi dhe "të fus nën sqetull" të gjitha mediat komunikative dhe agjensit e lajmeve. Fatkeqësisht opinioni publik në dardani është duke vështruar humbjen e pavarsisë të disa mediave para "donatorëve" ndërkomëtar dhe instrumentit politik…!  Në ato shtëpi mediale mbizotron sjellja e fryma partiake, përkulja dhe ndëgjueshmëria fëminore; Nga këto media, jo rrallë, lansohen deklarata e mendime tragji-komike për kombin shqiptar në përgjithësi.

 

Megjithatë duhet nënvizuar dhe besuar se lëvizja dhe progresi ynë medial, me gjithë të metat dhe mangësirat e saja, ecën përpara me hapa breshke. Këto ”lëvizje breshke” ( demokratike e shpresëdhenëse ) kanë thyer monopolin medial dhjetevjeqar, kanë arritur të "lexojnë" dallimin nëmes mediave të regjimit, karieriste, të shitura e partiake ndaj atyre hulumtuese, kritikuese, informative e kombëtare. Problemi që ka "helmuar" në masë të madhe mediat shqiptare është mangësa e ndjenjës të përgjegjësis ndaj lajmit të vërtet dhe objektiv.

 

Në situata të ndryshme politike, mediat kanë edhe rolin e tyre të definuar, shpesh herë të shenjtë e të pazavendësuar. Ne jemi dëshmitar, kur mediat masive ishin faktor kryesor organizativ dhe konsolidues në proceset e udhëheqjeve të popujve në luftërat e tyre për clirim e pavarësi kombëtare, ekonomike e politike... Shumë shtete të paktit socialist të Evropës lindore "gjetën rrugën", nga Lindja në Përendim, mu në saje të ndihmës titanike të mediave profesionale e kombëtare.

 

 

Mediat në shoqëritë transitore

 

Në periudhën transitore, nga sistemi politik totalitar në atë demokratik, gazetarët dhe gazetaret, po ashtu edhe recipicientët, duhet "të mësojnë" të ambientohen në një shoqëri ku egsistojn, krah për krah, mega mendime e opinione afër njëra tjetrës,… puthurazi.

 

Njerëzit e lapsit, "këta nxitesit e turbullirave" duhet "vetëm" të informojnë për këto mendime e opinione dhe, publiku të vendose vet se, cili mendim apo opinion është më i "shëndosh dhe/apo i kapshëm" për veten e tijë.

 

Në këtë periudhë transitore të rregullimit shtetëror mediat duhet të rishiqojnë pozitat e tyre "miqësore" në raport me "aparatin shtetëror" dhe politikëbërësit, pra UNMIK-un. Nëse në periudhen e luftës për pavarësi kombëtare, funksioni i mediave ishte të përkrahë dhe të ndihmoi "verbërisht " politikanët dhe politikat e tyre kundër pushtuesit apo totalitarizmit të mirëarmatosur, sot, mediat do të ndihmonin qeverinë, forcat politke, pra pavarësin e bashkimin kombëtar, vetëm nëpërmes kritikës së guximshme objektive, profesionale dhe argumentuese,...por gjithsesi pa ndërskamsa e xhelozi ballkanike. 

Copyright©2000-2003 Trepca.net - Të gjitha të  drejtat e rezervuara.