Përfundoi punën konferenca shkencore “Shtypi islam dje, sot nesër”

Prishtinë, 24 maj 2003 / Nga Ramadan Shkodra - Sot në Prishtinë, përfundoi punimet Konferenca  shkencore “Shtypi islam dje, sot dhe nesër”, që e organizoi Kryesia e Bashkësisë Islame të Kosovës, ku qenë të pranishëm mbi 50 punonjës shkencor dhe ekspetë të shtypit nga të gjitha trojet shqiptare si dhe nga diaspora.

 

Në ditën e dytë me kumtesa u paraqitën Bujar Shehu dhe dr. Njizazi Kazazi (Shkodër) “Kontributi i shtypit fetar në rilindjen islame gjatë periudhës së ndryshimeve demokratike 1990-2003”; Dr. Bajram Xhafa (Shkodër)  “Kontributi i shtypit islam në unitetin e kombit shqiptar”; Ahamet Sadriu (Prishtinë) “Fazat nëpër të cilat kaloi “Dituria Islame”; Isa Bajçina “Shkalla e zbatimit të shqipes standarte në shtypin islam të Kosovës në vitet 70 të shekullit të shkuar” etj.

 

Me mjaft interes ishte edhe kumtesa e Mr. Besa Ismailit (Prishtinë) “Portretizimi i femërs muslimane në shtypin shqiptar”; pastaj një vëmendje e posaçëme nga referuesit iu kushtua ardhëmerisë së shtypit islam, përse referuan: Ervin Hatibi (Tiranë); Rolad Hysa (Tiranë); Olsi Jazexhi (Tiranë); Omer Kajosha (Podgoricë); Mehmet Kalisi (Kaçanik), Sabri Bajgora (Prishtinë) etj.

 

Qe konstatim i përgjithshëm se shtypit në të ardhmen duhet t’i kushtohet kujdes edhe më meritor. Gjithashtu u shtrua nevoja e një koordinimi dhe bashkëpunimit më të madh në mes  të botuesve nga Shqipëria, Kosova, Maqedonia dhe diaspora.

 

Organizatorët janë shprehur të kënaqur me rrjedhën e konferencës dhe premtuan që kumtesat e konferencës t’i botojnë në një botim të veçantë. Për nesër organizatori për pjesëmarrwsit nga Shqipëria  ka paraparë një ekskursion nëpër Kosovë.

Copyright©2000-2003 Trepca.net - Të gjitha të  drejtat e rezervuara.