Në antologjinë “Atdheu i huaj” që doli në Zvicër edhe autori nga Kosova Shefqet Dibrani

24 maj 2003 / Shkruan: Bekim Toçani                                            Më fyeni çdo ditë,                                          Ju që s’e njihni fisin tim…                                                                  Shefqet Dibrani Gjatë muajit prill 2003, në Zvicër doli në qarkullim Antologjia “Fremde Heimat” me 17 poetë zviceran dhe nga vende të tjera që jetojnë e krijojnë në Zvicër dhe autorë tjerë në mesin e të cilëve edhe poeti e publicisti kosovar Shefqet Dibrani. Në këtë antologji janë prezentuar  shtatë poetë zviceran që përfaqsojnë gjuhët zyrtare të Zvicrës: gjermane, frënge, italiane dhe gjuha retoromane. Në antologjinë “Atdheu i huaj” përfaqsojhen edhe: Gisela Roloff - Gjermaninë, Irina Wolodina-Beerle - Ukrainen, Liliana Berov -Bullgarinë, Marta Elizondo-Meksikon, Baydar Özcan - Turqinë, Diana Popovic Haddad-Libanin, Andràs Sandor - Hungarinë, Dzida Emina Sulejmanagic - Bosnën dhe Milena Vukoje Stamenkovic - Serbinë, kurse poezinë shqipe e përfaqëson z. Dibrani. Ai është prezatuar me 4 poezi në gjuhën gjermane të cilat  paralelisht janë  botuara në gjuhën shqipe dhe përfshijnë vargjet e poezive:  „Njeriu me syze“, „Unë dhe lumi“, „Ecje“ dhe „Ju që se njihni fisin tim“, kurse ato i shoqëron një biografi e shkurtër e autorit.

Poezia e z. Dibrani e paraqitur në antologjinë zvicerane shfaq para lexuesve një sheqtësim të brendshëm të fatit personal dhe kolektiv të njeriut shqiptar. Katër poezitë e autorit nga Llapi – Kosova paraqesin një botë të tërë emocionesh që me lexim të melodishëm mund të përmblidhen në një mesazh sa shqetësues aq edhe human për të gjithë ata që mund të lexojnë 4 poezitë e përkthyera edhe në gjermanisht.

Rrugëtimi i poetit jo vetëm në jetën e mërgimit, në kohën kur mund të gdhihesh njeri e ta mbyllësh natën i anatemuar me lloj-lloj epitetesh fyese e denigruese, bën që poeti të:

Eca tehut të shpatës buzë lumit,

S'kaj dritës përballë besës.

Mirëpo ai rrugëtim krenar, i pathyeshëm në mëtim për të qenë uni i tij, përsëritshëm ngadhnjen para njerëzve që kanë “syze por nuk kanë sy” ose tek ata që “ka sy dhe syze, Dhe prapë lexon së prapthi”.

E Shefqet Dibrani ka ditur dhe di edhe sot e nesër që:

 Eca gjithmonë me kokën lart,

Duke u qëndruar të gjithave pranë.

Antologjia “Atdheu i huaj”, është përgatitur nga Shoqata „Urat e kulturave ndërkombëtare“ (International Kulturbrüke), dhe është botuar nga Shtëpia Botuese me renome „Weltrundschau Verlag AG“ në Baar kantoni ZUG.

“Protogonist të idesë për t’i përmbledhur autor nga vende të ndryshme që jetojnë në Zvicër në një antologji të përbashkët është poeti turk Baydar Özcan dhe poetesha zvicerane Susanna Merkle” ka pohuar z. Dibrani duke njoftuar se redaktor i Antologjisë është ish president i shoqatës Erich Gysling - kryeredaktor i Shtëpisë Botuese dhe autor i enciklopedisë vjetore me ngjarjet më të rëndësishme botërore dhe një nga komentatorët më të njohur të televizionit zviceran SF1.

Poezitë e Shefqet Dibranit të cilat janë mirëpritur, sidomos gjatë prezentimit të Antologjisë „Fremde Heimat“ që u bë në Cyrih, ku u paraqitën edhe Baydar Öscan dhe poeti zviceran Al Imfeld, që njihet si njeriu 5 kontinenteve.

Në këtë mbrëmje Shtëpia Botuese Weltrundschau Verlag, prezentoi edicionin e 31 me radhë të librit „WELTRUNDSCHAU“, që është një libër enciklopedik me ngjarjet botrore që kanë ndodhur gjat vitit 2002 dhe që editohet në 6 gjuhë botërore, me fotografi artistike format të madh me lidhje të fort dhe as me lidhje speciale dhe mbështjellje lëkure të cilët kushtojnë nga 97 CHF e deri 157 franga.

Do theksuar se Antologjia me poezi “Fremde Heimat”  ka një përgatitje teknike bashkëkohore, me 192 faqe dhe që kushton 25 CHF.

JU QË S’E NJIHNI FISIN TIM

Më fyeni çdo ditë,

Ju që s’e njihni fisin tim…

Më quani sllav(?!)

A diç tjetër…

 

Jo, s’jam.

As farë s’i kam.

 

Ai vend i vogël,

nga kafshimet i lodhur,

me njerëz krenarë,

si lisa në këmbë.

E plagë të rënda,

 

me halle të mëdha

e luftëra të gjata

është toka ime,

është gjaku im.

 

Këtu jam fidan

Si lule në shkëmb!

 

Më fyeni çdo ditë

Ju që s’e njihni fisin tim…

Copyright©2000-2003 Trepca.net - Të gjitha të  drejtat e rezervuara.