NË TAKIMIN E PËRZEMËRT ME BASHKATDHETARËT NË LECCO (Itali), DR DOM LUSH GJERGJI NA THOTË:

Ju jeni plaga jonë - ju jeni malli, dhembja e mbi të gjitha krenaria jonë

20 maj 2003 / Shkruan: Engjëll KOLIQI   

 

Meshtari, shkrimtari e atdhetari ynë i mirënjohur dhe i dëshmuar - Dr Dom Lush Gjergji, në turneun e tij disa javësh nëpër Europë, të dielën e 18 majit gëzoi bashkësinë e madhe shqiptare në Lecco të Lombardisë, në Itali. Me të dëgjuar për ardhjen e Dom Lushit, shumë mërgimtarë kishin ardhur në Lecco edhe nga vise të tjera të Italisë, me qindëra kilometra larg, sepse thonin se çdo takim me te është një kënaqësi e madhe dhe na i jep fuqi shpirtit, që me krenarinë tonë kombëtare t'i që ndrojmë të paepur plagës së mërgimit e ta japim kontributin tonë për atdheun e popullin.

 

		Në ora 14, bashkë edhe me Dom Agim Qerkini-n Dom Lushi ka çelebruar Meshën Shenjte, në kishën e stërmbushur me besimtarë (katolikë, myslimanë e ortodoksë bashkë). Mbas meshe takimi me bashkatdhetarët, në njërën nga sallat më të mëdha të famullisë në Pescate, por që ishte e vogël për t'i pranuar të gjithë mërgimtarët që kishin ardhur të takohen me Dom  Lushin e ta përshëndesin për së afërti!!!   - Nuk dua ta zgjas shumë - ka thënë që në fillim të takimit Dom Lushi - por dua të ju them të vërtetën se unë në çdo takim me ju, përnjëherësh ndjej dhembje e krenari. Ju jeni plaga jonë, se i mungoni shumë atdheut, ju jeni malli ynë, ju jeni dhembnja jonë, por mbi të gjitha ju jeni krenaria jonë, sepse jeni ju që i keni dalë e i dilni ballë në çdo nevojë e në çdo vështirësi atdheut e kombit - u ka thënë Dom Lushi mërgimtarëve në Lecco, të cilët shpesh e kanë ndërprerë me duartrokitje frenetike.
Dom Lushi me arkitektin Umberto Trenta, duke ia paraqitur Kryetarit Rugova projektin Tempulli i Lirisë  «Nëna Tereze»

    

Ai pastaj i ka njoftuar të pranishmit me nismën e akcionit për ndërtimin e Kishës së Zemrës së Krishtit në Viti, ku Kuvendi i Komunës i ka dhuruar për këtë qëllim truallin prej 38 ari, në vendin ku deri më tash bëhej tregu u gjelbërt. Kjo është një ndihmë e madhe, që forcon bashkëjetesën dhe afrimin e njerëzve të besimeve të ndryshme në Kosovë, kjo është një leksion i fortë edhe për demokracitë dhe civilizimin e vendeve europiane - ka thënë Dom Lushi.

 

Të pranishmit kanë shprehur gatishmërinë për të ndihmuar financiarisht ndërtimin e kishës në Viti. Sikurse këtu, poashtu edhe në takime të tjera në Zvicër e në Gjermani, janë shumë edhe besimtarë myslimanë që kanë ofruar ndihma financiare për ndërtimin e Kishës në Viti - ka konfermuar Dom Lushi. Ai ka thënë se këto vlera që bashkëkombasit tanë i kanë trashëguar nga traditat e shenjta kombëtare dhe që i ruajnë, e vërtetojnë civilizimin e lashtë e të lartë të popullit tonë, një ndër popujt e parë të kontinentit të vjetër.

 

Duke i falënderuar të pranishmit për mikpritjen dhe për solidaritetin e shpehur, Dr Lush Gjergji u ka uruar të gjithëve jubiletë e mëdha kombëtare: 300 Vjetorin e  Kuvendit të Arbërit dhe 125 Vjetorin e Lidhjes së Prizrenit dhe Vitin e Nënës Tereze, e cila sivjet do të shpallet e Lumturuar, hap i fundit drejt shenjtërimit zyrtar!!!

Copyright©2000-2003 Trepca.net - Të gjitha të  drejtat e rezervuara.