OPINIONE

Pas miratimit të të Regullorës për privatizim diaspora mbetet jasht loje, përkatësisht (para)paguesit e Fondit të Republikës së Kosovës, Fondit "Vendlindja thërret"

St. Gallen (ZVICËR), 14 maj 2003 / Zef Ahmeti

Pas një kohe të gjatë është miratuar Regullorja aq shumë e (për)folur e privatizimit të pasurisë shoqërore ne Kosovë. Një nga pikat kontestuese që ishtë shfaqur në procedimin e kësaj Regulloreje ishte çështja e punëtorëve që kanë punuar në ndërmarrjet publike. Konkretisht ishte e kontestuar çështja, se cilët punëtorë duhej të kompenzoheshin, ata që kanë punuar para viteve të `90ta, apo ata që kanë punuar pas viteve të `90të.

Meqë kjo Rregullore është nënshkruar nga shefi i Unmikut, Michael Steiner, pas miratimit të KS të OKB-së, edhe çështja kontestuese e lartpërmendur lidhur me kompenzimin e ish-punëtorëve duket te jetë regulluar de jure si vijon: "Një pjesë e të ardhurave të shitjes nga privatizimi do t’u shpërndahen punëtorëve të ndërmarrjeve të privatizuara. Kjo pjesë është fiksuar në 20 për qind të çmimit të ofertave të paguara për NSH-të e interesuara"

Kjo Regullore (këtu habitem pse edhe metutje flitet për Rregullore e jo për ligje) për privatizimin e pronave shoqërore do të ndikoj në përmirësimin e jetës ekonomike në Kosovë, mirëpo nuk duhet të kemi iluzione se do të bëhen edhe mrekulli. Edhe mëtutje këtu do të përfitojnë më së shumti ata që sot janë në pushtet, të lidhur me pushtetin, apo ata që në shpinë të patriotizmit kanë rritur pasuritë e tyre në forma të paparashikueshme.

II.

Çështja më e diskutueshme para miratimit të Rregullorës ka qenë ajo e kompenzimit të punëtorëve. Një gjë me rëndësi të veçantë, e që as nga qeveria e as ndonjë segment tjetër, nuk është hedhur fare në dialog, është e drejta e pjemarrjes së kontribuesve(parapaguesve) të Fondit të Republikës së Kosovës për një dekadët të tërë, por edhe shumë të tjerë nga diaspora që kanë paguar edhe në fondin tjetër, të "Vendlindja Thëret". Atyre (diaspors) nuk iu është dhënë mundusia që të kompenzohen për shumat e mëdha që kanë derdhur nëpër këto fonde, pra që ato shuma sot t`iu njihen këtyre njerzve që të marrin pjesë si aksionarë, dhe bashk me shumat plotsuese të hyjnë si aksionarë aty ku ata shofin interesin e tyre.

Pse nuk iu falenderohen struktuart e Kosovës diasporës se sajë në këtë formë të veprimit?!! Ndoshta (para)paguesit nuk kanë interesim?!!

III.

Parlamenti duhet të kërkoj përgjigje nga të dy udhëheqësit e Fondeve, atij të Republikës së Kosovës, dhe Vendlindja Thëret lidhur me të dhënat dhe gjendjen e të hollave, djersën e popullit. Kushe ka të drejtë të dispunoj mbi ato të holla, kurë dihet se destinimi i tyre tani nuk është relevant me atë të dhënë në fillim?!!

Mëtutje, Parlamenti i Kosovës duhet të filloj ngadal që përgjegjësit e Fondeve të Kosovës, të thirren që të japin përgjegjësit e tyre lidhur me të hollat shqiptarëve në diasporë, që kanë derdhur nëpër këto fonde, të holla këto të fituara me mund të madh!

IV.

Se ky shkrim, si edhe shumë të tjerë do të hasë në veshë të shurdhër, është e vërtete. Dhe mu për arsyen se shumë persona, sot që kanë marrë vende dhe poste kyqe, kanë qenë të involvuara në këto fonde, direkt apo indirekt. Dhe që këto figura të japin përgjigje është shumë vështire. E, edhe më vështirë është kurë ata sot kontrollojnë pjesë të mëdha të pasurisë së Kosovës.

Kushë do të përfitoj nga privatizimi? Edhe në procesin privatizimit do të përfitojnë ata që në kurrizin e popullit dhe të patriotizmit mashtrues një pjesë të pasurisë shoqërore e kann privatizuar që herët, kurse sot vetem e legalizojne.

Copyright©2000-2003 Trepca.net - Të gjitha të  drejtat e rezervuara.