OPINIONE

Reagim rreth komentit "Kundërshtarët e LDK-së të mësojnë nga kryeparlamentari Nexhat Daci !" të z. Besim Krasniqi

Sot, ende nuk kemi ndonjë politikan të cilin do duhej marrur si shembull për të mirë, pra  as  z. Nexhat Daci ....!!!

 

7 maj 2003 / Shkruan: Brahim Halimi

      

Gjendja aktuale në Kosovë si në aspektin politik, atë ekonomik por edhe në atë të sigurisë, nuk i japin askujt të drejtë e sidomos atyre që e konsiderojnë vetën intelektual apo që pretendojnë të sillen si intelektual, që t’i bëjnë propagandë negative popullit, duke e lavdëruar çdo here atë palë që e simpatizon dhe duke e kritikuar rregullisht atë që nuk e simpatizon, sëpaku kjo veti nuk iu përket intelektualëve të vërtetë ....

 

Z. Krasniqi gjendja në Kosovë nuk mund të ndryshohet për të mirë vetëm me deklarata shtypi të z. Daci, të zotit Rexhepi e as me deklarimet e zotrinjëve Rugova, Thaqi dhe Haradinaj. Kjo gjendje nuk mund të ndryshohet fare edhe nëse këto përsonalitete kritikojnë ditë e natë UNMIK-un, sepse, siq ka treguar  koha dhe përvoja, ndryshimet bëhen vetëm përmes veprimeve politike dhe juridike respektivisht përmes vendimeve në interes të popullit, për marrrjën e të cilave nevojitet edhe guximi intelektual, gjë që që nuk e kanë të gjithë veprimtarët politik.

 

Unë nuk jam njeri partiak dhe nuk shoh asnjë interes që të merrem me emrat që ju jeni marrur në shkrimin e juaj, por mund të konstatoj se Kosova si një problem madhor e shqelmon secilin politikan individualisht por edhe gjithë këtë klasë politike bashkarishtë, (nëse ai apo ata) nuk do ta mbrojnë seriozisht interesin e popullit.

 

Unë them se Kosovën po e defaktorizojmë pikërisht ne me politikën tonë pasive dhe se është mjerim i rëndë kur ne i ndëgjojmë udhëheqësit tanë që aq shpeshë thirren në njohje formale të pavarësisë (LDK-ja), në moratorium për afatizimmin e kohës për të ardhur te pavarësia(PDK-ja), në pavarësi duke e ndërtuar atë si proces (AAK-ja) , në union me Shqipërinë (LPK-ja), në bashkim kombëtar (LKÇK-ja, UNIKOMB-i, AKSH)...etj., ndërkohë që udhëheqësit e këtyre subjekteve nuk kanë mundësi të pajtohen në mes vete për përpilimin e një strategjie konkrete - të përbashkët, sipas të cilës realizimin e pavarësisë së Kosovës do e bënim realitet.

 

Vetë fakti që asnjëri subjekt si i vetëm nuk ka mundësi ta realizoj pavarësinë është argument i mjaftueshëm që udhëheqësit e subjekteve tona të pajtohen për një bashkërënditje të veprimeve dhe veprimtarisë konkrete në funksion të ndërtimit të strategjisë së përbashkët, nëse vërtetë ata ia duan të mirën popullit në emër të të cilit po thirrën.

 

Është botërisht e ditur se parimi i parë i partive politike është angazhimi për marrjën e pushtetit respektivisht lufta për pushtet siq njihet kudo, por, me që neve në Kosovë na mungojnë shumë mekanizma të rëndësishëm të cilët jo vetëm që do i bënin rregullat e lojës por edhe do e caktonin kufirin deri ku mund të luhet në kuadër të luftës për pushtet, atëhere kjo situatë po keqëperdoret nga partitë tona, për ta mashtruar popullin kush më shumë e kush më pak, pa i dhënë askujt përgjegjësi për mashtrimin apo manipulimin e bërë.....

 

Sigurisht se çdo fazë me e re e procesit tonë ka qenë më e shkurtë se e vjetra, por që kjo fazë e sotme të jetë edhe më e shkurtë,  nevojitet një angazhim i gjithanshëm kritik (i argumentuar) që do të ndikonte në zgjimin nga gjumi si të klasës tonë politike ashtu edhe të atyre intelektualëve të cilët  u janë nënshtruar vijave partiake apo presin kohëra më të mira për t’u angazhuar (për përparimin  e karrierës së tyre politike).

 

E them me bindje të plotë se problemet madhore ekzistuese siq janë: pasiguria territoriale e Kosovës (ku herë pas here hyjnë brenda edhe forca të uniformuara serbe), Mitrovica e ndarë, çështja e pa zgjidhur e të zhdukurve, pazgjidhshmëria e qështjes së pronës dhe pengesat rreth privatizimit, vazhdimi i zbatimit në Kosovë të ligjeve serbosllave (përmes të cilave dënohen shqiptarët siq dënoheshin edhe përpara), varfëria ekstreme e popullit në Kosovë, lënja e mërgatës sonë në harresë, mos hapja e zyrave të Kosovës në disa qendra ndërkombëtare, mosdefinimi i qartë i dokumentit të udhëtimit etj...,  janë probleme të atilla me të cilat do duhej të merreshin institucionet e Kosovës : kryetari, kryeministri, kryeparlamentari dhe të gjithë qeveritarët dhe deputetët tjerë.

 

        Por, me që ata fare pak janë marrur dhe mirren me zgjidhjen e këtyre problemeve, atëhere na takon neve që të mirremi me ta, sepse, duke ua përkujtuar atyre më shpeshë punët e pa kryera, ia bëjmë edhe një shërbim të mirë popullit – pra ia tregojmë popullit të vërtetën siq është e jo ashtu siq e thonë politikanët tanë....!

 

Të shpresojmë për një vetëdijësim më të shpejtë të politikanëve tanë, sa për ta kuptuar se pa bashkim dhe strategji të përbashkët nuk ka ardhmëri të sigurt të Kosovës-pra as pavarësi...!!!

Copyright©2000-2003 Trepca.net - Të gjitha të  drejtat e rezervuara.