OPINIONE

Mos i mbyllni sytë e veshët !!!...

25 prill 2003 / Ahmet Haxhiislami

Kuptoj ndihmën e përkrahjen e botës ndërkombtare që na u gjetë përbri në momentin kritik për ekzistencën e popullit shqiptar dhe për moslejimin e zhdukjes e cfarosjes së ketij populli gjatë luftës së fundit por sa po veprojnë e punojnë Presidenca, Qeveria me të gjitha ministritë e saja, Parlamenti dhe organizatat tjera qeveritare e jo qeveritare, minoritetet që e ndjejnë Kosovën si të tyren në drejtim të jetësimit të synimeve dhe aspiratave për një Kosovë demokratike e të pavarur.

Athua të gjitha këto institucione janë sajuar sa për sy e faqe dhe merren më vetëvehten, rreth vetëvehtes, për pushtetizimin partiak mbi Kosovën dhe nuk reagojnë ndaj kurdisjeve të procesit të fundosjes së Kosovës dhe popullit të saj në HUMNERËN-SËRBI.

Ku janë format e rezistencës së matur e demokratike dhe alarmimi tek miqët dhe dashamirët e Kosovës dhe bërjes me dije si ujkut të plagosur serb dhe aleatëve të saj se Kosova nuk mund të mbetet nën kthetrat e Serbisë. Cdo kund në botë dokumentet e faktet flasin. Aso faktesh po përpilon e sajon Serbia e po i noterizon bashkësia ndërkombëtare ( *Një dokument zyrtar serb për decentralizimin e Kosovës - nga arkivi i Trepca-net ) e ne duarkryqzohem e kënaqem më llafe e retorika boshe se njohja e pavarësisë se Kosovës është vetem ceshtje kohe e momenti.Faktet e dokumentet mbesin e llafet e demagogjitë tresin.

Athua kjo "liri" na solli gjer të vetëkënaqësia e vetëngopësia dhe nuk shofim e përcjellim se cfarë po punohet në dëm tonin e përshtati armikut të përbetuar.Luftat partiake,luftat për pushtet,bajraktarizmat e kapadaillëku,kriminalitetet,vrasjet e vetëvrasjet politike a janë mënyrat e qëllimet e arritjes së cakut për pavarësinë e Kosovës?!.Jo,Jo,Jo e asnjëherë Jo.

A po e shifni se kah po rrëshqet Kosova, kah po e shtyni ju të zgjedhur me votën e lirë të elektoratit. Pse e përqëndroni dhe harxhoni energjinë për përfitime të ngushta partiake, materiale, lokale e aspak demokratike e kombëtare. Apo e keni pasë të qartë qysh heret së mjafton që klane të vogla liderësh, "trimash" e pasuri të pa epurish të majmosen se me Rambuje, Kornizë kushtetuese e karta kushtetuese po verehet se kah ishte nisur e kah po rrëshqet Kosova.

Populli si cdo herë i shkretë duke iu besuar të zgjedhurve të vet del i mashtruar dhe vështirë i korrigjuar dhe asnjeherë i përmirësuar e nuk vënë re se Kartën kushtetuese pas kurdisjes se saj me ndihmën e Hakerupit e me AMINIMIN e bashkësisë Europiane e sot edhe nga Këshilli i sigurimit pos anës juridike edhe formalisht po njihet e" RURAVAP" Kosova sic na mbushin veshët e kryposin sytë ca Liderë ditë e natë me buzëqeshje cinike .

Shpejtë po i harrojmë vuajtjet,dëshmorët,të zhdukurit,tokat e djegura e hamendem e konsulltojmë s`di se kend?!, se cfarë të bëjmë e a guxojmë të i kundërvihemi me reakcione ekuivalente e akte demokratike e legale aprovimit të Kartave kushtetuse të një sajese që automatikisht e humbë legjimitetin mbi e për Kosovën edhe në bazë të rezolutës 1244 ("RFJ" nuk ka më).

Ndërsa na vëjnë para aktit të kryer ne shtiremi se asgjë nuk po na ndodhë në Kosovë,mbi Kosovën e për rreth saj.

E ju zotërinj udhëheqës grinduni mes vedi kënaquni me pozita, kulltuqe, të mira të ngushta partiake e materiale,"JU LUMTË".

Ah Kosovë e shkreta Kosovë, gjithëmonë po të vejnë në sprovë.

P.S. Këte koment e kisha bërë para  ca  muajsh por të tillat gjithëmonë po mbesin aktuale...

Copyright©2000-2003 Trepca.net - Të gjitha të  drejtat e rezervuara.