OPINIONE

NË VEND TË PËRGJIGJES

Agim Vuniqi zbulon haptas shpirtin e tij vasal ndaj nomenklaturës enveriste në Kosovë

Të mësuar tashmë me "porositë" dhe kërcënimet e pseudoanalistëve të "Kosovapressit" dhe "Epokës së re", për hirë të opinionit po e rishtjelloj temën e artikullit të lartëpërmendur me titull "DEMOKRATËT E KOSOVËS GJENDEN NËN "APARTEIDIN" E MASKAVE EKSTREMISTE" duke mos u marrë me shpifje biografishë, meqë ato janë veprimtari që i takojnë shërbimeve sekrete të cilat shërbime kanë gjetur përkrahje tek ata që vuajnë nga sindromi i ashtuquajtur "karrierë politike", e që mund të jenë me siguri rast i mirë edhe për mjekun serb të Mitrovicës, me të cilin paska jarani të madhe "shoku" Agim.

21 prill 2003 / Shkruan: Besim KRASNIQI

Përkundër faktit se shqiptaro-amerikani i Michiganit Agim Vuniqi në reagimin e tij ndaj artikullit tim me titull "DEMOKRATËT E KOSOVËS GJENDEN NËN "APARTEIDIN" E MASKAVE EKSTREMISTE" botuar më 20.prill 2004 në faqet e respektuara të "Trepça.net"-it, nuk sjell kundërargumente ndaj artikullit tim në fjalë, por merret (sikurse çdo marksist-leninist tjetër) me personalitetin tim, duke u marrë me shpifje për kinse nevojën time për të fituar qëndrim të përhershëm në Zvicër".

Këto shpifje të qëllimshme kundër personalitetit tim dhe me porosi nga bosët e kuq të Agim Vuniqit, për ata që më njohin do të tingëllojnë më tepër se qesharake, por edhe për hirë të modestisë sime as që do të futem në sqarime të mëtejme se kush është Besim Krasniqi. Personalisht këtë "reagim" të Agim amerikanit të brumosur me ideologjinë e tejkaluar rusofile, e kuptoj si kërcënim i drejtëpërdrejtë ndaj fjalës së lirë, si dhe vazhdimësi e kërcënimeve të deritanishme ndaj meje nga strukturat e organizuara propagandistike brenda dhe jashtë Kosovës.

Të mësuar tashmë me "porositë" dhe kërcënimet e pseudoanalistëve të "Kosovapressit" dhe "Epokës së re", për hirë të opinionit po e rishtjelloj temën e artikullit të lartëpërmendur me titull "DEMOKRATËT E KOSOVËS GJENDEN NËN "APARTEIDIN" E MASKAVE EKSTREMISTE" duke mos u marrë me shpifje biografishë, meqë ato janë veprimtari që i takojnë shërbimeve sekrete të cilat shërbime kanë gjetur përkrahje tek ata që vuajnë nga sindromi i ashtuquajtur "karrierë politike", e që mund të jenë me siguri rast i mirë edhe për mjekun serb të Mitrovicës, me të cilin paska jarani të madhe "shoku" Agim Vuniqi.

Eshtë e vërtetë se zgjedhjet lokale dhe ato qendrore i ka fituar Lidhja Demokratike e Kosovës, dhe se në kushte normale ajo do të duhej të mbante përgjegjësinë për sukseset dhe dështimet në të gjitha sferat e jetës.

Mirëpo, përveq përkrahjes morale të shumicës së shqiptarëve të Kosovës që e ka LDK-ja, ajo nuk ka opozitë konstruktive politike që do t'a kundërshtonte LDK-në me argumente profesionale dhe ligjore për të mirën e qytetarëve të Kosovës, por LDK-ja ka të bëjë me disa grupime politike të cilave iu janë errësuar sytë për pushtet të pakufijshëm enverist, në emër të vlerave të përvetsuara me bujë dhe eufori propagandistike nëpër mediat e shkruara dhe elektronike.

Kjo nënkupton se LDK-ja jo vetëm që kundërshtohet në Parlamentin e Kosovës dhe institucione tjera sa herë që nga ajo dalin propozime të drejta dhe në dobi të qytetarëve të Kosovës, por ajo luftohet me të gjitha mjetet (e palejueshme), deri tek vrasja e veprimtarëve dhe simpatizantëve të saj, për t'u quajtur mëpastaj këto vrasje nga opozita e mjerë si "vrasje jopolitike"!?

Të zbresim në nivel lokal të organizimit, në komunat ku LDK-ja ka fituar shumicën e votave, nga ana e opozitarëve organizohen veprimtari sabotuese vetëm e vetëm që pastaj faji për mospërmbushjen e premtimeve t'i mbetet LDK-së, mu ashtu sikurse tenton edhe "shoku" Agim në reagimin e tij të porositur.

Pastaj, në komunat ku ka fituar opozita, për të patur ndonjë shansë për punësim, qytetarët detyrohen të kalojnë nëpër subjekte politike që janë në pushtet, përndryshe ata nuk kanë mundësi të mbijetimit në atë komunë. Nëpër shumë komuna të Kosovës, veçmas në komunën e Skenderajt dhe atë të Deçanit të jesh anëtar dhe simpatizant i LDK-së apo i ndonjë partie tjetër me orientime demokratike e nacionaliste, ka mundësi që atë simpati ta paguash edhe me jetë.

Për këtë dëshmojnë vrasja e Haki Ymerit (vrasje e parë politike e pasluftës), vrasja e Enver Malokut, zëdhënësit të presidentit Rugova z.Xhemajli Mustafës, e demokratit luftëtar Ukë Bytyçit, vrasja e kolonelit Tahir Zemaj me djalin dhe nipin e tij, vrasja e gazetarit dhe kolegut tonë të gazetës kombëtare "Bota sot" Bekim Kastratit, vrasja e truprojes së presidentit Rugova Besim Dajakut, plagosja e Gani Gecit dhe së fundi vrasja e nipit të Ahmet Delisë, Azem Ahmetit.

Pra, "shoku" Agim, siç po shihet, në Kosovë po luftohet secili që angazhohet si demokrat e nacionalist i vërtetë për realizimin e pavarësisë së Kosovës, prandaj në fjalorin politik kjo gjendje konsiderohet "apartheid" i llojit të vet. Këtu shihet edhe fakti se kush ka bërë dhe po bën vazhdimisht ndarjen e qytetarëve në "dhi" të zeza e të bardha, sikurse që janë bërë edhe klasifikimet e vullnetarëve të UÇK-së në portin e Durrësit në "ushtarë të FARKUT" dhe në "ushtarë të UÇK-së" nga ana e bashibozukëve të nanoizmit.

Megjithatë, përkundër apartheidit, diskriminimit dhe përkundër rreziqeve që u vijnë çdo ditë nga mbeturinat enveriste të mbështjellura nën velon e "kombëtarëve",  Demokratët e Kosovës (LDK, PLK, PSHDK, PNDSH, Balli Kombëtar etj.) janë të vendosur në misionin e tyre të nisur kombëtar, për realizimin e vullnetit të lirë politik të shqiptarëve të Kosovës - Pavarësinë e Kosovës.

Copyright©2000-2003 Trepca.net - Të gjitha të  drejtat e rezervuara.