OPINIONE

NË KOSOVËN ME LIRI TË PËRGJYSMUAR

DEMOKRATËT E KOSOVËS GJENDEN NËN "APARTEIDIN" E MASKAVE EKSTREMISTE!

Aparteidi enveristo-komunist ndaj demokratëve të Kosovës nuk është vetëm një padrejtësi sociale apo materiale, por kjo është një padrejtësi e cila prek në nderin njerëzor të tyre, e cila i është e garantuar çdo qytetari të botës. Se është më se e vërtetë se Demokratët e Kosovës janë duke vuajtur nën diskriminim dhe ashpërsinë e veprimeve kriminale të klaneve të maskuara dhe të pamaskuara, regojnë vrasjet politike ndaj veprimtarëve të partisë më të madhe demokratike në Kosovë "Lidhjes Demokratike të Kosovës" dhe ndaj përkrahësve të kësaj partie me orientime të qarta demokratike.

 

20 prill 2003 / Shkruan: Besim KRASNIQI

Në qoftë se dikush në Kosovë mendon se aparteidi dhe diskriminimi janë dukuri që mund t'i hasim vetëm në Afrikën e jugut, padyshim se me këtë rast harron Kosovën. Termi zyrtar "aparteid" nënkupton diskriminimin i qytetarëve në bazë të përkatësisë nacionale dhe të ngjyrës së lëkurës, ndërsa në Kosovë aparteidi bëhet ndaj përkatsisë politike e ideologjike, sepse në Kosovën e pasluftës demokratët dhe nacionalistët respektivisht antikomunistët shqiptarë të Kosovës që nga periudha e pasluftës e këndej janë diskriminuar në baza idelogjike, në bazë të bindjeve politike dhe të përkatsisë partike, dhe për këto çështje ata janë ndëshkuar nga individë dhe grupe kriminale me orientime staliniste-enveriste-titiste në format më të ashpëra që kanë shkuar deri te vrasja dhe djegia makabre e kufomës.

 

Në Kosovën e pasluftës pozita e individëve dhe grupimeve politike me orientime të djathta demokratike dhe përkrahëse të politikës së SHBA-së është tepër e vështirësuar në çdo sferë të jetës, sepse krimet politike, ekonomike, korrupsioni, prostitucioni etj. udhëhiqen nga disa përfitues të luftës çlirimtare në Kosovë, në të cilën luftë siç dihet tashmë ishte pjesa e madhe e qytetarëve të Kosovës me orientime të djathta kombëtare. Dhe mu ato klane politike që Kosovën e shohin si terren shumë të përshtatshëm për të bërë "karrierë politike" qoftë edhe me eliminimin fizik të kundërshtarëve të tyre politik, kanë "legalizuar" veprimtarinë e maskave ekstremiste nëpër disa rajone të Kosovës, të cilat maska kanë futur frikë dhe pasiguri tek qytetarët shqiptarë që e ndjejnë veten dhe veprojnë si demokratë dhe nacionalist të moderuar.

Aparteidi enveristo-komunist ndaj demokratëve të Kosovës nuk është vetëm një padrejtësi sociale apo materiale, por kjo është një padrejtësi e cila prek në nderin njerëzor të tyre, e cila i është e garantuar çdo qytetari të botës. Se është më se e vërtetë se Demokratët e Kosovës janë duke vuajtur nën diskriminim dhe ashpërsinë e veprimeve kriminale të klaneve të maskuara dhe të pamaskuara, tregojnë vrasjet politike ndaj veprimtarëve të partisë më të madhe demokratike në Kosovë "Lidhjes Demokratike të Kosovës" dhe ndaj përkrahësve të kësaj partie me orientime të qarta demokratike.

Demokratët e Kosovës u dëmtuan rëndë fillimisht në organizimin e tyre të brendshëm ushtarak, dëmtim ky që filloi me vrasjen e Komandantit të Forcave të Armatosura të Republikës së Kosovës Ahmet Krasniqi në Tiranë, duke vazhduar mëpastaj me vrasjet politike anembanë Kosovës të anëtarëve dhe simpatizantëve të LDK-së dhe të politikës kombëtare të të madhit dr. Ibrahim Rugovës.

 

Vrasja e Haki Ymerit, Shaban Manajt, Ekrem Rexhës, Enver Malokut, Xhemajli Mustafës, Bekim Kastratit, Ukë Bytyçit dhe vrasja e kolonel Tahir Zemës e kanë dëmtuar padyshim rëndë skenën politike të së djathtës në Kosovë, qëllimi ky i fundit i klaneve enveriste në Kosovë. Demokratët e Kosovës vazhdojnë të përkujtojnë aktivistët e çështjes kombëtare për çdo vit, por edhe vazhdojnë t'i numërojnë të vrarët edhe sot e kësaj dite.

 

Përveq vrasjeve që konsiderohet si krim i rëndë, Demokratët e Kosovës janë vënë në shënjestër të fletushkave propagandistike të dalura si këpurdhat pas shiut në kohën e pasluftës. Këto fletushka propagandistike të cilat po e luajnë rolin e përgaditësve të terrenit dhe të atmosferës për likudimin dhe vrasjen e figurave eminente politike të së djathtës shqiptare në Kosovës, po i ndihmojnë vazhdimisht aparteidit dhe dhunës politike në adresë të të djathtëve shqiptarë, duke e quar Kosovën drejt një humnere të pashmangshme.

 

Ato fletushka mortore për çdo dështim politik të enveristëve komunistë në Kosovë akuzohjnë Demokratët e Kosovës me akuzat më të rënda si "antikombëtar", "anti-UÇK", "tradhtar", si dhe me akuza për nxitje të vëllavrasjes brendashqiptare, ndërsa për habi të të gjithëve vrasjet e kryera ndaj Demokratëve të Kosovës nuk qenkan antikombëtare, nuk qenkan anti-UÇK, nuk qenkan veprime tradhtare dhe ato nuk nxitkan vëllavrasje sepse të likuiduarit politik janë viktimë e ideologjisë së mbrapshtë enveriste prandaj edhe nuk bën (sipas tyre) të konsiderohen si të tilla.

 

Marrëzira të tilla morën hov për fat të keq menjëherë pas luftës, në periudhën kur çdo gjë në Kosovë i takonte (edhe jeta e shqiptarëve demokratë) partive "të dala nga lufta" dhe përkrahësve të tyre politiko-ideologjikë dhe kjo dukuri vazhdon të sundojë akoma në shumë pjesë të Kosovës, por tani duke u treguar me një intenzitet edhe më të shtuar kriminal dhe atë jo vetëm kundër Demokratëve të Kosovës, por duke ia kthyer tytat e kallashave UNMIK-ut, KFORI-it dhe SHPK-së sikurse rasti i fundit në Irzniq dhe rasti i aktit terrorist në afërsi të Zveçanit. Andaj, deri kur kështu...?

Copyright©2000-2003 Trepca.net - Të gjitha të  drejtat e rezervuara.