OPINIONE

Shprehje mendimi

Lidhur me komentin e Besim Krasniqit të titulluar "NË KOSOVËN ME LIRI TË PËRGJYSMUAR"

Duartrokitje frenetike për "çunin demokrat"

Po që se do të pranohej konstatimi se LDK-ja dështojë plotësisht në qeverisje (duke mos realizuar asnjërën nga premtimet që ua shpalosi elektoratit), dhe se UNMIK-u dhe KFOR-i janë përgjegjës për sigurinë në Kosovë atëherë do ta kisha kuptuar plotësisht "çunin demokrat"

20 prill 2003 / Agim Vuniqi

Do të doja të kuptoja  diçka nga shkrimet e  z. Besim Krasniqi, por  çështë e vërteta atë ndoshta e keçkuptoja, ndoshta për shkaqe frustruimi, e ndoshta nuk e dinja që është i izoluar nga bota, por edhe prej vlerave të qytetërimit.

Besimi, nje çun shqiptar, edhe pse jeton në një shtet i cili është ndërtuar në vlerat e demokracisë qytetare ku fjala publike ka peshë dhe ku sundon ligji, harron se gjendet në Evropë e jo në Afrikë, harron se në Evropë nuk ka patur kurrë apartheid, ka pasur shkelje të rënda të drejtave dhe lirive të njeriut sidomos në Evropën Lindore ku çizma diktatoriale ka shtypur fjalën e lirë, ka shtypur të drejtën e organizimit politik dhe sindikal, prandaj të përdorish një terminologji të tillë është vërtetë më tepër se paturpesi.

Në çdo shtet juridik do të duhej të rrespektoheshin dhe të çmoheshin vlerat civilizuese, e jo populli të ndahet në "dhi" të bardha dhe të zeza, meqë në Kosovë jetojnë qytetarët që kanë lejtërnjoftimet e UNMIK-ut dhe të Serbisë, por edhe pasaportat "jugosllave" dhe të UNMIK-ut (nuk e di çfarë dokumenti posedon Besimi, apo nuk ka të drejtë të lëvizjes së lirë nga territori i Zvicrës),  e  ndoshta shkrimet i bënë për të pasur ca argumente për të vazhduar qëndrimin e mëtejmë në Zvicër, për tu deklaruar para organeve të Policise për të huaj "Police fur auslander" se një "demokrato-mohikan" i fundit është i rrezikuar të kethehet në Kosovë.

Meqë supozoj se ai e ka të njohur që Kosova administrohet nga Misioni i Kombeve të Bashkuara dhe nga i deleguari special i Sekretarit të Përgjithshëm të OKB-së, z. Shtajner, në bazë të rezolutës 1244, në asnjë dokument zyrtar nuk përdoret terminologjia me të cilën "çuni demokrat" artikulon mendimet e tija.

Poashtu e ka me dije që zgjedhjet qendrore ashtu edhe ato lokale i fitoi me një përqindje më të lartë LDK-ja se sa dy subjektet tjera politike (me këtë edhe përgjegjësia), me këtë fituan të drejtën të qeverisin në shumicën e komunave në Kosovë, prandaj çdo dështim si në aspektin e sigurisë qytetare, ekonomike etj., bie mbi subjektin që udhëheqë me komunat e Kosovës, por edhe me Kosovën aq sa u ka lënë hapësirë z. Shtajner.

Fatmirësisht po që se nuk ka mundësi diagnostifikimi të pasojave të luftës (vetëm "çuni demokrat" e di ku ishte ne atë kohë) në Zvicër ai mundet lirisht të kthehet në Kosovë dhe të shërohet në spitalin e Mitrovices, drejtor i të cilit eshtë Millan Ivanoviqi, të cilin çuditërisht asnjëherë nuk e përmend në shkrimet e tij.

Copyright©2000-2003 Trepca.net - Të gjitha të  drejtat e rezervuara.