Fakulteti i Studimeve Islame i Prishtinë në bashkëpunim me profesorë të fakulteteve të tjera të UP nga 14 prill deri më 14 maj do të organizoi Muajin e Kulturës, ku do mbahen një cikël ligjëratash nga fushatë e ndryshme.

Hapja e Muajit të Kulturës solemnisht u bë sot në selinë e Bashkësisë Islame të Kosovës në Prishtinë, ku qenë të pranishëm profesorë, studentë dhe të interesuar të tjerë.

Në hapjen e këtij manifestimi kulturor i pari i këtij lloji që mbahet nën patronatin e Fakultetit të Studimeve Islame të Prishtinës qe prezent edhe myftiu i Kosovës doc. dr. Rexhep Boja që njëherit është edhe dekan i Fakultetit të Studimeve Islame të Prishtinës i cili bëri hapjen e muajit të kulturës, ku nder të tjetar tha:

“Kam nderin që në emër të Fakultetit të Studimeve Islame në Prishtinë të shpalli të hapur muajin e kulturës, i cili për herë të parë organizohet nën patronatin e këtij Fakulteti.

Jemi dëshmitarë se për shkak të përparimit të madh teknologjik, bota sot është kthyer në një fshat të vogël. Mjetet e komunikimit janë shumë të shpejta.