OPINIONE

MËRGATA SHQIPTARE NUK DUHET TË NGELË PENG E INTERESAVE POLITIKE..!

12 prill 2003 / Shkruan: Rexhep Elezaj

 

Menjëherë pas çlirimit të Kosovës (12.06. 1999) duket se roli që pati Mërgata shqiptare në këtë proces sikur fillojë ngadalë të qitet në harresë, posaçërisht kur bëhët fjalë për kontributin e saj të pakontestueshëm në planin e ndërkombëtarizimit të çështjes së Kosovës në veçanti dhe asaj shqiptare në përgjithësi, që falë këtij angazhimi do të arrihet ajo që sot quhet liri.

 

Nuk është qëllimi ynë që duke potencuar kontributin Mërgatës shqiptare për kapërcimin e gjendjes së robërisë në Kosovë të minimizohet roli ose puna e atyre, të cilët duke qëndruar të palëkundur në vatrat e tyre gjatë gjithë periudhës së okupimit, i dhanë grushtin më të rëndë planeve të gjenocidit serbë kundër shqiptarëve të Kosovës. Askush pra nuk mund të dyshojë në faktin se rol vendimtarë për çlirimin e Kosovës luajti vetë populli shqiptar i cili kundër armikut barabarë serbë rrezitojë me të gjitha mjetet dhe format e luftës, duke filluar nga mosdëgjueshmëria qytetare dhe deri te organizimi i shtetit paralel dhe luftës së armatosur e udhëhequr nga Ushtria Çlirimtare e Kosovës, falë të cilës luftë dhe rrezistencë bota paqëdashëse do të kuptojë, për herë të parë në histori, se në Kosovë po dhunohej dhe persekutohej një popull i tërë nga okupatorët serbë të cilët me masa të shtetrrethimit policorë dhe ushtarakë dy milion shqipatrë i kishin vënë në karantinë kolektive para syve të tërë botës.

 

Pra, pranë luftës së armatosur askush nuk mund ta injorojë rolin historik të popullit shqiptar, numri më i madh i të cilit nuk do t’i lëshojë për asnjë çast trojet e veta stërgjyshore, por përkundrazi me përkushtim dhe patriotizëm të mirëfilltë individualë dhe kolektivë për dhjetë vite rreshtë do t’i durojë torturat, terrorin shtetror, dhunën dhe masakrat më të tmerrshme, vetëm që mos t’i lejojë armikut shkja që t’i realizojë skenarët e tij antishqiptare. Nuk mund të vihet kurrë në dyshim as heroizmi dhe atdhedashuaria e gjithë atyre të cilët duke mos i lëshuar vatrat e tyre me tërë qenjën shpirtërore dhe fizike që kishin mbrojtën pragjet e shtëpive, mbrojtën çdo pëllëmbë të tokës së Kosovës, mbrojtën dinjitetin, kulturën dhe krenarinë shqiptare, duke i treguar kështu botës se janë të gatshëm të vdesin për dheun dhe atdheun e tyre të shtrenjët. Këtë përkushtim dhe rrezistencë të shqiptarëve bota, për fat të mirë, e kuptojë me seriozitet të nevojshëm, gjë që si rrjedhojë pati pajtueshmërinë gati të të gjitha subjekteve ndërkombëtare dhe qeverive të vendeve demokratike përendimore se popullin shqiptar të Kosovës duhet shpëtuar nga ekzodi masivë i cili po i përgaditej nga ana e regjimit kriminelë të Beogradit. Kjo edhe ndodhi në praktikë me intervenimin e forcave të NATO-s kundër caqeve ushtarake serbe në Kosovë derisa ato u dëbuan turpshëm nga Kosova.

 

Prandaj, kur është fjala për kontributin që dha Mërgata shqiptare pa dallim për çlirimin e Kosovës, mbetet konstatim i përbashkët se angazhimi i saj kombëtar kishte dy aspekte kyçe; ate politik dhe ate financiar. Sa i përket aspektit të parë, poashtu mbetet i pamohueshëm fakti se në periudhën e para luftës të gjitha subjektet politike, shoqatat, klubet dhe asociacionet shumta në mërgim dhanë ndihmesë të pazavendësueshme në planin e ndërkombëtarizimit të çështjës së Kosovës, bënë që e vërteta mbi Kosovën të dëpërtojë thellë në opinionin demokratik përendimorë, bënë që bota paqëdashëse ta kuptojë më mirë tragjedinë shqiptare në Ballkan të shkaktuar nga regjimet krimenele serbe, bënë që zëri i shqiptarëve në botë për pavarësinë e Kosovës të dëgjohet më afër, qoftë përmes organizimit dhe mbajtjes së qindra demonstratave në qendra të ndryshme të Europës, SHBA-ve, Australisë, etj, qoftë përmes kontakteve dhe shpërndarjes së materialeve të shumta pranë institucioneve dhe asociacioneve vendore të vendëve respektive ku vepronin mërgimtarët tanë.

 

Pra, roli i mërgatës sonë në këtë sferë me rëndësi për senzibilizimin e opinionit ndërkombëtarë kundrejt kërkesave të arsyeshme të shqiptarëve për liri dhe pavarësi, ka qenë i një peshe të veçantë, për mos të thënë kryesori në këtë aspekt. Ndërsa, sa i përket aspektit financiarë mërgata jonë padyshim është dëshmuar si burim kryesorë i mjeteve për mbijetës të popullatës në Kosovë si dhe për blerjen e armatimit, gjë që është treguar me përkrahjen materiale të parezervë që i ka ofruar luftës çlirimtare, gjegjësisht ushtrisë sonë e cila pa këtë ndihmë vështirë se do të kishte rrezistuar me aq sukses, kur dihet se në rrethanat e shtetrrethimit ushtarakë të Kosovës çdo veprim konkret në planin e organizimit të brendshëm të luftës ishte gadi i pamundur.

 

Prandaj themi se për tërë ate që ka bërë mërgata jonë për çlirimin dhe pavarësinë e Kosovës, nuk ka mëdyshje se para Zotit dhe kombit e ka dhënë provimin historik dhe kombëtar. Mirëpo, kur shohim sot katër vite pas përfundimit të luftës, në anën tjetër, se si mërgata jonë është lënë pas dore nga ana e institucioneve tona shtetrore, se si pjesa e kombit jashtë atdheut e cila nuk kurseu asgjë për çlirimin e Kosovës është lënë nën mëshirën e kohës dhe shkapërderdhjes në aspektin organizativ të saj, se si askush nga udhëheqësit qeveritarë nuk interesohet për fatin dhe problemet e mëdha më të cilat ballafaqohet ajo, duke filluar nga mungesa e kujdesit të duhur shoqëror, social, kulturor dhe arsimor e deri te moskujdesi për zgjidhjen e çështjes të statusit të tyre të qendrimit në vendet ku ende një numër i madh i tyre qendrojnë në cislësinë e refugjatëve të luftës, të azilkërkuesëve ose në cilësinë e puntorëve të rregulltë, siç janë edhe problemet e mëdha administrative për paisjen me dukomente të udhtimit, me çertifikata të lindjes, të kunorizimeve, etj, etj, njeriu i cili jeton këtu në mërgim nuk mund të lirohet dot nga përshtypja dhe mendimi se një qëndrim kaq pasiv i subjekteve politike dhe shtetrore të Kosovës ndaj mërgatës, në kohën kur aktiviteti i saj do duhej të kishte arritur kulmin e veprimit dhe angazhimit politik për jetësimin e pavarësisë së Kosovës, nuk mund të jet tjetër veçëse rezultat i logjikës së vjetruar politike e cila mërgatën tonë gjithëherë e ka trajtuar  vetëm si objekt për shfrytëzim e jo sipas normave shtetrore të përcaktuara me aktet më të larta juridike, që nënkupton organizimin e saj të mirëfilltë institucional dhe kombëtar.

 

Sa më tej që mos të kuptohet drejtë roli i mërgatës që bartë ajo për të ardhmën e kombit, për aq kohë mërgata do të mbetet peng e interesave politike të liderëve tanë partiakë. Këtë logjikë mërgimtarët tanë kudo do ta kundërshtojnë me çdo kusht në të ardhmën, sepse janë të vetëdijshëm se pasiviteti dhe mos organizimi i saj në formë të duhur do të ketë pasoja shumë negative për gjeneratat që po vijnë, posaçërisht në aspektin e asimilimit të të rinjëve tanë i cili çdo ditë e më tepër po godet rëndë shpirtin dhe qenjën kombëtare të mërgimtarëve tanë.

 

Copyright©2000-2003 Trepca.net - Të gjitha të  drejtat e rezervuara.