OPINIONE

Zotni Milazim Krasniqi, deri më cilën datë keni qenë i përhënur dhe i përgjumur!?!

11 prill 2003 / Shkruan: Kadri Osmani

Një mesazh vëllazëror

Krejt në fund: lufta çlirimtare e popullit shqiptar të Kosovës, e udhëqhur nga Ushtria Çlirimtare e Kosovës, është kapital i pazhdukshëm në historinë e këtij vendi, njëherësh është argumeni më i fuqishëm për pavarësinë e tij. Rrjedhimisht, vlerat e kësaj lufte do të duhej të ishin të mbrojtur(ë) tashmë me rezoluta e me ligje, sepse duke i mbrojtur ato vlera, Kosova mbron të ardhmën e vet si vend i lirë. (Milazim Krasniqi)

Zotni Milazim Krasniqi: poet e dramaturg në letërsi, labil e lavir në politikë, nën maskën e njëfarë mesazhi "vëllazëror", qenka duke e përgatitur edhe një tragjedi të re për përçarje të reja me përmasa fatale për vendin dhe për shqiptarët përgjithësisht. Kështu do shiheshin hapur tendencat e tij të paraqitura te lëpushka e neveritshme "Epoka e Re", e datës 28 mars 2003, f. 9, me mbititull: Jehonat e debateve, me titull: Ja pse UÇK duhet mbrojtur me ligj, dhe me nëntitull: Lufta çlirimtare e popullit shqiptar të Kosovës, e udhëhequr nga Ushtria Çlirimtare e Kosovës, është kapital i pazhdukshëm në historinë e këtij vendi, njëkohësisht është argumenti më i mjaftueshëm për pavarësinë e tij. Duke i mbrojtur këto vlera, Kosova mbron të ardhmën e vet si vend i lirë.

Dhe në një faqe te plotë mjekroshi me një pozë kinse serioze-(nuk e di a e di se mustaqet dhe mjekra kanë (do duhej të kishin!) kuptimin e seriozitetit e të pjekurisë, në të kundërtën s`janë pos- lesh!- llomotit e shpif në mënyrë kinse të tërthortë kundër LDK-së, anëtar Kryesie i të cilës ka qenë, dhe i ripozicionuar shumë më keq!?!

Në bazë të kësaj paraqitje mjerane, do t`ia lexoj të gjitha veprat letrare, e të shoh në mos edhe atje ka futur helmet përçarëse, në emër të dofarë vlerash të tij, duke mos përmendur edhe antivlerat, jehona e të cilave ka arritur, agës, edhe në Gjykatën e Hgës!?!

Kur thua tash "guerila shqiptare", përse bëhesh kumbar me vonesë!?- përse atëherë nuk e pagëzoje me këtë emër më real, se sa ai emërtimi ambicioz e i paqenë Ushtria Çlirimtare e Kosovës, e kur tanimë paskan ushtri, le të luftojnë mesvete dy ushtri, e bota vështron përkarshi!?!

Keni harruar të përmendni se ata ushtarët majtistë shkonin te varri i Enver Hoxhës për t`u frymëzuar dhe betuar në ideologjinë e tij të rrugës antikombëtare!?! Mos të ka përfshirë tash edhe ty katarsa pse ngele midis LDK-së dhe UÇK-së, as me Sheher as me f. Barilevë !?!

"Fillimi i daljes nga letargjia dhe nga narkoza e politikës kapitulluese"

"...dhe ishte në të perënduar iluzioni se pavarësia do të arrihej me pazare nënçmuese të disejnuara nga organizata të dyshimta fetare si ajo e Shën Exhdios."- kështu siç ka shkruar M. Krasniqi del se ky farë narkomani paska qenë nën narkozë, se ndryshe s`ka mundësi të llomotit në këto nivele të hipìe andacak i shthurur, përfaqësues i turmave të hipìve.

"Pas një indokrinimi dhjetëvjeçar me politikën paqësore, fatkeqsësisht ishte e domosdoshme një tragjedi kolosale për të kthjelluar ndergjegjet e turbulluara të shumicës së njerëzve shqiptarë. Dëshira e tyre për të pasur një zgjidhje paqësore, pa viktima, ishte krejtësisht njerëzore. Por, edhe krejtësisht iluzore."- aty ku hipìa vë pikën, unë vë presën dhe vijoj: edhe oreksi prej lubish për ta rrëmbyer pushtetin me çdo kusht, ishte iluzore dhe mizore. Të dërgosh rekrutët në front në mënyrë gjysmëprofesionale dhe joprofesionale, është vepër e rëndë penale, kur tanimë kishte zgjidhje zenitore profesionale.

"Krijimi i një projekti fisnik dhe atdhetar për paavarësinë e Kosovës dhe arritjen e saj me mjete paqësore, e kishte idejuar dhe projektuar elita intelektuale e shqiptarëve të Kosovës, por prej saj kishte dalë një pseudoelitë politike, që ishte shndërruar në uzurpator të projektit."- dramaturgu-murgu nuk lodhet të eselltësohet e të shpjegojë për "uzurpatorët e çlirimtarët"!?! Për njerëzit a për gomarët!!

"Promovimin e shqiptarësisë" të Milazim Krasniqit me kompani:

"Mund ta relativizonin përmasat e krizës organizatat ndërkombëtare deri (...) në nivelin e dyshimtë si Shën Exhidio që të merrej me Kosovën,"- e ndërprej leximin në intermexo: kalendarin e këtij viti e kemi në mur dhe iu drejtohem mysafirëve:

"E dini se kush janë ata dy?"

"Si nuk e ditkemi!- Ibrahim Rugova e Bob Doli".

"Mirë de mirë, kështu zakonisht fillojnë pyetjesorët nga më e lehta kah të vështirat: më thuani tash se çka po bisedojnë?"

"Sigurisht për pavarësinë e Kosovës?"

"Jo!- po bisedojnë për ta përpiluar bashkë një lutje nëse i prajnë të anëtarësohen në Organizatën fetare "Shën Exhidio"!- ja ku po shkruan dramaturgu-(murgu!) Milazim Krasniqi!!

Dhe vërtet më vie keq që ata dy burra shteti të kalendarit nuk i kemi sot këtu mysafirë: me ta nganjë kafe ta pi e të hamë bashkë- fli!!

Shkrimi i Milazim Krasniqit, do të mund të kuptohej si një analizë proletarçe e nivelit koperativist, por kur dihet se ky person ka qenë për një dekadë e gjysmë sekretar i Shoqatës së Shkrimtarëve të Kosovës, postin e kryetarllakut të saj ky farë Milazimi ia fali pas luftës një shkrimtari që kishte rrokur pushkën e kishte dalur në mal, gjë për të cilën tani në Gjyqin e Pejës po akuzohet për implikim të vrasjes së një shqiptari. Po ky Milazim Krasniqi në një kohë jo fort të larghët pati botuar një pamflet denoncues me titull "HORRAT NË KRYE TË DETYRËS", duke e denoncuar Baton Haxhiun si bashkëpunëtor i Minsitrit serb të Punëve të Brendshme, Stanishiq, kurse vetë ky Milazim Krasniqi në detyrën e re në Bordin e RTK-së është emërtuar si i deleguar i Baton Haxhiut me të cilin tani sikur luajnë bixhozin e kartave të pista!

Edhe më tutje lexuesit e lëpushkës Epoka e Re" do të kenë raste të lexojnë margaritarë të tillë nga një penë e sajuar nga lidhjet e ndyta të politikave bizare që bëheshin e bëhen në Kosovën tonë.

Copyright©2000-2003 Trepca.net - Të gjitha të  drejtat e rezervuara.