Doli nga shtypi libri i analistit politik shqiptar Veton Latifi: “ Macedonian Unfinished Crisis: Challenges in the Process in Democratization and Stabilization”, në anglisht

Doli nga shtypi libri i analistit politik shqiptar Veton Latifi: “ Macedonian Unfinished Crisis: Challenges in the Process in Democratization and Stabilization”, i cili libër është i shkruajtur në gjuhën angleze.

  

Titulli: “ Macedonian Unfinished Crisis: Challenges in the Process in Democratization and Stabilization”

 

Për autorin: Veton Latifi është analist politik në Shkup, Maqedoni. Analizat e tij janë publikuar në institute ndërkombëtare dhe media të ndryshme. Ai ka qenë ligjerues në një sërë konferencash ndërkombëtare dhe universitete të jashtme lidhur me cështje që përkojnë me Ballkanin, Shqiptarët; Maqedoninë dhe rolin e Bashkësisë Ndërkombëtare në rajon. Veton Latifi aktualisht është duke magjistruar në Shkencat Politike në lëmin e Marëdhënieve Ndërkombëtare dhe Diplomacisë.

 

Botues i librit: Fondacioni Kondrad Adenauer

 

Gjuha: Libri është i shkruajtur në gjuhën angleze

 

Vendi: Shkup, mars 2003

 

ISBN: 9989-51-029-6; 20 cm.

 

Numri i faqeve: Libri ka gjithsejt 250 faqe

 

Përmbajtja:

 

Libri i cili ka një qasje analitike dhe një përmbajtje politike përfshin këto kapituj:

 

1.Hyrje;

2.Paqja afatgjate jo e sigurtë në Maqedoni?;

3.Impakti i krimit të organizuar në sigurinë e Maqedonisë;

4.Marëveshja Kornizë e Ohrit: fillim i demokratizimit të vendit apo vetëm dokument kompromisi?!;

5.Disa aspekte të konfliktit të aramtosur 2001;

6.Periudha kontraverze e post-konfliktit;

7. Segregacioni kulturor nuk ka fund;

8. Domosdoshmëria për praninë afatgjate ndërkombëtare në Maqedoni

 

 

Në parathënien e librit, Andreas Klein përfaqësues i botuesit Fondacionit Ndërkombëtar Gjerman “Kondrad Adenauer” mes tjerash thotë se “libri i shkruajtur nga Veton Latifi sqaron për herë të parë në tërësi zhvillimet krizës së vititi 2001 në Maqedoni”.

 

Përpos që përqëndrohet në interpretimin e zhvillimeve të konfliktit të armatosur 2001, autori në pjesën më të madhe të librit analizon trendet aktuale politike dhe në përgjithësi trendet e nivelit të demokracisë në MAqedoni. Dhe jo vetëm se aq, gjatë cdo përqëdnrimi dhe analizimi të fazave aktuale të procesit të demokratizimit dhe stabilizimit të Maqedonisë, autori përdor elementin e perspektivës duke praktikuar një qasje dhe stil të tillë që hedh shikim kah e ardhmja se si do të mund të zhvilloheshin skenaret e ardhshme në këtë vend.

 

Autori fokuson një sërë arsye dhe elemente në faqet e librit që argumentojnë se pa involvimin afatgjatë të Bashkësisë Ndërkombëtare në Maqedoni nuk do të ketë progres për një kohë të gjatë në Maqedoni, por do të kishte vetëm tensionime që do ta mbanin peng ardhmërinë e rajonit. “Nuk duhet asur iluzione se autoritetet lokale mund të menaxhojnë vetëm pa involvimin ndërkombëtar zhvillimet e ardhshme në Maqedoni dhe në Ballkan në përgjithësi “, shkruan Latifi.

 

Ai është kategorik se nëqoftëse SHBA-të, BE-ja, NATO-ja, OSBE-ja, etj nuk vazhdojnë të punojnë të gjitha së bashku në përforcimin e procesit të demokrazitizimit dhe stabilizimit të Maqedoni, atëherë askush nuk mund të garantojë se nuk do të rrezikohen përpjekjet të ndërkombëtarëve të zhvilluara dy viteve të fundit për përforcimin e procesit paqësor. Kjo sidomos është e rëndësishme për disa vitet e ardhshme që janë vendimtare për drejtimet dhe skenaret e ardhshme të funsionimit të Maqedonisë.

 

Mirëpo, sipas Veton Latifit, Maqedonia nuk mund të mbetet tërë kohën në listën prioritare të vëmendjes së Bashkësisë Ndërkombëtare duke pasur parasysh zonat tjera problematike në koordinatat tjera botërore. “Prandaj Maqedonia duhet të fillojë më seriozisht të bëjë reformat e domosdoshme në procesin e demokratizimit dhe me këtë të fillojë të kalojë përkatëisht kontestet dhe etnike, sociale, ekonomike dhe difektet e shoqërisë në përgjithësi. Por nësë ky proces ndodh të zv arritet sikur deri më tani dhe në të kaluarën në përgjithësi, atëherë këto reforma nuk do të efektohen aq shpejtë.”

 

Sipas përmbajtjes së këtij libri që ka një qasje analitike, ardhmëria e Maqedonisë mes tjerash varet nga dinamika e procesit të implementimit të Marëveshjes së Ohrit të cilën autori e karakterizon jo vetëm si marëveshje paqësore por edhe agjendë për fillimin e demokratzimit të vendit.”Zhvillimet rreth procesit të implementimit të marëveshjes do të ndikojnë se si do të zhvillohet demokratizimi dhe stabilizimi i Maqedonisë.” Megjithatë, sipas autorit dilema vazhdimisht do të jetë prezente “se a do të funksionojë ashtu sic duhet Marëveshja apo jo?!”, përshkak të një sërë cështjesh dhe kontestesh që përkojnë me vështirësitë në tejkalimin e polarizimeve ndërtetnike, kontesteve tradicioanle, mosmarëveshjeve dhe kontesteve historike rajonale (me disa prej vendeve fqinje), etj.

 

Sipas autorit të librit, reformat e parapara me Marëveshjen Kornizë të Ohrit janë një bazë e rëndëishme për sigurimin e një demokracie funksionale në Maqedoni dhe të një niveli më të lartë në procesin e interimit të Maqedonisë në strukturat evro-atlantike. Megjithatë, sipas analistit politik Veton Latifi akoma ekzistojnë disa elemente të cilat duhet të trajtohen si sfida për Maqedoninë në periudhën e ardhshme. Këto sfida ai i sqaron me një qasje analitike në 250 faqet e librit të shkruajtur në gjuhën angleze titulluar “Sfidat e Maqedonisë në procesin e demokratizimit dhe stabilizimit: Një krizë e papërfunduar”.

Copyright©2000-2003 Trepca.net - Të gjitha të  drejtat e rezervuara.