Lajme

E marte, 18 mars 2003

Përmbajtja:

• Të enjtën parlamenti debaton për punën njëvjeçare të Qeverisë dhe për dy projektligje

• Lutfi Haziri merr pjesë në një takim pune në Këshillin e Evropës

• Fëmijtë e Gjilanit promovuan sot asamblenë e tyre komunale

• "Ne nuk pranojmë ndryshim të kufijve", deklaroi Muhamet Hamiti, zëdhënës i Presidentit të Kosovës

• Njerëz me maska sërish janë paraqitur në komunën e Deçanit

• Serbët e shpërngulur nga Kosova vizituan Kuvendin Komunal të Prishtinës

• Zyra gjermane në Prishtinë është evakuar dje pasdite pas një kërcënimi telefonik

• Analisti Mishkoviq thotë se në vështrimin afatshkurtër është vështirë të flitet për një dialog midis Beogradit dhe Prishtinës

• Rreth 250 kompani janë takuar në Prishtinë për të parë mundësitë e bashkëpunimit ekonomik ndërmjet vendeve të rajonit

• Agjencisë Amerikane për Zhvillim Ndërkombëtar përuroi dy projekte në Komunën e Lipjanit

• Organizatat joqeveritare pohojnë se në Kosovë gjenden edhe 3.200 refugjatë nga Maqedonia.

• Përgjegjësia për të gjitha pasojat i takon vetëm regjimit të Sadam Huseinit, thotë Ilir Meta

• Kryeministri kroat Raçan ka qenë viktimë e mundshme e një atentati në Beograd

• Eshte arritur një marrëveshje ndërmjet BDI-së dhe UT për legalizimin e Universitetit të Tetovës

• Marrëveshje në mes Bashkimit Demokratik për integrim dhe strukturave gjegjese të Univerzitetit të Tetovës për legalizimin e Univerzitetit të Tetovës

• B. Cërvenkovski: Çdo destabilizim i mundshëm i gjendjes në Kosovë do të ketë pasoja për vendet e tjera në rajon

• Kryetarit të BDI-së, Ali Ahmetit nuk i është dhënë viza nga Ambasada amerikane në Shkup për të udhëtuar në SHBA

• Parlamenti i Serbisë dhe Malit të Zi zgjodhi mbrëmë kabinetin e Këshillit të Ministrave

• Franca ka reaguar ashpër ndaj ultimatumit të presidentit amerikan Bush

• Trupat amerikane në Kuvajt po bëjnë përgatitjet përfundimtare për invazion të Irakut

• Djali më i moçëm i Sadam Hyseinit ka refuzuar që lideri irakian dhe djemtë e tij të shkojnë në ekzil

• Një jemenas ka vrarë sot një amerikan, një kanadian dhe një jemenas dhe pastaj ka bërë vetëvrasje

• Në përleshjet e ushtrisë filipinase me ekstremistët vriten 18 vetë

• Afër qytetit Betlehem janë vrarë një ushtar izraelit dhe një militant palestinez

• Anan ka urdhëruar tërheqjen e tërë personelit ndërkombëtar që punon në Irak

• Iraku refuzoi ultimatumin e paralajmëruar nga Presidenti amerikan

• Robin Kuk ka dhënë dorëhqje

• Vlera e dollarit dhe e bursave amerikane u rritën me ashpërsimin e krizës së Irakut

• Presidenti Bush i jep ultimatum udhëheqësit irakian

• Në Amerikë rritet shkalla e nivelit të gatishmërisë kombëtare ndaj sulmeve terroriste

• Bler ka në plan t'i kërkojë parlamentit të mbështesë përdorimin e forcës kundër Irakut

• Turqia mund t'i pranojë trupat amerikane

Të enjtën parlamenti debaton për punën njëvjeçare të Qeverisë dhe për dy projektligje

 

Prishtinë, 18 mars 2003 - Në mbledhjen e sotme Kryesia e Kuvendit të Kosovës sërish nuk mori në konsiderim kërkesën e grupti parlamentar të AAK-së që Kuvendi të debatojë për miratimin e një rezolute me të cilën do të njiheshin vlerat e UÇK-së.

Ramush tahiri, këshilltar i kryeparlamentarit Nexhat Daci, tha se nisma e AAK-së është refuzuar nga kryesia e Kuvendit, sepse një çështje e tillë duhet të rregullohet me ligj e jo me rezolutë.

"Kryesia më herët ka marrë vendim që për këtë çështje, me arsyetim të mos nxirret ndonjë rezolutë, por një ligj, sepse ligji ka përparësi prakitke, ngase përcakton statusin e luftëtarit, të invalidëve të luftës, të veteranëve, të familjeve të dëshmorëve e të gjitha çështjeve të tjera"", tha z.Tahiri.

 

Ai saktësoi nga kryeparlamentari Daci i është bërë propozimi qeverisë që të fillojë nismën për nxjerrjen e ligjit.

Ndërkaq, anëtari i Kryesisë nga radhët e PDK-së Hydajet Hyseni këtë e quajti shkelje të rregullores së punës, duke thënë se Kryesia ka qenë e obliguar të procedojë kërkesën e AAK-së.

Përndryshe, Kryesia ka caktuar rendit e ditës për seancën e radhës së Kuvendit që do të mbahet të enjtën ku do të debatohet për punën njëvjeçare të Qeverisë së Kosovss, për projektligjin për farërat dhe projektligjin për shpalljen e Bjeshkëve të Namuna park nacional i Kosovës.

 

 

Lutfi Haziri merr pjesë në një takim pune në Këshillin e Evropës

 

Gjilan, 18 mars 2003 - Kryetari i Asociacionit të Komunave të Kosovës dhe kryetar i komunës së Gjilanit, Lutfi Haziri ka udhëtuar sot për në Strasbur, ku do të marrë pjesë në një takim pune me grupin e agjencionit lokal të Këshillit të Evropës, ku përfaqësohet edhe pushteti lokal i Kosovës.

 

Këshilli i Evropës, siç dihet, për të nxitur dhe inkurajuar demokracinë lokale dhe proceset intergruese në rajon, ka hapur edhe zyrën e vet të 11-të për këtë pjesë të Evropës, në Gjilan.

Përfaqësues të pushteteve lokale nga Evropa Juglindore do të diskutojnë dhe koordinojnë bashkëpunimin rajonal.

Gjatë fundjavës, z. Haziri do të ketë takime edhe me bashkatdhetarët tanë në Zvicër.

 

 

Fëmijtë e Gjilanit promovuan sot asamblenë e tyre komunale

 

Gjilan, 18 mars 2003 - Fëmijë nga të gjitha komunitetet që jetojnë në Gjilan, kanë promovuar sot Asamblenë e tyre komunale, e cila do t`i mbrojë e afirmojë të drejtat e fëmijëve, të cilat i garantojnë edhe konventat ndërkombëtare.

Gjilani është komuna e parë në Kosovë që ka themeluar një asociacion të këtillë të fëmijëve. Dyzet e pesë fëmijë të moshës shkollore (12, 13, 14 vjeç), me një proces votimi të hapur e kanë zgjedhur Egzon Bajramin për kryetar të asamblesë, për një mandat njëvjeçar.

 

Egzoni, nxënës i klasës së pestë, e ka ushtruar dy herë deri tani, nga një ditë në vit, detyrën e kryetarit të komunës së Gjilanit, që ka qenë një ide e përbashkët e kryetarit të komunës, Lutfi Haziri dhe komandantit të atëhershëm të kampit "Montith" në Gjilan, nënkolonelit amerikan Kamerer.

Egzon Bajrami i ka falënderuar moshatarët e tij për besimin që i dhanë atij për t`i prirë asamblesë, ndërsa nga të rriturit ka kërkuar përkrahje për fëmijët, sepse ata janë e ardhmja e Kosovës.

Në takimin e sotëm solemn të asamblesë së fëmijëve mori pjesë edhe z. Lesli Harnish, e cila ka inkurajuar iniciativën për këtë asociacion, ndërsa ka falënderuar z. Haziri dhe komunën e Gjilanit, e cila e para në Kosovë i dha në këtë mënyrë përkrahje Fondit për të drejtat e fëmijëve.

 

 

"Ne nuk pranojmë ndryshim të kufijve", deklaroi Muhamet Hamiti, zëdhënës i Presidentit të Kosovës

 

Shkup, 18 mars 2003 - "Ne nuk pranojmë ndryshim të kufijve", deklaroi Muhamet Hamiti, zëdhënës i Presidentit të Kosovës, duke shtuar se çështja e kufirit duhet të merret në shqyrtim nga të dy qeveritë, të Kosovës dhe të Maqedonisë, në një kohë dhe në një ambient më të përshtatshëm.

Zëdhënësi i Presidentit të Kosovës theksoi se "tani për tani nuk duhet ndërmarrë asgjë, aq më pak veprime për përcaktim të vijës kufitare sipas marrëveshjes Shkup-Beograd".

Kuvendi i Kosovës rreth kësaj çështjeje ka nxjerrë edhe një Rezolutë dhe qëndrimi i institucioneve të Kosovës është në këtë vijë, tha zëdhënësi Hamiti për agjencinë maqedonase të lajmeve MIA.

 

 

Njerëz me maska sërish janë paraqitur në komunën e Deçanit

 

Deçan, 18 mars 2003 - Njerëz me maska janë paraqitur në rajonin e komunës së Deçanit, si në Llukë të Poshtme, Pozhar, Kodrali, Deçan dhe se fundit edhe në fshatin Gramaçel. Njerëz me maska ditë më parë tentuan që me dhunë të futen në shtëpinë e një qytetari në Llukë të Poshtme.

 

Pasi që nuk kanë pasur sukses ata gjatë tërheqjes kanë shtënë në ajër me armë zjarri. Dëshmitarët okularë thonë se njerëz të maskuar kanë trokitur edhe në dyert e disa qytetarëve edhe në Deçan dhe Kodrali.

 

Në këtë të fundit parmbrëmë në orët e vona të mbrëmjes disa qytetarë janë legjitimuar. Ndërkaq në Gramaçel maskat i vunë zjarrin stallës së Nebi Rexhajt, shkruan "Bota sot".

 

 

Serbët e shpërngulur nga Kosova vizituan Kuvendin Komunal të Prishtinës

 

Prishtinë, 18 mars 2003 – Një grup serbësh të shpërngulur pas luftës së fundit në Kosovë, të cilët aktualisht jetojnë në Beograd e Nish të Serbisë, vizituan dje Kuvendin Komunal të Prishtinës dhe biseduan me Ismet Beqirin, kryetar.

Këtë grup e përbënin qytetarë serbë, të cilët deri me përfundim të luftës në Kosovë kanë jetuar në Prishtinë dhe ata gjatë bisedës me udhëheqjen e Kuvendit Komunal të Prishtinës e shtruan kërkesën për kthim në pronat e tyre.

Ismet Beqiri u tha qytetarëve serbë, se përkrah kthimin indvidual të serbëve, por jo edhe kthimin masiv, kur të kihet parasysh se edhe në Prishtinë, ashtu si përgjithësisht në Kosovë ende është e pranishme kriza ekonomike si pasojë e luftës së fundit në Kosovë, por edhe traumat, ndërkohë që papunësia ia arritur përmasat shqetësuese.

Gjatë bisedës folën edhe disa nga serbët e shpërngulur. Kështu Nada Nikoliq, gazetare e ish-Radio Prishtinës, tha se takimin e sotëm e konsideron si hap të vullnetit të mirë. Ajo kërkoi që të përkrahet plani "Për kthimin", në mënyrë që përmes këtij plani të kthehen të gjithë ata serbë që kanë jetuar deri në përfundim të luftës në Kosovë.

Duke folur për problemet aktuale, kryetari i Komunës së Prishtinës, Ismet Beqiri u tha qytetarëve serbë se kthimi i tyre është proces që kërkon kohë.

 

 

Zyra gjermane në Prishtinë është evakuar dje pasdite pas një kërcënimi telefonik

 

Prishtinë, 18 mars 2003 - Zyra diplomatike gjermane në Prishtinë është evakuar dje në orët e pasditës pas një kërcënimi telefonik me shpërthim bombe, ka informuar zëdhënësi i policisë ndërkombëtare Beri Fleçër. Ai tha se ekspertët e KFOR-it që e kontrolluan këtë hapësirë, përfshirë këtu edhe zyrën diplomatike të Italisë dhe shtëpitë përreth nuk gjetën kurrëfarë pajisje shpërthyese.

 

 

Analisti Mishkoviq thotë se në vështrimin afatshkurtër është vështirë të flitet për një dialog midis Beogradit dhe Prishtinës

 

Uashington, 18 mars 2003 - Analisti i çështjeve serbe në Uashington, Damjan Mishkoviq thotë se megjithë tronditjen që e shkaktoi vrasja e kryeministrit serb Zoran Gjingjiq, forcat demokratike në Serbi do të bashkohen dhe në udhëheqje të vendit do të vijnë njerëz të përgjegjshëm.

 

Ai ka shtuar se nuk mendon se ekziston ndonjë rrezik i madh që ajo të rikthehet në errësirë dhe në atë lloj nacionalizmi të smurë në totalitarizmin që e karakterizoi përiudhën e Millosheviqit.

 

Ky analist i deklaroi "Zërit të Amerikës" se në vështrimin afatshkurtër është vështirë të flitet për një dialog midis Beogradit dhe Prishtinës, sepse Serbia ka nevojë të konsolidohet pas ngjarjes së javës së kaluar. Ai ka theksuar se në Prishtinë askush nuk është dakord nëse bisedimet duhet të fillojnë.

 

Edhe në Beograd ka mosmarrëveshje për këtë dialog. Por sipas këtij analisti tash në Beograd ka një koncensus se këto bisedime duhet zhvilluar. Së pari Beogradi e kupton se nuk mund të ketë ato lloj marrëdhëniesh politike që kishte me Prishtinën në të kaluarën e afërt apo të largët.

 

"Nëse kjo do të çonte në një pavarësi formale apo jo, nuk mund ta them me siguri. Kjo është natyrisht dëshira e popullit shqiptar të Kosovës dhe do të shihet nëse për të do të bihet dakord dhe nëse miratohet nga komuniteti ndërkombëtar", tha analisti Mishkoviq.

 

 

Rreth 250 kompani janë takuar në Prishtinë për të parë mundësitë e bashkëpunimit ekonomik ndërmjet vendeve të rajonit

 

Prishtinë, 18 mars 2003 - Rreth 250 kompani nga Kosova, Shqipëria, Maqedonia, Bullgaria, Serbia dhe Mali i Zi janë takuar dje në Prishtinë për të parë mundësitë e rritjes së bashkëpunimit ekonomik ndërmjet vendeve të rajonit.

 

Përfaqësuesi i USAID-it ka theksuar së zgjerimi i aktiviteteve afariste të integruara jashtë kufijve është një hap i rëndësishëm drejt përmirësimit të mundësive për zhvillimin ekonomik në tërë rajonin.

 

Shumë kompani janë takuar edhe më herët në takime të ngjashme që janë zhvilluar në rajon. Pjesëmarrësit e vlerësuan këtë takim si vend nga i cili mund të rrjedhin marrëveshjet e vlefshme tregtare.

Një tryezë të ngjashme Zyra për mbështetjen e biznesit të Kosovës do ta mbajë në Shkup në muajin qershor të këtij viti.

 

 

Agjencisë Amerikane për Zhvillim Ndërkombëtar përuroi dy projekte në Komunën e Lipjanit

 

Lypian, 18 mars 2003 - Dy projekte të Agjencisë Amerikane për Zhvillim Ndërkombëtar (USAID) u përuruan dje në Komunën e Lipjanit. Drejtori i kësaj agjencie Dejv Fajfer përuroi rrugën e asfaltuar me gjatësi një kilometër e gjysmë në Janjevë, i banuar me popullatë shumetnike. Ai theksoi se rehabilitimi i kësaj rruge do të përmirësojë kushtet për jetesë të banorëve të këtushëm.

 

Për realizimin e këtij projekti janë investuar 250 mijë dollarë të grumbulluara nga tatim-paguesit amerikanë. USAID-i dëshiron t'i ofrojë këtij fshati shumetnik një lidhje të mirë me qendrat e biznesit në Kosovë. Ata thanë se rëndësia e kësaj rruge është e pakufishme. Fjalë falënderimi për këtë ndihmë shfaqën edhe përfaqësuesit kroat të Janjevës.

Agjencia e Shteteve të Bashkuara të Amerikës për Zhvillim Ndërkombëtar po dje ka përuruar edhe rindërtimin e shkollës së mesme në fshatin Shalë të Komunës së Lipjanit.

 

 

Organizatat joqeveritare pohojnë se në Kosovë gjenden edhe 3.200 refugjatë nga Maqedonia.

 

Prishtinë, 18 mars 2003 - Organizatat joqeveritare pohojnë se në Kosovë gjenden edhe 3.200 refugjatë nga Maqedonia. Në kohën e luftës në Kosovë kishin ikur 12 mijë shtetasë të Maqedonisë. Shumica e këtyre refugjatëve janë të vendosur tani në shtëpi private.

 

 

Përgjegjësia për të gjitha pasojat i takon vetëm regjimit të Sadam Huseinit, thotë Ilir Meta

 

Tiranë, 18 mars 2003 - Zgjedhja midis luftës dhe paqes ka qenë, gjatë kësaj kohe, në duart e Sadam Huseinit. Por regjimi i tij, me kokëfortësi, nuk bashkëpunoi 'në mënyrë të plotë dhe pa kushte', ashtu sikurse kërkohej nga Rezoluta 1441.

 

Prandaj, përgjegjësia për të gjitha pasojat i takon vetëm regjimit të Sadam Huseinit -, deklaroi në një konferencë shtypi, ministri i Punëve të Jashtme të Shqipërisë Ilir Meta.

Qeveria Shqiptare, tha zoti Meta, ishte ndër të parat që përshëndeti Planin e Paqes, si "roadmap" dhe negociatat e katërshes (SHBA, BE, OKB, Rusi) për zbatimin e tij.

 

 

Kryeministri kroat Raçan ka qenë viktimë e mundshme e një atentati në Beograd

 

Zagreb, 18 mars 2003 - Kryeministri kroat Ivica Raçan ka qenë viktimë e mundshme e një atentati gjatë qëndrimit në Beograd, për çka paralajmërimet kishin arritur nga jashtë, kurse pohimet e ngjashme janë botuar edhe në media e huaja.

Kështu gazeta e Rijekës "Novi list" shkruan se Raçan, ,e gjithë paralajmërimet nuk kishte hequr dorë nga udhëtimi në Beograd, meqenëse ai kishte propozuar që shefat e qeverive të vendeve fqinje në numër sa më të madh të tubohen në varrimin e kryeministrit serb Zoran Gjingjiq.

 

Pas paralajmërimeve të arritura, sigurimi i Raçanit ka pasur probleme të mëdha gjatë qëndrimit të kryeministrit kroat në Beograd, por në fund çdo gjë kalon pa probleme.

Në Qeverinë kroate konsiderojnë se në një masë të mirë mund të krahsohet pozita e Raçanit me atë të Gjingjiqit, sepse në të dy shtetet ekziston një milie kriminal-politik.

 

 

Eshte arritur një marrëveshje ndërmjet BDI-së dhe UT për legalizimin e Universitetit të Tetovës

 

Tetovë, 18 mars 2003 - Duke u nisur nga parimet themelore është arritur një marrëveshje ndëmjet Bashkimit Demokratik per Integrim (BDI) dhe strukturave gjegjëse të Universitetit të Tetoves (UT), për krijimin e Komisionit nismëtar për legalizimin e UT-se në përbërje:

Prof.Dr. Nexhmedin Beadini (kryesues),

Doc.Dr. Zehra Hajrullahu,

Mr.sc. Naser Ademi (anëtar),

Mr.sc. Fatmir Besimi (anëtar),

Shkodran Idrizi (student),

Prof. Dr. Edmond Beqiri (ekspert),

Prof. Dr. Blerim Reka (ekspert).

Komisioni në fjalë do të punojë dhe ndërrmarë të gjitha hapat e nevojshme për legalizimin e Universitetit te Tetovës si Institucion arsimor-shkencor.

Komisioni në fjalë fton të gjithë arsimdashësit, studentët, profesorët si dhe ekspertët dhe përfaqsuesit ndërkombetarë të ndihmojnë dhe mbështesin këtë komision në punën e tij.

Ky komision do të bazojë punën e vet në idenë e realizimit të legalizimit të një institucioni publik arsimoro-shkencor (Universitetit të Tetovës) në gjuhën shqipe, bazuar mbi norma dhe standarde që do të garantojnë njohjen e këtij institucioni jo vetem ne Republikën e Maqedonisë por edhe ne rrafshin ndërkombetar.

Nderkohë, Universiteti i Tetovës do të udheheqet nga Komisioni nismëtar.

Komisioni ka për detyrë të elaborojë një projekt/plan në bashkëpunim me Ministrinë e Arsimit dhe Komunitetin Nderkombetar.

 

Projekt/plani, i bazuar në interesat e studentëve si interesa primare të projektit, ka për qëllim zhvillimin e arsimit sipëror në gjuhën shqipe të një kualiteti të lartë, të finansuar nga shteti dhe te bazuar në standarde ndërkombeëare që garantojnë njohje të diplomave dhe procesit mësimor në suaza nacionale dhe internacionale.

Marrëveshjen në emër të BDI-së e ka nënshkruar Ali Ahmeti, kurse në emër të UT-së Dr. Nexhbedin Beadini.

 

 

Marrëveshje në mes Bashkimit Demokratik për integrim dhe strukturave gjegjese të Univerzitetit të Tetovës për legalizimin e Univerzitetit të Tetovës

 

        1. Parimet themelore

1.1 Duke u nisur nga synimi ynë i kahmotshëm dhe përcaktimi ynë i përbashket për të zgjidhur cështjen e shkollimit të lartë të shqiptarëve të Maqedonisë në mënyrë që ai të reflektojë interesin publik të të gjithë qytetarëve dhe të përmbushë nevojat e popullatës shqiptare në mënyrë përmbajtësore dhe kualitative konform standardeve universitare;

1.2 Duke u nisur nga fakti se tani më një kohë të gjatë nuk u realizua legalizimi i UT si institucion arsimoro-shkencor, i cili u themelua për të përmbushur nevojat e shqiptarëve për shkollim universitar, e drejte kjo e trasheguar dhe e garantuar nga dispozitat kushtetuese dhe ligjore;
1.3 Duke konstatuar se të gjitha masat e ndërmarra në këtë drejtim gjer më tani (nga institucionet ekzistuese ne RM) nuk përmbushin kërkesat dhe nevojat e qytetarëve shqiptarë për arsim të lartë;
1.4 Bazuar mbi parimin i cili shkollimin universitar e konsideron si vlerë publike e cila gjithmonë do të mbetet përgjegjësi publike;

1.5 Duke respektuar dhe pasur në konsideratë të gjithë ata që në mënyra të ndryshme deri me tani kontribuan për zgjidhjen dhe afirmimin e kësaj cështjeje arsimore dhe humane;

 

2. Komisioni nismëtar

Duke u nisur nga këto parime themelore, U ARRIT MARREVESHJE në mes Bashkimit Demokratik per Integrim dhe strukturave gjegjëse të Universitetit të Tetoves ( UT ), për krijimin e komisionit nismëtar për legalizimin e UT-se në përbërje:

1. Prof.Dr. Nexhmedin Beadini / kryesues

2. Doc.Dr. Zehra Hajrullahu

3. Mr.sc. Naser Ademi / anëtar

4. Mr.sc. Fatmir Besimi / anëtar

5. Shkodran Idrizi /student

6. Prof. Dr. Edmond Beqiri / ekspert

7. Prof. Dr. Blerim Reka / ekspert

Komisioni në fjalë do të punojë dhe ndërrmarë të gjitha hapat e nevojshme për legalizimin e Universitetit te Tetovës si Institucion arsimor-shkencor.

Komisioni në fjalë fton të gjithë arsimdashësit, studentët, profesorët si dhe ekspertët dhe përfaqsuesit ndërkombetarë të ndihmojnë dhe mbështesin këtë komision në punën e tij.

Ky komision do të bazojë punën e vet në idenë e realizimit të legalizimit të një institucioni publik arsimoro-shkencor (Universitetit të Tetovës) në gjuhën shqipe, bazuar mbi norma dhe standarde që do të garantojnë njohjen e këtij institucioni jo vetem ne Republikën e Maqedonisë por edhe ne rrafshin ndërkombetar.

Nderkohë, Universiteti i Tetovës do të udheheqet nga Komisioni Nismëtar për legalizimin e UT-së.

3. Strategjia dhe parimet udheheqëse të Komisionit Nismëtar

Komisioni Nismëtar për Regjistrimin/Legalizimin e Universitetit të Tetovës përbëhet nga :

1. Prof.Dr. Nexhmedin Beadini / kryesues

2. Doc.Dr. Zehra Hajrullahu

3. Mr.sc. Naser Ademi / anëtar

4. Mr.sc. Fatmir Besimi / anëtar

5. Shkodran Idrizi /student

6. Prof. Dr. Edmond Beqiri / ekspert

7. Prof. Dr. Blerim Reka / ekspert

Komisioni ka për detyrë të elaborojë një projekt/plan në bashkëpunim me Ministrinë e Arsimit dhe Komunitetin Nderkombetar. Projekt/plani, i bazuar në interesat e studentëve si interesa primare të projektit, ka për qëllim zhvillimin e arsimit sipëror në gjuhën shqipe të një kualiteti të lartë, të finansuar nga shteti dhe te bazuar në standarde ndërkombeëare që garantojnë njohje të diplomave dhe procesit mësimor në suaza nacionale dhe internacionale.

Puna e Komisionit Nismëtar do te bazohet ne keto parime :

- Regjistrimin e UT/së si nje institucion legal në Republiken e Maqedonisë;

- Aktivitetet do të bazohen në ligjin ekzistues për Arsim të Lartë i cili duhet ndryshuar ku ka nevojë;

- Në standardet, normat dhe konventat arsimore ndërkombëtare;

- Në bashkëpunim dhe përkrahje të plotë me Komunitetin Ndërkombëtar;

- Në obligimin e Republikes se Maqedonisë per te siguruar mjete adekuate per arsim sipëror ne gjuhën shqipe.

- Në parimet e Marrëveshjes Kornizë të Ohrit që kërkon sigurim të mjeteve buxhetore për arsimimin universitar në gjuhën shqipe;

Komisioni Nismëtar do të elaboroje studime të detajuara dhe strategji gjegjëse që përfshijne cështjet si vijon :

- një pasqyrë dhe vlerësim ekonomik të gjendjes (status quo) të tanishme (numrin actual të studentëve, numrin e të diplomuarve, koston e tashme, kërkesat në tregun e punës, etj.) të UT-së;

- analizë të nevojave dhe propozime për fakultetet të cilat do të bashke/financohen nga shteti;

- identifikimin e adaptimeve te nevojshme në ligjin për arsim universitar,

- kalkulimet financiare te kostos, planifikim afat-mesëm dhe konceptin për grumbullimin e fondeve;
- ngritjen(avansimin)/njohjen e programit për studentët e diplomuar në Universitetin e Tetovës;

- zhvillimin e programeve për bashkepunim me institucionet e tjera universitare në vend, rajon dhe në nivel ndërkombëtar;

- programe zhvillimi dhe perfeksionimi për kuadrot akademike dhe nje program punesimi/ri-trajnimi per kuadrot e tanishem, etj.

Dispozitat përmbyllëse

· Palët nënshkruese obligohen që të qëndrojnë në parimet e dakorduara duke pasur parasysh interesin e lartë shoqëror dhe kombëtar për legalizim të UTsë;

· Obligohen që komunikimin me mediat ta bëjnë në bazë të marrëveshjeve paraprake të të dy palëve;
· Obligohen që të konsiderojnë këtë tekst si tekst të vetmin autentink dhe bazë për të ecur përpara në drejtim të legalizimit të UTsë.

Tetovë, 17.03.2003

 

Për BDI: Ali Ahmeti

Për UT: Dr. Nexhbedin Beadini

 

 

B. Cërvenkovski: Çdo destabilizim i mundshëm i gjendjes në Kosovë do të ketë pasoja për vendet e tjera në rajon

 

Shkup, 18 mars 2003 - Kryeministri maqedonas Branko Cërvenkovski deklaroi dje se në Maqedoni nuk do të ketë ofensivë pranverore. Ai i shtoi se megjithatë rreziqet nuk duhen të nënçmohen. Nuk duhet të nënvlerësohen rreziqet, ngase ato ekzistojnë. Incidente do të ketë dhe askush nuk mund të garantojë se ato nuk do të ndodhin. Kryeministri Cërvenkovski i bëri këto komente pas takimit me një delegacion të socialistëve bullgarë.

Ai vlerësoi marrëveshjen e arritur me Bashkimin Demokratik për Integrim, duke theksuar se çështja e kufirit me Kosovën është çështje e mbyllur për Maqedoninë. Cërvenkovski tha gjithashtu se çdo kaos apo destabilizim i mundshëm i gjendjes në Kosovë do të ketë pasoja për vendet e tjera në rajon, qoftë në Maqedoni, qoftë në Shqipëri, qoftë në vende të tjera.

 

Sipas tij për gjithë rajonin është e rëndësishme nëse Kosova do të jetë territor me rend, ndoshta shumë më e rëndësishme nga ajo nëse Kosova do të jetë shtet i pavarur apo pjesë e ndonjë federate. Nëse do të jetë shtet me rregull ku sundon ligji dhe rendi, ku ka institucione që do t'i mbrojnë këto rregulla, kjo do të jetë shenjë apo sinjal stabiliteti për gjithë rajonin, tha kryeministri maqedonas.

 

 

Kryetarit të BDI-së, Ali Ahmetit nuk i është dhënë viza nga Ambasada amerikane në Shkup për të udhëtuar në SHBA

 

Shkup, 18 mars 2003 - Kryetarit të partisë së Bashkimit Demokratik për Integrim në Maqedoni Ali Ahmetit nuk i është dhënë viza nga Ambasada amerikane në Shkup për të udhëtuar në Shtetet e Bashkuara të Amerikës. Këtë lajm e ka konfirmuar edhe Ermira Mehmeti zëdhënëse e kësaj partie.

 

Ali Ahmeti kohë më parë ishte ftuar që këto ditë të merrte pjesë në konferencën e organizuar nga Instituti Amerikan për Paqe në Uashington. Ahmeti edhe mëtej vazhdon të mbetet në listën e zezë të presidentit amerikan Xhorxh Bush.

 

 

Parlamenti i Serbisë dhe Malit të Zi zgjodhi mbrëmë kabinetin e Këshillit të Ministrave

 

Beograd, 18 mars 2003 - Parlamenti i Serbisë dhe Malit të Zi zgjodhi mbrëmë në Beograd me shumicë votash kabinetin e Këshillit të Ministrave të shtetit të ri të përbërë nga pesë anëtarë.

Me propozimin e kryetarit të Unionit serbo-malazez Svetozar Maroviq, i cili njëherit është edhe kryetar i Këshillit të Ministrave, postet e ministrave i mbajnë tre kandidatë nga Serbia dhe dy kandidatë nga Mali i Zi.

 

Ministër i jashtëm është ministri i deritashëm federal Goran Svillanoviq, i Mbrojtjes Boris Tadiq, i të Drejtave Njerëzore e Minoritare, Rasim Lajiq, të gjithë nga Serbia, ndërkaq ministër për Marrëdhënie Ekonomike me Jashtë dhe ministër i Ministrisë së Brendshme janë Branko Llukovac dhe Amir Nurkoviq nga Mali i Zi.

Pritet që edhe Kuvendi i Serbisë të zgjedhë sot kryeministrin e këtij vendi pas vrasjes së Zoran Gjingjiqit. Në këtë post është propozuar Zoran Zhivkoviq, nënkryetar i Partisë Demokratike.

Opozita dhe partia e Vojisllav Koshtunicës kanë paralajmëruar se nuk do ta mbështesin Zoran Zhivkoviqin në këtë funksion.

 

 

Franca ka reaguar ashpër ndaj ultimatumit të presidentit amerikan Bush

 

Paris, 18 mars 2003 - Franca ka reaguar ashpër ndaj ultimatumit të presidentit amerikan Bush, duke bërë të ditur se SHBA-të kanë zgjedhur forcën në vend të ligjit.

Në një njoftim të zyrës së presidentit Shirak thuhet se Uashingtoni me këtë ultimatum ka marrë përsipër një përgjegjësi të rëndë.

 

 

Trupat amerikane në Kuvajt po bëjnë përgatitjet përfundimtare për invazion të Irakut

 

Kuvajti Verior, 18 mars 2003 – Trupat amerikane në shkretëtirën kuvajtiane po bëjnë sot (të martën) përgatitjet përfundimtare për invazion të Irakut, pasi Presidenti Bush ia ka dorëzuar Bagdadit ultimatumin 48-orësh për luftë, njofton Rojter.

 

 

Djali më i moçëm i Sadam Hyseinit ka refuzuar që lideri irakian dhe djemtë e tij të shkojnë në ekzil

 

Bagdad, 18 mars 2003 - Djali më i moçëm i Sadam Hyseinit ka refuzuar sot (të martën) ultimatumin amerikan që lideri irakian dhe djemtë e tij të shkojnë në ekzil ose të përballen me luftën, njofton Rojter.

 

Ai gjithashtu ka thënë se forcat amerikane, që do të pushtojnë Irakun do të ballafaqohen "me luftë të përgjakshme". "Gratë dhe nënat e atyre amerikanëve, që do të luftojnë me ne do të qajnë me gjak, jo me lot", ka thënë ai.

 

 

Një jemenas ka vrarë sot një amerikan, një kanadian dhe një jemenas dhe pastaj ka bërë vetëvrasje

 

Sana, 18 mars 2003 – Një jemenas ka vrarë sot (të martën) një amerikan dhe një kanadian, të punësuar në një firmë perendimore të naftës në këtë shtet arab dhe pastaj ka bërë vetëvrasje, kanë bërë të ditrur zyrtarët e Jemenit, njofton Rojter.

 

Ky person ende i paidentifikuar ka vrarë gjithashtu edhe një të punësuar tjetër jenmenas të paidentifikuar, i cili punonte në këtë firmë të naftës. "Ai bëri vetëvrasje pas këtij akti. Motivi ende nuk është i njohur", ka deklaruar një zyrtar.

 

 

Në përleshjet e ushtrisë filipinase me ekstremistët vriten 18 vetë

 

Manilë, 18 mars 2003 - Të paktën 18 persona janë vrarë, nëntë civilë dhe tetë pjesëtarë të Lëvizjes çlirimtare islamike në përleshjet që shpërthyen kur pjesëtarët e kësaj organizate muslimane bllokuan një pjesë të autostradës në jug të Filipineve dhe u përleshën me ushtrinë.

 

Një kolonel i ushtrisë filipinase ka deklaruar se 100 pjesëtarë të organizatës muslimane pasi bllokuan autostradën afër qytetit Talajan kishin plaçkitur tetë udhëtarë dhe pastaj i kishin pushkatuar. Në një operacion të zhbllokimit të autostradës, ushtria kishte vrarë nëntë ekstremistë, njofton agjencia gjermane e lajmeve DPA.

 

 

Afër qytetit Betlehem janë vrarë një ushtar izraelit dhe një militant palestinez

 

Betlehem, 18 mars 2003 – Një ushtar izraelit dhe një militant palestinez janë vrarë gjatë natës kur armata izraelite ka kryer një sulm afër qytetit Betlehem të Bregut Perendimor, kanë bërë të ditur sot (të martën) të dy palët ndërluftuese, njofton Rojter.

 

Zëdhënësi i armatës ka thënë se trupat kanë hyrë në fshatin Marah Rabah në kërkim të militantëve dhe njëri syresh ka hapur zjarr nga një shtëpi dhe kështu ka vrarë ushtarin 27-vjeçar dhe ka plagosur një tjetër. Ndërkaq, militanti është vrarë gjatë një shkëmbimi zjarri dhe fqinjtë palestinez e kanë identifikuar me emrin Jusef al Fakah, 40 vjeç, anëtar i grupit militant palestinez Hamas.

 

Të pakten 1.945 palestinezë dhe 727 izraelitë janë vrarë që kur ka filluar kryengritja palestineze në shtator 2000.

 

 

Anan ka urdhëruar tërheqjen e tërë personelit ndërkombëtar që punon në Irak

 

Nju Jork, 18 mars 2003 - Sekretari i përgjithshëm i Kombeve të Bashkuara, Kofi Anan ka urdhëruar tërheqjen e tërë personelit ndërkombëtar që punon në Irak.

 

Këtë vendim Kofi Anani e mori pasi administrata e Presidentit amerikan e kishte informuar se duhet ta tërheqë personelin ndërkombëtarë,përfshirë këtu edhe inspektorët e armatimit. "Nëse ndërmerret aksion ushtarak pa mbështetjen e Këshillit të Sigurimit, legjimiteti i tij do të jetë i zbehtë dhe përkahja për të do të zvogëlohet" – tha Kofi Anani.

 

 

Iraku refuzoi ultimatumin e paralajmëruar nga Presidenti amerikan

 

Bagdad, 18 mars 2003 - Iraku refuzoi ultimatumin e paralajmëruar nga Presidenti amerikan që lideri Sadam Husein të largohet nga vendi. Kështu deklaroi ministri i jashtëm i Irakut, Naxhi Sabri. Ai poashtu tha se vendimi i Kombeve të Bashkuara për të tërhequr personelin nga Iraku ishte një vendim për keqardhje.

 

 

Robin Kuk ka dhënë dorëhqje

 

Londër, 18 mars 2003 - Anëtari i kabinetit britanik dhe ish-ministër i punëve të jashtme, Robin Kuk dha dje dorëhqje, ka njoftuar Zyra e kryeministrit Toni Bler. Robin Kuk më herët kishte paralajmëruar se do të jepte dorëheqje nëse Britania vazhdon të mbajë qëndrim të fortë lidhur me çështjen e Irakut.

 

 

Vlera e dollarit dhe e bursave amerikane u rritën me ashpërsimin e krizës së Irakut

 

Pragë, 18 mars 2003 - Vlera e dollarit amerikan dhe e bursave amerikane u rritën në momentin kur u bë e qartë se Shtetet e Bashuara u tërhoqën nga përpjekjet diplomatike për krizën lidhur me Irakun. Tash një euro vlen 1.0675 dollarë amerikanë, ndërsa më herët euro vlente 1.08 dollarë.

 

Analistët thonë se ky zhvillim ndodhi në momentin kur Shtetet e bashkuara, Britania dhe Spanja e tërhoqën rezolutën e tyre për Irakun nga Këshilli i Sigurimit.

 

 

Presidenti Bush i jep ultimatum udhëheqësit irakian

 

Uashington, 18 mars 2003 - Presidenti Bush i dha udhëheqësit irakian Sadam Husein 48 orë afat që të largohet nga vendi i tij përndryshe do të përballet me ndërhyrje ushtarake.
Presidenti Bush tha se e vetmja mënyrë që udhëheqësi irakian mund të shmangë konfliktin është që të largohet nga pushteti deri nesër.

"Sadam Huseini dhe djemtë e tij duhet të largohen nga Iraku brënda 48 orësh. Refuzimi i tyre për të bërë një gjë të tillë do të rezultojë në një konflikt ushtarak, që do të fillojë kur të vendosim ne. Për sigurinë e tyre, të gjithë qytetarët e huaj, duke përfshirë edhe gazetarët e inspektorët, duhet të largohen nga Iraku menjëherë".

Presidenti Bush hoqi dorë dje nga përpjekjet diplomatike dhe i ndodhur përballë kërcënimit të vendosjes së vetos nga Franca, vendosi të mos kërkonte votimin në Këshillin e Sigurimit të OKB-së mbi një rezolutë kundër Irakut.

Pas më shumë se 10 rezolutash dhe qindra inspektime armësh, presidenti Bush tha se vullneti i mirë i botës nuk ka dhënë rezultate, sepse Iraku e ka përdorur diplomacinë si një taktikë për të fituar kohë dhe avantazh.

Franca, Rusia dhe Kina kundërshtuan rezolutën e re sepse donin tu jepnin inspektorëve të armëve më shumë kohë. Në ultimatumin e tij mbrëmë presidenti e bërë të qartë se inspektimeve nuk do tu jepet më shumë kohë.

Ai shtoi se Këshilli i Sigurimit i OKB-së nuk ka përmbushur përgjegjësitë e tij, prandaj Shtetet e Bashkuara dhe vendet aleate do të zbatojnë, siç u shpreh ai, "kërkesat e drejta të botës".

 

 

Në Amerikë rritet shkalla e nivelit të gatishmërisë kombëtare ndaj sulmeve terroriste

 

Uashington, 18 mars 2003 - Zyrtarë amerikanë e rritën një shkallë nivelin e gatishmërisë kombëtare ndaj sulmeve terroriste për shkak të frikës së sulmeve terroriste gjatë një lufte me Irakun.

Departamenti amerikan për Sigurinë Kombëtare bëri thirrje për shtimin e oficerëve të patrullave kufitare dhe për shtimin e masave të sigurimit në porte, aeroporte dhe centrale bërthamore. Autoritetet gjithashtu kanë marrë masa mbrojtjeje për rezervat ushqi