Lajme

E hëne, 17 mars 2003

Përmbajtja:

• Konferencë ndërkombëtare e BSPK–së dhe e fondacionit "Fridrih Erbert Shtiftung" rreth dialogut social

• Bukoshi: Me vrasjen e Gjingjiqit Kosova ka humbur një kandidat potencial për bisedime rreth ardhmërisë

• Në Gjilan nesër promovohet Asambleja komunale e fëmijëve

• Autoritetet komunale të Prishtinës pritet të korrigjojnë koficientin e tatimit në pronë për këtë vit

• P. Rodorf: Ka pasur raste kur disa shqiptarë në Gjermani kanë ndërruar identitetin e tyre si ashkalinj e rus!

• Politikani maqedonas Vasil Tupurkovski thotë se Kosova po ecën drejt pavarësisë

• Derek Çapell thotë se janë arrestuar 20 persona për krimet e kryera dhe keqpërdorim të ligjit

• Filloi stinori pranveror i kampionatit të 59-të të Kosovës në futboll

• Karateistët kosovarë në turneun ndërkombëtarë “Atlanta CUP 2003” u stolisën me tri medalje ari dhe dy argjendi

• Në Serbi vazhdojnë arrestimet masive të grupeve kriminale - në pranga 400 prej 500 të dyshuarve

• Sot shpërtheu një bombë në hekurudhën afër vendkalimit kufitar Tabanoc

• Trajkovski ka shprehur kënaqësinë që BE-ja po e merr misionin ushtarak në Maqedoni

• Beograd: Deri më tash janë arrestuar 400 persona nga grupe të ndryshme kriminale

• Shkup: PDSH-ja marrëveshjen e arritur mes kryetarëve të partive politike e vlerëson si "këmbim robërish lufte"

• Policia ka arrestuar 318 persona lidhur me vrasjen e kryeministrit Gjingjiq

• Tirana përgatitet për të pritur me nderime trupin e pajetë të veprimtarit Abaz Ermenjit

• Partia e kryeministrit të vrarë Gjingjiq ka kandiduar për kryeministër të ri Zoran Zhivkoviqin

• Shpërthim në një pallat në qytetin e Laçit pa pasoja në njerëz

• Koncentrimi i madh i xhandarmërisë serbe në Luginën e Preshevës e ka rënduar jetën e popullatës shqiptare

• Janë hedhur dy bomba në një lagje të Tetovës

• Në Shkup ka përfunduar punimet dyditore Forumi për Evrointegrime

• SHBA-të kanë këshilluar Kombet e Bashkuara të nxjerrin inspektorët e armëve jashtë Irakut

• Gjatë operacionit të sotëm të trupave izraelite janë vrarë nëntë palestinez

• Në Izrael sulmi amerikan kundër Irakut pritet të mërkurën ose të enjtën

• OKB-ja dhe Kamboxhia janë për formimin e një tribunali ndërkombëtar kundër gjenocidit

• Autoritet shëndetësore në mbarë botën po luftojnë të vënë nën kontroll një virusin misterioz

• Trupat izraelite kanë vrarë sot gjashtë palestinezë

• Britania, Spanja, SHBA-të premtojnë ndihmë për rindërtimin e Irakut

• Franca e hapur për një afat për çarmatimin e Irakut nëse miratohet nga inspektorët

• Një aktiviste e paqes vritet nga buldozer izraelit

• Hidhet ideja për një azil të mundshëm për Sadam Huseinin

• SHBA u bënë thirrje të huajve të largohen nga Iraku

• Bush thotë se dita e hënë është "moment i së vërtetës për botën"

• Çeni: SHBA janë afër fundit të përpjekjeve diplomatike për çarmatosjen e Irakut

• Sadam Husein mund t'i marrë gazetarët si pengje në rast lufte

• Këshilli i Sigurimit do të mbajë sot konsultime për krizën irakiane

• Ministria e Jashtme gjermane ka kërkuar nga gjermanët të largohen menjëherë nga Iraku

• Në Japoni është hapur konferenca më e madhe kushtuar problemeve globale lidhur me uji n

Konferencë ndërkombëtare e BSPK–së dhe e fondacionit "Fridrih Erbert Shtiftung" rreth dialogut social

 

Prishtinë, 17 mars 2003 - Në mjediset e hotelit "Grand" në Prishtinë, organizuar nga Bashkimi i Sindikatave të Pavarura të Kosovës (BSPK) dhe fondacioni "Fridrih Erbert Shtiftung" po mbahet konferenca ndërkombëtare me moton "Sindikata e Europës Juglindore për një Europë sociale dhe të qytetarëve". Temë diskutimi është dialogu social në sistemin tripardit.

Kryetari i BSPK-së Bahri Shabani, duke e hapur këtë konferencë tha se sindikata është për bashkëpunim me UNMIK-un dhe Qeverinë e Kosovës drejt zhvillimit të një dialogu social që do të ndihmonte në mbrojtjen e punëtorëve.

 

Shabani kishte vërejtje në trajtimin e qeverisë ndaj këtij këshilli, sepse, sipas tij, që nga fillimi i tij BSPK-ja nuk është aq e kënaqur me funksionimnin praktik të këtij këshilli mgase nuk është kuptuar rëndësia e sistemit tripardit dhe e dialogut social në përgjithësi.

 

 

Bukoshi: Me vrasjen e Gjingjiqit Kosova ka humbur një kandidat potencial për bisedime rreth ardhmërisë

 

Prishtinë, 17 mars 2003 - "Vrasja e Gjingjiqit për Serbinë është një katastrofë, por bashkësisë ndërkombëtare dhe Kosovës do t'i duhet një kohë mjaft e gjatë derisa në Serbi të dalë një politikan apo politikanë me të cilët mund të bisedohet për të ardhmen e Kosovës", tha Bujar Bukoshi, kryetar i Partisë së Re të Kosovës (PREK) në një konferencë shtypi.

 

Sipas Bukoshit Kosova e ka humbur një kandidat potencial për bisedime rreth ardhmërisë së Kosovës. Njëkohësisht PREK kërkon që fati i Kosovës të mos lidhet me fatkeqësinë e Serbisë. "Ne nuk pranojmë të viktimizohemi për Serbinë", theksoi Bukoshi.

Bukoshi kërkoi nga UNMIK-u dhe KFOR-i që të shtojë prezencën në veriun e Kosovës për të penguar strehimin e kriminelëve të ndjekur nga Serbia si dhe bartjen e tensioneve dhe të krizës nga Serbia në Kosovë.

 

 

Në Gjilan nesër promovohet Asambleja komunale e fëmijëve

 

Gjilan, 17 mars 2003 - Gjilani është komuna e parë në Kosovë që ka themeluar Asamblenë e fëmijëve, e cila do të tubohet nesër në mbledhjen solemne, ku pritet të marrin pjesë edhe personalitete e përfaqësues të institucioneve vendore e ndërkombëtare në Kosovë.

Fatushe Haliti, koordinatore e projektit thotë se Asambleja e fëmjëve në Gjilan, për nga struktura organizative, është një imitim i kuvendeve komunale, që ka kryetarin, Egzon Bajramin dhe 44 anëtarë, nga të gjitha komunitetet (41 shqiptarë, 3 serbë, një turk dhe një rom), të moshave 12, 13 dhe 14 vjeçare. Anëtar i Asamblesë është edhe një i hendikepuar fizik, ndërsa përfaqësimi gjinor, është në favor të vajzave.

Asambleja synon të promovojë të drejtat e fëmijëve dhe që në të ardhmen, të gjitha datat e rëndësishme të fëmijëve, të shënohen nën organizimin e këtij asociacioni.

 

 

Autoritetet komunale të Prishtinës pritet të korrigjojnë koficientin e tatimit në pronë për këtë vit

 

Prishtinë, 17 mars 2003 - Autoritetet komunale të Prishtinës pritet të korrigjojnë koficientin e tatimit në pronë për këtë vit. Vërejtjet kryesore kanë të bëjnë me ngarkesa të larta që kanë sjellë mbi 2300 ankesa të qytetarëve. Plani për vitin e kaluar është realizuar vetëm në shkallë prej 48 për qind.

 

Nga mbi 47 mijë fatura të shpërndara janë siguruar mjete modeste financiare prej 460 mijë euro. "Prandaj Kuvendit Komunal pritet të ulë koficientin e këtij tatimi", thotë drejtori për Financa dhe Ekonomi në Komunën e Prishtinës, Agim Dibrani.

 

Ai shtoi se caktimi i tatimit në pronë është bërë në bazë të zonave. Kështu zona më e shtrenjtë është e para ku për një pronë mesatarisht prej 100 metër katrore duhet të paguhet 231 euro, kurse në zonën më të lirë të katërt për pronën në madhësi të njëjtë paguhen 78 euro. Këto mjete janë enkas për infrastrukturën e qytetit dhe nuk shfrytëzohen për shpenzime të tjera.

 

 

P. Rodorf: Ka pasur raste kur disa shqiptarë në Gjermani kanë ndërruar identitetin e tyre si ashkalinj e rus!

 

Prishtinë, 17 mars 2003 - Nga Gjermania në Kosovë pas përfundimit të luftës janë kthyer rreth 100 mijë shqiptarë. Prej tyre 80 mijë në baza vullnetare, ndërkaq 14 mijë janë riatdhesuar, ka thënë në një intervistë për radion "Blu skaj", shefi i Zyrës gjermane në Prishtinë Piter Rondorf.

 

Ai thotë se në të ardhmen pritet të kthehen edhe 52 mijë qytetarë të Kosovës, prej tyre 30 mijë pjesëtarë të minoriteteve dhe 22 mijë shqiptarë. "Ne kemi kërkuar që shqiptarët të mos kthehen me aeroplan të JAT-it dhe kjo nuk do të ndodhë më", tha z. Rondorf.

 

Ai ka shtuar se ata që do të kthehen në baza vullnetare do të marrin një ndihmë nga Qeveria gjermane, ndërkaq ata të cilët do të kthehen në mënyrë të dhunshme nuk do të kenë beneficione të tilla.

Në lidhje me ndërrimin e identitetit të shqiptarëve nga Kosova në Gjermani, Piter Rudorf tha: "Ne kemi pasur raste kur disa shqiptarë kanë ndërruar identitetin, kur disa nga ata në Gjermani janë shkruar si ashkalinj e rus.

 

Një rast të tillë kemi pasur kur një shqiptar është paraqitur si rus dhe i njëjti është kthyer me dhunë në Kosovë. Ne do t'i kthejmë rreth 30 mijë minoritarë që jetojnë në Gjermani. Të tilla raste të ndërrimit të identitetit kemi gjithëherë, por të gjithë do të kthehen pa marrë parasysh etnitetin e tyre".

 

 

Politikani maqedonas Vasil Tupurkovski thotë se Kosova po ecën drejt pavarësisë

 

Shkup, 17 mars 2003 - Politikani maqedonas Vasil Tupurkovski që është edhe kryetar i Alternativës Demokratike duke shfaqur qëndrimin e tij rreth proceseve politike në Kosovë, tha se Kosova po ecën drejt pavarësisë saj. Ky është një projekt i cili nuk është vetëm shqiptar në kuptimin e popullsisë shqiptare të Kosovës. Ky projekt, tha në një intervistë për radion "Evropa e lirë" z. Tupurkovski, i ka burimet e veta në zgjidhjet gjeostrategjike finale që kanë të bëjnë me krizat në Ballkan.

I pyetur se si e vlerëson nismën për hapjen e një dialogu ndërmjet Beogradit dhe Prishtinës, z. Tupurkovski u përgjigj: "Mendoj se kjo është një përgatitje për gjetjen e një zgjidhje politike të këtyre çështjeve ballkanike.

 

Nuk besoj se do të lejohet një luftë e re, sepse ajo do të dëmtonte NATO-n, faktorët gjeostrategjikë në këtë rajon dhe gjithashtu do të ishte në dëm të faktorëve më të fuqishëm ndërkombëtarë. Ne duhet ta mbështesim këtë dialog dhe nëse ka mundësi të kyçemi atje në ndonjë mënyrë, jo në formë bilaterale, por në mënyrë rajonale me atë që do të hapeshin nisma pozitive siç janë lëvizja e lirë, çështja e kufijve, pikërisht siç është rregulluar kjo çështje në legjislaturën ndërkombëtare dhe në kartën e OKB-së, çka do të thotë mosndryshimi i kufijve", tha Tupurkovski.

 

 

Derek Çapell thotë se janë arrestuar 20 persona për krimet e kryera dhe keqpërdorim të ligjit

 

Prishtinë, 17 mars 2003 - Zëdhënësi i policisë së UNMIK-ut Derek Çapell tha se janë arrestuar 20 persona për krimet e kryera dhe keqpërdorim të ligjit në tërë Kosovën. Në anën tjetër sektori i policisë së trafikut gjatë 24 orëve të fundit ka dënuar gjobitur mbi 700 ngasës të automjeteve. Zëdhënësi i policisë së UNMIK-ut Derek Çapell u tha mediave se në bashkëpunim me SHPK-në në tërë Kosovën janë arrestuar disa persona të cilët kanë kryer vepra penale.

 

Ai ka bërë të ditur se në Podujevë katër persona të armatosur me automatik kanë hyrë në një kafiteri dhe kanë urdhëruar pronarin që të mbyllë lokalin për arsye të panjohura. Në Rahovec është shënuar një rrahje ndërmjet dy personave me ç'rast njëri ka pësuar lëndime në kokë. I lënduari është në spital në gjendje mjaft të rëndë, ndërkaq kryesi i veprës është arrestuar.

 

Derek Çapell pastaj tha se gjatë kontrollimit të veturave policia ka gjetur dorëza dhe pajisje të tjera që përdorën për vjedhje, si dhe targa të vjedhura të veturave dhe më këtë rast ka konfirmua ai janë arrestuar dy persona.

Ai ka njoftuar se në rajonin e Prizrenit persona të armatosur kanë plaçkitur një kazino. Personat të cilët kanë humbur paratë e veta, duke luajtur janë kthyer të armatosur dhe kanë plaçkitur kazinon. Edhe në Gjakovë policia ka ndërhyrë në një përleshje ku janë involvuar pesë persona dhe policia i ka arrestuar dhe tek ata janë gjetur edhe armë, tha zëdhënësi i policisë së UNMIK-ut Derek Çapell.

 

 

Filloi stinori pranveror i kampionatit të 59-të të Kosovës në futboll

 

Prishtinë, 17 mars 2003 - Me ndeshjen Kosova(P) – Gjilani (2:1) të shtunën filloi stinori pranveror i Kampionatit të 59-të të Kosovës në futboll. Të gjitha ndeshjet u zhvilluan në një kohë të ftoftë e që doshta edhe ndikoi në numrin e vogël të shikuesve që i përcollën takime e kësaj jave.

 

Në shtatë ndeshjet e xhiros së 14-të, gjithsej u shënuan 20 gola. Në pesë takime fitore shënuan skuadrat vendase ndërsa dy takime përfunduan pa fitues, ku Kosova e Vushtrrisë befasoi për të mirë në Gjilan duke luajtur baras me kampionin vjeshtor Dritën. (Besa – Prishtina 1:1 dhe Drita - Kosova(V) 1:1).
  

Rezultatet komplete dhe Tabela

    

 

Karateistët kosovarë në turneun ndërkombëtarë “Atlanta CUP 2003” u stolisën me tri medalje ari dhe dy argjendi

 

Prishtinë, 17 mars 2003 - Karateistët e Kosovës shkëlqyen në turneun e madh ndërkombëtar "Atlanta CUP 2003" i cili u mbajt në Atlanta të SHBA-së, duke i fituar tri medalje ari dhe dy medalje argjendi.

Medaljet e arta i fituan Shqipe Zogiani në kategorinë absolute duke përsëritur suksesin e vitit të kaluar, Erblin Bucaliu, 14 vjeçar dhe Bashkim Murati, ndërkaq medalje argjendi fituan Kaltrina Krasniqi, 16 vjeçare dhe Besim Murati.

Në turneun ndërkombëtarë "Atlanta CUP 2003" morën pjesë, përveç Shteteve të Bashkuara të Amerikës edhe Gjermania, Japonia, Egjipti, Uzbekistani, Maroko dhe Kosova.

 

 

Në Serbi vazhdojnë arrestimet masive të grupeve kriminale - në pranga 400 prej 500 të dyshuarve

 

Beograd, 17 mars 2003 - Në Serbi vazhdojnë arrestimet masive në lidhje me vrasjen e kryeministrit serb Zoran Gjingjiq. Kështu në Zajeçar, qytet në lindje të Serbisë, sot janë arrestuar 16 persona. Policia njofton se në këtë mënyrë ka shkatërruar një grup kriminal te