OPINIONE

PRO ET CONTRA

BORDELET NUK JANË SINONIM I DEMOKRACISË NË KOSOVË

Sipas raportit të përpiluar të Organizatës Ndërkombëtare të Migracionit (International Organization for Migration) në Kosovë sot bluajnë në dorë - 266 bordele.  Grafikoni i përgjithshëm i këtyre shtëpiave publike është ky: " Prishtina 47, Fushë Kosova 14, Gjilani 11, Ferizaji me rrethinë 74, Peja 12, Mitrovica 17 dhe Prizreni 43". Ja, kjo është "fizionomia e investimeve reale" e politikës demokratike dhe e "reformatorëve" të demokracisë në Kosovë.

  

  

15 mars 2003 / Kujtim Konushefci

 

Në katër vitet e fundit në liri, nuk ka gazetë, television a radio e as institucion në Kosovë, që nuk merret me "studimin" e esencës së demokracisë dhe bartësve të saj. Dorën në zemër, teorikisht,  nuk mund të pandehim se sa larg ka shkuar dhe, sa  thellë është përpunuar kultura dhe  shkenca e politikës demokratike në Kosovë, për këtë mund të flasin vetëm vetëm “reformatorët” respektivisht përfituesit e saj. Mirëpo, praktikisht është nën zero, dhe nën çdo minimum të standardeve të demokracisë  perëndimore. 

   

Këtë fatëkeqësisht e ilustron edhe  statistika e “industrisë” së prostitucionit në Kosovë. Sipas raportit të përpiluar të Organizatës Ndërkombëtare të Migracionit (International Organization for Migration) në Kosovë sot bluajnë në dorë - 266 bordele.  Grafikoni i përgjithshëm i këtyre shtëpiave publike është ky: " Prishtina 47, Fushë Kosova 14, Gjilani 11, Ferizaji me rrethinë 74, Peja 12, Mitrovica 17 dhe Prizreni 43". Ja, kjo është "fizionomia e investimeve reale" e politikës demokratike dhe e "reformatorëve" të demokracisë në Kosovë.

 

Meqenëse  pushtetarët  shqiptarë, pohojnë në sy të botës se, de facto janë të "pavarur" nga Serbia duke pasur organet dhe institucionet e veta policore, gjyqësore dhe legjislative, atëherë populli me arsye pyet, se si është e mundur, që "para hundës" së aparatit shtetëror demokratik shqiptar, Kosova të shndërrohet në humnera bordelesh?!  Ky është keqkuptim dhe keqinterpretim i realitetit dhe i demokracisë së sotshme në Kosovë. Degjenerimi, prostitucioni, shfrytëzimi në të gjitha kuptimet e tij, nuk janë kurrfarë sinonimi i demokracisë,  i njerëzores dhe i përparimit të qenies shqiptare, por janë degjenerimi moral, kulturor dhe kombktar i shqiptarëve jo vetëm në Kosovë, por kudo në botë.

 

Në qoftë se qeveria  dhe parlamenti i Kosovës nuk kanë vullnet, guxim dhe pushtet, që të kacafyten me këtë dukuri shëmtuese kancerogjene të shoqërisë shqiptare, atëherë vetë populli, i cili është i rrezikuar për vdekje nga një dukuri e tillë infektuese kancerogjene, duhet t’i gjejë format dhe mjetet efektive përkatëse, që ta luftojnë përfundimisht atë.

  

Politika dhe pushteti i sotshëm shqiptar në Kosovë, duhet të jenë të vetëdijshme, se të mirat e dobishme për ekzistencën dhe përparimin e popullit shqiptar në Kosovë, nuk do t’i sjellë të ambalazhuara askush nga importi i jashtëm. Edhe ato ndihma humanitare që i sjellin donatorët e jashtëm, është e domosdoshme që të sistemohen sipas kritereve rigorize të përfituesve të tyre, e jo me vite të tëra, të përfundojnë nëpër firmat dhe kompanitë  mixte dhe të dyshimta të kontrabandistëve shqiptaro-serbë, duke ua shitur ato me qmime astronomike si shumicës dërrmuese të klientëve të shoqatës humanitare "Nënë Tereza", ashtu edhe konsumatorëve të tjerë të tregut të gjerë. Kush mund ta krijojë dhe ta mbajë nën mbikëqyrje këtë "rend"? Sigurisht se jo, "skamnorët"  e shoqatave humanitare, por organet e ndryshme kompetente të pushtetit shqiptar në Kosovë.

 

Aksioni zyrtyar për gërrënjosjen e dukurive negative në Kosovë, duhet të fillojë sa më parë nga organet e qeverisë dhe parlamenitit të Kosovës, në mënyrë që ta shpëtojnë popullin nga kanxhat e bandave kriminale dhe të korrupcionit të organizuar mafioz, të importuar nga "bazat paraushtarake, mercenare e policore" të Serbisë, të Shqipërisë dhe të Maqedonisë, të dirigjuara nga kryeqendra mafioze e  nëntokës së Rusisë, e cila sipas raporteve të zbulimit të kriminalitetit ndërkombëtar, konsiderohet si njëra nga mafiat më të  rrezikshme dhe më të fuqishme në Evropë.

 

Nëse nuk ndërmerret diq e këtillë për pastrimin e mjedisit të ndotur shqiptar në Kosovë nga "lulëzimi" i amëtuar i kriminalitetit dhe i shfrytëzimit të popullit në mënyrë të pamëshirshme, sipas projekteve antishqiptare të Sllobodan Millosheviqit dhe të Vojisllav Sheshelit, të cilat parashikojnë zhdukjen e qenies shqiptare në Kosovë, edhe përmes formave të theksuara kriminalizuese: infektimit me prostitucion, me mediakmente të ndyrshme toksikologjike, me prodhime të ndyrshme ushqimore kryesisht të prodhuara në Serbi etj., atëherë ekziston rreziku që Kosova të kapitullojë në paqe, dhe në mënyrë të vullnetshme. Dhe, nuk ka dyshim se, derisa në Kosovë të "bluajnë mullinjtë e prostitucionit"  dhe  të zhvillohen format e tjera të reketimit dhe kriminalitetit kundër interesit të përgjithshëm të politikës nacionale shqiptare, nuk mund të mburremi para botës, se Kosova po shkon drejt zhvillimit demokratik dhe integrimeve transatlantike.

 

Për t’i pezulluar dukuritë e tilla negative më të turpshme, dhe më të dëmshme për një shpoqëri normale, kërkohet vendosmëri dhe strategji e caktuar nga organet dhe institucionet me competencë të qeverisë së Kosovës.

 

Se kjo aspak nuk është një luftë e lehtë dhe pa "ferra", ka dëshmuar edhe vrasja mizore e kryearkitektit të Drejtorisë për Planifikim, Zhvillim dhe Urbanizëm të Prishtinës, Rexhep Luci në banesën e tij në lagjjen Dardania, më 13 shtator 2000. U vra nga dora kriminale e injorancës shqiptare, e cila u orvat që Prishtinën e urbanizuar dhe të lulëzuar nga arkitekti më i shquar shqiptar, ta shndërrojë në një "kasabë nomadësh" të kohës së gurit. Cka do të thotë kjo, si mund të arsyetohet kjo para popullit? 

  

Thjesht, kjo do të thotë, vetëm një njeri siq ishte Rexhep Luci nuk mund ta mbrojë familjen e vet as Prishtinën nga shkatërrimi dhe rrënimi i egër "demokratik", kur të tjerët janë të korruptuar deri në fyt. Kur të tjerët jetojnë troq prej korrupsioni, droge dhe prostitucioni. Prandaj, krejt e logjikshme është se krimi nuk mund të luftohet me krim. Ose më thjesht  hajni nuk mud ta luftojë hajnin. Këtë e vërtetuan edhe mbeturinat e pushtetit ushtarak-policor të Qeverisë së Serbisë, të cilat për interesa të tyre  të mafisë nëntokësore, të primitivizmit dhe ultranacionalizmit serb, e privuan nga jeta, Zoran Gjingjiqin, kryeministrin liberal të Serbisë.

 

Për ta prerë në rrënjë korrupsionin dhe tërë biznesin e korruptuar në Kosovë, nevojitet aksion i përbashkët dhe i organizuar i të gjitha forcave politike në Kosovë. Këtë mobilizim nuk mund ta iniciojë, as të bëjë askush tjetër përpos Qeverisë së Kosovës. Natyrisht, kjo duhet t'ia fillojë këtij aksioni me ndihmën e menjëhershme të “politikës bulldozer” në rrënimin përtoke të të gjitha atyre pasurive të paligjshme (shtëpive, firmave, objekteve, bordeleve, hoteleve, moteleve etj.) të titullarëve mafiozë proserbë, të cilët deri tash,duke zhvilluar transaksione të ndryshme tregtare dhe kontrabandiste me Serbinë, janë pasuruar dhe kanë krijuar kapital  të paligjshëm, duke e shfrytëzuar dhe varfëruar popullin deri në palcë. 

  

Si pasojë e kalbësirave  të transaksioneve tregatre dhe ekonomike shqiptaro-serbe, sot Kosova ka më shumë bordele  të "hamshorëve biznismenë" sesa spitale, sesa qendra rehabilituese për personat e retarduar nga lufta dhe gjeoncidi sërb, sesa shtëpia dhe banesa për fitimtarët dhe ivalidët e luftës heroike çlirimtare të UÇK-së.

 

Duke parë mosinteresimin  ndaj vlerësimit të drejtë të luftës çlirimtare të UÇK-së, dhe të mëkëmbjes e ripërtëritjes së gjithë asaj që është shqiptare, që ka pësuar nga lemeritë dhe barbarizmat e luftës grabitqare serbe, me arsye ka filluar të lëkundet dhe ta humbas besimin ndaj atyre pushtetarëve dhe liderëve, që në emër të tij, të luftës së UÇK-së dhe të patriotizmit kombëtar po ndërtojnë kultin e tyre karrierist politië dhe ekonomik. Për befasi edhe të armiqve të shqiptarëve, kasta e re poltike, ka "harruar" se për çka ka luftuar. 

  

Fatkeqësisht, tani në plan të parë ka vënë interesat e saj personale, duke e degraduar misonin e saj historik e kombëtar, vetëm për t'u barazuar me pasurinë dhe përfitimet materiale të "biznismenëve" mafiozë analfabetë proserbë, të cilët edhe atëherë gjatë okupimit, edhe sot janë armiqë të përbetuar të UÇK-së dhe të Kosovës. Ajo që sot, popullit dhe luftëtarëve të lirisë së UÇK-së iu dhemb më së shumti, është kolabromi dhe koketimi i disa politikanëve dhe pushtetarëve shqiptare me të ashtuquajturit "biznismenë" shqiptarë, të cilët qe më se 12 vjet së bashku me pushtetin racist mafioz të Sërbisë, e kanë shkërryerë, degjeneruar, djegur dhe varfëruar popullin shqiptar në Kosovë. 

   

Mëpastaj,  shrtohet edhe kjo pyetje, si është e mundur që "biznismenët"-plagkitësit kryesorë të shqiptarëve dhe të Kosovës gjatë sundimit të terrorit okupacionist të Sërbisë, edhe sot qe katër vjet në liri, t'i gëzojnë të njëjtat privilegje politike dhe ekonomike, duke u gjendur nëpër bordet udhëheqëse të ekonomisë, tregtisë dhe të politikës shqiptare kosovare? Kush kënd e ka mashtruar, dhe po manipulon keq e më zi në këtë rast? E qartë si mëgjesi me diell, prapëseprapë, "më rrove të rrova, brisku i berberit", fjalën kryesore e kanë po të njëjtit "plaqkëmenë", të njëjtit reketues të regjimit sllobodanian sërbomëdhenj, që i "mjelshin" dhe mjerisht ende "po i mjelin" klientët fatzinj të Nënës së Nderuar Tereza . 

  

Ata, të cilët, "dikur moti" para katër vitesh, bashkëpunëtorët e tyre të sotshëm, " i vërvitshën" nëpër lista të zeza të sigurimit policor  serb, dhe  me etiketimet serbomëdha i njollosshin dhe damkosshin para popullit shqiptar në Kosovë. Këtë "rrymë filozofike" të tradhtisë së interesit të përgjithshëm kombëtar, nuk mund ta gjesh as në romanin "Idioti" të idiotit Fjodor Dostojevski! Në vend se atyre, t'u konfiskohej e gjithë pasuria e tundshme dhe e patundshme, dhe tk jepnin llogari para popullit, ata u amnistuan dhe u rehabilituan "pa therrë në këmbë" nga ata, që kishin sakrfikuar me dekada për lirinë dhe Kosovën.!

 

Për të mos u keqkuptuar, duhet ta kemi të qartë, se populli nuk mund të mashtrohet vazhdimisht. Populli e di shumë mirë se kush e ka shtypur egërsisht gjatë luftës, dhe kush, dhe për qfarë qëllimesh po e shfrytëzon sot në liri. Ekzistenca e jetesës së popullit nuk mund të sigurohet, duke ia verbuar sytë përditë me demagogji, hipokrizi dhe me "demokraci", të rezervuar enkas vetëm për "faturën" e tij. Ky mashtrim i popullit me "plaqkëmenë" dhe mafi nëntokësore krejt të përzier, nuk ka lidhje me lirinë as demokracinë, por e ka vetëm një emër, që tanimë populli shqiptar në Kosovë, vërtet është lodhur dhe rraskapitur nga kjo "fantazmë", por ende është i vetëdijshëm këtë nuk quan bardhë, por vetëm zi! 

  

Plotësisht ka të drejtë populli të shprehet realisht dhe i pafrikësuar, sepse kolaborimi dhe tregtia e "biznesit" me Sërbi, kurrë nuk mund të krahasohet, as të barazohet me luftën çlirimtare të drejtë të UÇK-së, edhe pse prapë me Sërbinë po mundohen që fitoren tonë ta dënojnë dhe burgosin në Hagë së bashku me S.Milosheviqin. Kjo është punë që nuk do të bëhet kurrë, të  barazohet dhe të gjykohet njësoj viktima me xhelatin!

Copyright©2000-2003 Trepca.net - Të gjitha të  drejtat e rezervuara.